ការបកប្រែអត្ថន័យ ជំពូក​ អាស្ហស្ហ៊ូអារ៉ក - ការអធិប្បាយសង្ខេបអំពីគម្ពីគួរអានជាភាសាភូឡានី - លេខ​ទំព័រ 372 - សព្វវចនាធិប្បាយនៃគម្ពីគួរអាន

អាយ៉ាត់: 112

قَالَ وَمَا عِلۡمِي بِمَا كَانُواْ يَعۡمَلُونَ

Nuuhu maakani ɓe (yo o his): E ko honɗum woni ganndal am e ko ɓee gomɗinɓe wonunoo e gollude? Mi laataaki fawtaniiɗo ɓe sakko mi mofta golle maɓɓe ɗen.

អាយ៉ាត់: 113

إِنۡ حِسَابُهُمۡ إِلَّا عَلَىٰ رَبِّيۖ لَوۡ تَشۡعُرُونَ

Hasbugol ɓe fawaaki si wanaa Alla, On Annduɗo gunndooji maɓɓe ɗin e feeñuɗi maɓɓe ɗin wanaa ka am, sinndo hiɗon so'aynoo, on wowlataano ko wowluɗon kon.

អាយ៉ាត់: 114

وَمَآ أَنَا۠ بِطَارِدِ ٱلۡمُؤۡمِنِينَ

Mi wonaali raɗotooɗo gomɗinɓe ɓen ka mbatu am, ka jaabagol ko lanndiɗon kon fii yo on gomɗin.

អាយ៉ាត់: 115

إِنۡ أَنَا۠ إِلَّا نَذِيرٞ مُّبِينٞ

Min mi wonaali si wanaa jertinoowo ɓannguɗo jertinngol, miɗo rentinira on e Lepte Alla ɗen.

អាយ៉ាត់: 116

قَالُواْ لَئِن لَّمۡ تَنتَهِ يَٰنُوحُ لَتَكُونَنَّ مِنَ ٱلۡمَرۡجُومِينَ

Yimɓe makko ɓen wi'i mo: Men woondii si a tertaaki kon ko noddataa men e muuɗum, ma a wonu sanne jeyaaɗo e yenneteeɓe ɓen e warirteeɓe ɓen fiɗeede kaaƴe.

អាយ៉ាត់: 117

قَالَ رَبِّ إِنَّ قَوۡمِي كَذَّبُونِ

Nuuhu noddi Joomi makko o maaki: Jooma, pellet, yimɓe am ɓen ɓe fennii lam, ɓe goonginaali lam e ko mi addi kon immorde ka maaɗa.

អាយ៉ាត់: 118

فَٱفۡتَحۡ بَيۡنِي وَبَيۡنَهُمۡ فَتۡحٗا وَنَجِّنِي وَمَن مَّعِيَ مِنَ ٱلۡمُؤۡمِنِينَ

Ñaawu hakkunde am e maɓɓe ñaawoore halka- ynde ɓe sabu nanngitagol maɓɓe e dow meere nden, danndaa mi e ɓen gomɗinɓe wonnduɓe e am immorde e kon ko halkirtaa ɗum yedduɓe ɓen ka yimɓe am.

អាយ៉ាត់: 119

فَأَنجَيۡنَٰهُ وَمَن مَّعَهُۥ فِي ٱلۡفُلۡكِ ٱلۡمَشۡحُونِ

Men jaabinani mo du'aa makko on, Men danndi mo e ɓen gomɗinɓe wonnduɓe e makko ka nder laana hebbinaaka yimɓe e muumi.

អាយ៉ាត់: 120

ثُمَّ أَغۡرَقۡنَا بَعۡدُ ٱلۡبَاقِينَ

Refti Men yooli ɓaawo maɓɓe heddiiɓe ɓen, ɓen le, ko yimɓe Nuuhu ɓen.

អាយ៉ាត់: 121

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ

Pellet, wonii e ɗum ko jaŋtaa immorde e fillayee Nuuhu e yimɓɓe makko ɓen, e daɗugol Nuuhu e ɓen gomɗinɓe wonnduɓe e makko, e halkeede yedduɓe ɓen ka yimɓe makko ɗum ko tasakuyee wonannde taskotooɓe ɓen, ɓurɓe heewude ɓen e maɓɓe wonaali gomɗinɓe.

អាយ៉ាត់: 122

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

Anndu Joomi maaɗa -an Nulaaɗo- ko Kanko woni tedduɗo Yoɓtotooɗo ayɓe Makko ɓen,Yurmeteeɗo on tuubuɗo e maɓɓe.

អាយ៉ាត់: 123

كَذَّبَتۡ عَادٌ ٱلۡمُرۡسَلِينَ

Aadinkooɓe ɓen fenniino Nulaaɓe ɓen tuma nde ɓe fennunoo Nulaaɗo maɓɓe on Huudu (yo o his).

អាយ៉ាត់: 124

إِذۡ قَالَ لَهُمۡ أَخُوهُمۡ هُودٌ أَلَا تَتَّقُونَ

Tuma nde Saalihu musiɗɗo maɓɓe on ka dammbe (asko) wi'annoo ɓe: Enee, on hulataa Alla, acciron rewugol tanaa Makko sabu kulol Makko?!

អាយ៉ាត់: 125

إِنِّي لَكُمۡ رَسُولٌ أَمِينٞ

Min dey, ko mi Nulaaɗo mooɗon, Alla Nulii lam e mooɗon, ko mi hoolaaɗo mi ɓeydataa e dow ko Alla Yamira lam kon yottinngol ɗum, mi uytataa ɗum kadi.

អាយ៉ាត់: 126

فَٱتَّقُواْ ٱللَّهَ وَأَطِيعُونِ

Huliree Alla ɗoftagol Yamiraaɗi Makko ɗin e woɗɗitagol haɗaani Makko ɗin, ɗoftee lam e ko mi yamiri on kon, e ko mi haɗi on kon e muuɗum.

អាយ៉ាត់: 127

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

Mi ɗaɓɓiraali on njoɓdi fii ko mi yottinanta Joomi am kon e mooɗon, njoɓdi am ndin fawaaki si wanaa Alla Jooma tageefooji ɗin wanaa e tanaa Makko.

អាយ៉ាត់: 128

أَتَبۡنُونَ بِكُلِّ رِيعٍ ءَايَةٗ تَعۡبَثُونَ

Enee, on mahay e kala nokkuure hentiinde toowunde maadi fii maande e fijindaaru ndu alaa nafa ruttatooɗo on ka aduna mooɗon maaɗum ka Laakara mooɗon?!

អាយ៉ាត់: 129

وَتَتَّخِذُونَ مَصَانِعَ لَعَلَّكُمۡ تَخۡلُدُونَ

Jogitoɗon caŋeeji e kuɓeeje wasi on luttinte e nder nduu adunaaru, hara on eggataa e mayru?!

អាយ៉ាត់: 130

وَإِذَا بَطَشۡتُم بَطَشۡتُمۡ جَبَّارِينَ

Si on jaggitirii warugol maaɗum piyugol, jaggiton ko on ndunndarankooɓe ko aldaa e yurmeende.

អាយ៉ាត់: 131

فَٱتَّقُواْ ٱللَّهَ وَأَطِيعُونِ

Huliree Alla ɗoftagol Yamiraaɗi Makko ɗin e woɗɗitagol haɗaani Makko ɗin, ɗoftee lam e ko mi yamirta on kon, e ko mi haɗata on kon e muuɗum.

អាយ៉ាត់: 132

وَٱتَّقُواْ ٱلَّذِيٓ أَمَدَّكُم بِمَا تَعۡلَمُونَ

Hulee tikkere Alla Okkuɗo on immorde e neemaaji makko ɗi annduɗon.

អាយ៉ាត់: 133

أَمَدَّكُم بِأَنۡعَٰمٖ وَبَنِينَ

O okki on neemoraaɗi, O okki on ɓiɗɓe worɓe.

អាយ៉ាត់: 134

وَجَنَّٰتٖ وَعُيُونٍ

O okki on gese e canɗi ilooji.

អាយ៉ាត់: 135

إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمٖ

Min, miɗo hulani on -onon yimɓe am- Lepte Ñalaande mawnde nden ko Ñalnde Darngal.

អាយ៉ាត់: 136

قَالُواْ سَوَآءٌ عَلَيۡنَآ أَوَعَظۡتَ أَمۡ لَمۡ تَكُن مِّنَ ٱلۡوَٰعِظِينَ

Yimɓe makko ɓen wi'ani mo: Ko waajotoɗaa men kon e si a waajaaki no fotana amen ter, men gomɗintaa ma, men ruttataako gaayi ko men woni kon e muuɗum.

ក្នុង​ចំណោម​អត្ថប្រយោជន៍​នៃអាយ៉ាត់ទាំងនេះក្នុងទំព័រនេះ:

• أفضلية أهل السبق للإيمان حتى لو كانوا فقراء أو ضعفاء.

Ɓural yimɓe adiiɓe gomɗinnde ɓen hay si ɓe wonii waasuɓe maaɗum lo'uɓe.

• إهلاك الظالمين، وإنجاء المؤمنين سُنَّة إلهية.

Halkugol tooñuɓe ɓen, e danndugol gomɗinɓe ɓen ɗum ko sunna Alla.

• خطر الركونِ إلى الدنيا.

Nawaare(NGOƳO) tuugagol e aduna on.

• تعنت أهل الباطل، وإصرارهم عليه.

Ƴaggere yimɓe meere nden, e deppitagol maɓɓe e mayre.