ការបកប្រែអត្ថន័យ ជំពូក​ សូរ៉ោះអាត់តរិក - ការបកប្រែជាភាសាខ្មែរ - សព្វវចនាធិប្បាយនៃគម្ពីគួរអាន

សូរ៉ោះអាត់តរិក

អាយ៉ាត់: 1

وَٱلسَّمَآءِ وَٱلطَّارِقِ

អល់ឡោះស្បថនឹងមេឃ និងអាត់តរិក។

អាយ៉ាត់: 2

وَمَآ أَدۡرَىٰكَ مَا ٱلطَّارِقُ

ហើយអ្វីដែលធ្វើឱ្យអ្នកដឹងថា អាត់តរិកជាអ្វីនោះ?

អាយ៉ាត់: 3

ٱلنَّجۡمُ ٱلثَّاقِبُ

គឺជាផ្កាយដែលមានរស្មីភ្លឺចិញ្ចាច។

អាយ៉ាត់: 4

إِن كُلُّ نَفۡسٖ لَّمَّا عَلَيۡهَا حَافِظٞ

បុគ្គលគ្រប់ៗរូបគឺសុទ្ធតែមានអ្នកថែរក្សាគេ។

អាយ៉ាត់: 5

فَلۡيَنظُرِ ٱلۡإِنسَٰنُ مِمَّ خُلِقَ

ដូចេ្នះ ចូរឱ្យមនុស្សលោកមើលចុះថា តើរូបគេត្រូវបាន បង្កើតមកពីអ្វី ?

អាយ៉ាត់: 6

خُلِقَ مِن مَّآءٖ دَافِقٖ

រូបគេត្រូវបានបង្កើតមកពីទឹកដែលបាញ់ចេញ(ពីប្រដាប់ ភេទបុរសចូលទៅក្នុងប្រដាប់ភេទស្ដ្រី)

អាយ៉ាត់: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

ដែលវាចេញពីឆ្អឹងខ្នងបុរស និងឆ្អឹងជំនីស្ដ្រី។

អាយ៉ាត់: 8

إِنَّهُۥ عَلَىٰ رَجۡعِهِۦ لَقَادِرٞ

ពិតប្រាកដណាស់ ទ្រង់ជាអ្នកមានអានុភាពក្នុងការធ្វើឱ្យ គេរស់ឡើងវិញ។

អាយ៉ាត់: 9

يَوۡمَ تُبۡلَى ٱلسَّرَآئِرُ

-នៅថ្ងៃដែលអាថ៌កំបាំងទាំងអស់ត្រូវបានលាតត្រដាង។

អាយ៉ាត់: 10

فَمَا لَهُۥ مِن قُوَّةٖ وَلَا نَاصِرٖ

ពេលនោះគេគ្មានអំណាច ហើយក៏គ្មានអ្នកជួយដែរ។

អាយ៉ាត់: 11

وَٱلسَّمَآءِ ذَاتِ ٱلرَّجۡعِ

អល់ឡោះស្បថនឹងមេឃដែលមានភ្លៀងធ្លាក់ម្ដងហើយ ម្ដងទៀត។

អាយ៉ាត់: 12

وَٱلۡأَرۡضِ ذَاتِ ٱلصَّدۡعِ

និងផែនដីដែលមានការបេ្រះបែក(ដោយសាររុក្ខជាតិ លូតលាស់)។

អាយ៉ាត់: 13

إِنَّهُۥ لَقَوۡلٞ فَصۡلٞ

ពិតប្រាកដណាស់ វា(គម្ពីរគួរអាន)គឺជាពាក្យពេចន៍ ដែលមានការបែងចែក(រវាងខុសនិងត្រូវ)។

អាយ៉ាត់: 14

وَمَا هُوَ بِٱلۡهَزۡلِ

ហើយគម្ពីរគួរអាន ក៏មិនមែនសម្រាប់លេងសើចដែរ។

អាយ៉ាត់: 15

إِنَّهُمۡ يَكِيدُونَ كَيۡدٗا

ពិតប្រាកដណាស់ ពួកគេរៀបចំល្បិចកលអាក្រក់(ដើម្បី ប្រឆាំងនឹងមូហាំម៉ាត់)។

អាយ៉ាត់: 16

وَأَكِيدُ كَيۡدٗا

ហើយយើងក៏មានផែនការ(ដើម្បីតបតនឹងពួកគេ)វិញ ដែរ។

អាយ៉ាត់: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

ដូចេ្នះ ចូរអ្នក(មូហាំម៉ាត់)ពន្យារពេលឱ្យពួកគ្មានជំនឿ និងរង់ចាំមើលពួកគេមួយរយៈសិនចុះ។