ការបកប្រែអត្ថន័យ ជំពូក​ សូរ៉ោះអាល់ករីអះ - الترجمة الخميرية للمختصر في تفسير القرآن الكريم - សព្វវចនាធិប្បាយនៃគម្ពីគួរអាន

សូរ៉ោះអាល់ករីអះ

គោល​បំណងនៃជំពូក:

قرع القلوب لاستحضار هول القيامة وأحوال الناس في موازينها.

ភាពញាប់ញ័រនៃដួងចិត្តដោយសារការមកដល់នៃស្ថានភាពដ៏រន្ធត់នៃថ្ងៃបរលោក ហើយនិងស្ថានភាពរបស់មនុស្សលោកចំពោះការថ្លឺងទង្វើ(ល្អ អាក្រក់)របស់ពួកគេ។

---

អាយ៉ាត់: 1

ٱلۡقَارِعَةُ

ពេលវេលាដែលធ្វើឲ្យដូងចិត្តរបស់មនុស្សលោកភ័យញាប់ញ័រដោយសារតែស្ថានភាពដ៏រន្ធត់នៃថ្ងៃនោះ។

អាយ៉ាត់: 2

مَا ٱلۡقَارِعَةُ

តើអ្វីទៅជាពេលវេលាដែលធ្វើឲ្យដូងចិត្តរបស់មនុស្សលោកភ័យញាប់ញ័រដោយសារតែស្ថានភាពដ៏រន្ធត់របស់វានោះ?

អាយ៉ាត់: 3

وَمَآ أَدۡرَىٰكَ مَا ٱلۡقَارِعَةُ

តើអ្វីដែលធ្វើឱ្យអ្នកដឹងថា អ្វីទៅជាពេលវេលាដែលធ្វើឲ្យដូងចិត្តរបស់មនុស្សលោកភ័យញាប់ញ័រដោយសារតែស្ថានភាពដ៏រន្ធត់របស់វានោះ? ពិតណាស់ វានោះគឺជាថ្ងៃបរលោក។

អាយ៉ាត់: 4

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ

គឺថ្ងៃដែលដួងចិត្តមនុស្សលោកញាប់ញ័រភ័យរន្ធត់ប្រៀបដូចជាហ្វូងសត្វមេអំបៅដែលហើរប្រសេចប្រសាចគ្រប់ទីកន្លែង។

អាយ៉ាត់: 5

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ

ហើយភ្នំទាំងឡាយប្រៀបដូចជារោមសត្វចម្រុះពណ៌ដែលត្រូវគេធ្វើឲ្យប៉ើងរប៉ាត់រប៉ាយ។

អាយ៉ាត់: 6

فَأَمَّا مَن ثَقُلَتۡ مَوَٰزِينُهُۥ

រីឯអ្នកដែលទង្វើល្អរបស់គេធ្ងន់ជាងទង្វើអាក្រក់នោះ

អាយ៉ាត់: 7

فَهُوَ فِي عِيشَةٖ رَّاضِيَةٖ

រូបគេនឹងស្ថិតនៅក្នុងជីវិតរស់នៅមួយដ៏ជាទីគាប់ចិត្តនៅក្នុងឋានសួគ៌។

អាយ៉ាត់: 8

وَأَمَّا مَنۡ خَفَّتۡ مَوَٰزِينُهُۥ

ហើយចំណែកឯជនណាដែលទង្វើអាក្រក់របស់គេធ្ងន់ជាងទង្វើល្អនោះ

អាយ៉ាត់: 9

فَأُمُّهُۥ هَاوِيَةٞ

ទីលំនៅ និងកន្លែងស្នាក់អាស្រ័យរបស់គេនៅថ្ងៃបរលោកនោះ គឺនៅក្នុងឋាននរកជើហាន់ណាំ។

អាយ៉ាត់: 10

وَمَآ أَدۡرَىٰكَ مَا هِيَهۡ

តើអ្វីដែលធ្វើឱ្យអ្នក(ឱអ្នកនាំសារមូហាំម៉ាត់)ដឹងថា វាជាអ្វីនោះ?

អាយ៉ាត់: 11

نَارٌ حَامِيَةُۢ

គឺជាភ្លើងនរកដ៏សែនក្តៅបំផុត។

ក្នុង​ចំណោម​អត្ថប្រយោជន៍​នៃអាយ៉ាត់ទាំងនេះក្នុងទំព័រនេះ:

• خطر التفاخر والتباهي بالأموال والأولاد.

• គ្រោះថ្នាក់នៃការមានមោទនភាព និងការអួតដាក់គ្នាពីរឿងទ្រព្យសម្បត្តិនិងកូនចៅ។

• القبر مكان زيارة سرعان ما ينتقل منه الناس إلى الدار الآخرة.

• ផ្នូរ គឺជាកន្លែងស្នាក់នៅបណ្តោះអាសន្នមុននឹងឈានទៅកាន់ឋានបរលោក។

• يوم القيامة يُسْأل الناس عن النعيم الذي أنعم به الله عليهم في الدنيا.

• នៅថ្ងៃបរលោក គេនឹងសួរមនុស្សលោកអំពីឧបការគុណទាំងឡាយដែលអល់ឡោះបានប្រទានឱ្យពួកគេកាលនៅលោកិយ។

• الإنسان مجبول على حب المال.

• សារជាតិរបស់មនុស្ស គឺស្រលាញ់ទ្រព្យសម្បត្តិ។