ការបកប្រែអត្ថន័យ ជំពូក​ អាហ្ពាសា - ការបកប្រែជាភាសាខ្មែរ - មជ្ឈមណ្ឌលបកប្រែរ៉ូវ៉ាដ - សព្វវចនាធិប្បាយនៃគម្ពីគួរអាន

អាហ្ពាសា

អាយ៉ាត់: 1

عَبَسَ وَتَوَلَّىٰٓ

គាត់(ព្យាការីមូហាំម៉ាត់)បានធ្វើមុខក្រញូវ ហើយងាកចេញ

អាយ៉ាត់: 2

أَن جَآءَهُ ٱلۡأَعۡمَىٰ

ដោយសារមានជនពិការភ្នែកម្នាក់បានមកជួបគាត់។

អាយ៉ាត់: 3

وَمَا يُدۡرِيكَ لَعَلَّهُۥ يَزَّكَّىٰٓ

តើអ្វីដែលធ្វើឲ្យអ្នក(ឱអ្នកនាំសារមូហាំម៉ាត់)អាចដឹង(ពីរឿងនោះ)? ជួនកាលគេអាច(មក)សម្អាតខ្លួនរបស់គេ(ពីបាបកម្ម)ក៏ថាបាន។

អាយ៉ាត់: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

ឬក៏គេអាចទទួលបានការដាស់រំលឹក(ពីអ្នក) ហើយការដាស់រំលឹកនោះអាចផ្ដល់ជាប្រយោជន៍ដល់គេ។

អាយ៉ាត់: 5

أَمَّا مَنِ ٱسۡتَغۡنَىٰ

រីឯអ្នកដែលមិនត្រូវការ(ការណែនាំពីអ្នក)

អាយ៉ាត់: 6

فَأَنتَ لَهُۥ تَصَدَّىٰ

អ្នកបែរជាយកចិត្តទុកដាក់ចំពោះគេទៅវិញ។

អាយ៉ាត់: 7

وَمَا عَلَيۡكَ أَلَّا يَزَّكَّىٰ

តើមានអ្វីកើតឡើងចំពោះអ្នក ប្រសិនបើគេមិនសម្អាតខ្លួន(ពីភាពគ្មានជំនឿ)ទេនោះ?

អាយ៉ាត់: 8

وَأَمَّا مَن جَآءَكَ يَسۡعَىٰ

រីឯអ្នកដែលខំព្យាយាមមកជួបអ្នក

អាយ៉ាត់: 9

وَهُوَ يَخۡشَىٰ

ហើយរូបគេក៏ខ្លាច(អល់ឡោះ)ផងនោះ

អាយ៉ាត់: 10

فَأَنتَ عَنۡهُ تَلَهَّىٰ

អ្នកបែរជាព្រងើយកន្តើយចំពោះគេទៅវិញ។

អាយ៉ាត់: 11

كَلَّآ إِنَّهَا تَذۡكِرَةٞ

មិនដូច្នោះឡើយ! ពិតណាស់ វា(ជំពូកនេះ)ជាការដាស់រំលឹកប៉ុណ្ណោះ។

អាយ៉ាត់: 12

فَمَن شَآءَ ذَكَرَهُۥ

ដូចនេះ ជនណាដែលចង់ទទួលការដាស់រំលឹក គេនឹងយកវា(គម្ពីរ)ជាការដាស់រំលឹក

អាយ៉ាត់: 13

فِي صُحُفٖ مُّكَرَّمَةٖ

(ដែលវា)ស្ថិតនៅក្នុងគម្ពីរដែលត្រូវបានគេលើកតម្កើង

អាយ៉ាត់: 14

مَّرۡفُوعَةٖ مُّطَهَّرَةِۭ

ដែលមានឋានៈខ្ពង់ខ្ពស់ និងជ្រះស្អាត។

អាយ៉ាត់: 15

بِأَيۡدِي سَفَرَةٖ

វា(គម្ពីរគួរអាន)នៅនឹងដៃម៉ាឡាអ៊ីកាត់។

អាយ៉ាត់: 16

كِرَامِۭ بَرَرَةٖ

ជាអ្នកដែលថ្កុំថ្កើង និងជាអ្នកដែលប្រព្រឹត្តតែអំពើល្អ។

អាយ៉ាត់: 17

قُتِلَ ٱلۡإِنسَٰنُ مَآ أَكۡفَرَهُۥ

គេបានដាក់បណ្តាសាលើមនុស្ស(ដែលប្រឆាំង)។ តើមានអ្វីដែលខ្លាំងជាងការប្រឆាំងនឹងទ្រង់ទៀតនោះ!

អាយ៉ាត់: 18

مِنۡ أَيِّ شَيۡءٍ خَلَقَهُۥ

តើទ្រង់បានបង្កើតរូបគេពីអ្វី?

អាយ៉ាត់: 19

مِن نُّطۡفَةٍ خَلَقَهُۥ فَقَدَّرَهُۥ

គឺទ្រង់បានបង្កើតរូបគេពីទឹកកាម ហើយទ្រង់បានកំណត់(ដំណាក់កាលរបស់)វា។

អាយ៉ាត់: 20

ثُمَّ ٱلسَّبِيلَ يَسَّرَهُۥ

បន្ទាប់មក ទ្រង់បានសម្រួលនូវមាគ៌ា(ល្អ អាក្រក់)ដល់គេ។

អាយ៉ាត់: 21

ثُمَّ أَمَاتَهُۥ فَأَقۡبَرَهُۥ

ក្រោយមក ទ្រង់បានឱ្យគេស្លាប់ រួចឱ្យគេស្ថិតក្នុងផ្នូរ។

អាយ៉ាត់: 22

ثُمَّ إِذَا شَآءَ أَنشَرَهُۥ

បន្ទាប់មក នៅពេលដែលទ្រង់មានចេតនា ទ្រង់នឹងឲ្យគេរស់ឡើងវិញ។

អាយ៉ាត់: 23

كَلَّا لَمَّا يَقۡضِ مَآ أَمَرَهُۥ

មិនដូច្នោះឡើយ! គេមិនបានបំពេញនូវអ្វីដែលទ្រង់បានដាក់បទបញ្ជាលើរូបគេឡើយ។

អាយ៉ាត់: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

ដូចេ្នះ ចូរឱ្យមនុស្សលោកមើលទៅកាន់ចំណីអាហាររបស់គេចុះ។

អាយ៉ាត់: 25

أَنَّا صَبَبۡنَا ٱلۡمَآءَ صَبّٗا

ពិតប្រាកដណាស់ យើងបានស្រោចស្រពនូវទឹកភ្លៀងយ៉ាងច្រើនសន្ធឹកសន្ធាប់។

អាយ៉ាត់: 26

ثُمَّ شَقَقۡنَا ٱلۡأَرۡضَ شَقّٗا

បន្ទាប់មក យើងបានបំបែកដីជាបំណែកៗ។

អាយ៉ាត់: 27

فَأَنۢبَتۡنَا فِيهَا حَبّٗا

ពេលនោះ យើងបានបណ្តុះនៅក្នុងវានូវគ្រាប់ធញ្ញជាតិជាច្រើន

អាយ៉ាត់: 28

وَعِنَبٗا وَقَضۡبٗا

និងទំពាំងបាយជូរ រុក្ខជាតិបៃតង(សម្រាប់ជាចំណីសត្វ)

អាយ៉ាត់: 29

وَزَيۡتُونٗا وَنَخۡلٗا

និងដើមអូលីវ ដើមលើ្ម

អាយ៉ាត់: 30

وَحَدَآئِقَ غُلۡبٗا

ហើយនិងចម្ការជាច្រើនដែលមានដើមឈើធំៗ

អាយ៉ាត់: 31

وَفَٰكِهَةٗ وَأَبّٗا

ព្រមទាំងផលានុផល និងស្មៅ

អាយ៉ាត់: 32

مَّتَٰعٗا لَّكُمۡ وَلِأَنۡعَٰمِكُمۡ

ដើម្បីជាប្រយោជន៍សម្រាប់ពួកអ្នក និងសត្វពាហនៈរបស់ពួកអ្នក។

អាយ៉ាត់: 33

فَإِذَا جَآءَتِ ٱلصَّآخَّةُ

ហើយនៅពេលដែលសម្រែកយ៉ាងខ្លាំង(នៃការផ្លុំត្រែលើកទីពីរ)បានមកដល់

អាយ៉ាត់: 34

يَوۡمَ يَفِرُّ ٱلۡمَرۡءُ مِنۡ أَخِيهِ

គឺនៅថ្ងៃដែលបុគ្គលម្នាក់ៗរត់គេចពីបងប្អូនរបស់ខ្លួន

អាយ៉ាត់: 35

وَأُمِّهِۦ وَأَبِيهِ

និងពីម្តាយរបស់ខ្លួន ពីឪពុករបស់ខ្លួន

អាយ៉ាត់: 36

وَصَٰحِبَتِهِۦ وَبَنِيهِ

ហើយនិងពីភរិយារបស់ខ្លួន និងកូនចៅរបស់ខ្លួន។

អាយ៉ាត់: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

នៅថ្ងៃនោះ បុគ្គលម្នាក់ៗក្នុងចំណោមពួកគេ គឺមានកិច្ចការដែលធ្វើឲ្យរូបគេរវល់(ខ្វល់ខ្វាយរៀងៗខ្លួន)។

អាយ៉ាត់: 38

وُجُوهٞ يَوۡمَئِذٖ مُّسۡفِرَةٞ

ទឹកមុខ(អ្នកមានជំនឿ)នៅថ្ងៃនោះ គឺភាពត្រចេះត្រចង់

អាយ៉ាត់: 39

ضَاحِكَةٞ مُّسۡتَبۡشِرَةٞ

(ដោយពួកគេ)សើចសប្បាយ និងមានភាពរីករាយ។

អាយ៉ាត់: 40

وَوُجُوهٞ يَوۡمَئِذٍ عَلَيۡهَا غَبَرَةٞ

ហើយទឹកមុខ(ពួកគ្មានជំនឿ)នៅថ្ងៃនោះ គឺប្រឡាក់ដោយធូលី។

អាយ៉ាត់: 41

تَرۡهَقُهَا قَتَرَةٌ

ល្អងខ្មៅងងឹតបានគ្របដណ្តប់លើផ្ទៃមុខ(របស់ពួកគេ)។

អាយ៉ាត់: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

ពួកទាំងនោះ គឺជាពួកដែលប្រឆាំង និងពួកដែលបំពាន។