ការបកប្រែអត្ថន័យ ជំពូក​ អាល់អះហ្សាប - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយនៃគម្ពីគួរអាន

Al-Ahzab

អាយ៉ាត់: 1

يَٰٓأَيُّهَا ٱلنَّبِيُّ ٱتَّقِ ٱللَّهَ وَلَا تُطِعِ ٱلۡكَٰفِرِينَ وَٱلۡمُنَٰفِقِينَۚ إِنَّ ٱللَّهَ كَانَ عَلِيمًا حَكِيمٗا

Hay seka a nabi (Muhammad)! Ikagilek nengka su Allah, endu di ka bagunuti su manga kafir endu su manga munafiq, saben-sabenal su Allah na mataw sa mapayag a maungangen.

អាយ៉ាត់: 2

وَٱتَّبِعۡ مَا يُوحَىٰٓ إِلَيۡكَ مِن رَّبِّكَۚ إِنَّ ٱللَّهَ كَانَ بِمَا تَعۡمَلُونَ خَبِيرٗا

Endu ya ka unuti su wahi sa leka ebpun sa kadenan nengka, su Allah na katawanin i langun a galebek nu.

អាយ៉ាត់: 3

وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلٗا

Salig ka sa Allah ka mapya gayd a pedsaligan.

អាយ៉ាត់: 4

مَّا جَعَلَ ٱللَّهُ لِرَجُلٖ مِّن قَلۡبَيۡنِ فِي جَوۡفِهِۦۚ وَمَا جَعَلَ أَزۡوَٰجَكُمُ ٱلَّٰٓـِٔي تُظَٰهِرُونَ مِنۡهُنَّ أُمَّهَٰتِكُمۡۚ وَمَا جَعَلَ أَدۡعِيَآءَكُمۡ أَبۡنَآءَكُمۡۚ ذَٰلِكُمۡ قَوۡلُكُم بِأَفۡوَٰهِكُمۡۖ وَٱللَّهُ يَقُولُ ٱلۡحَقَّ وَهُوَ يَهۡدِي ٱلسَّبِيلَ

Da baluya nu Allah sa isa kataw a mama i duwa timan i atay nin sya sa dalem na pusung, endu dala baluya nu Allah su manga kaluma nu a ibpelagid nu kani ina nu sa benal a ina nu, endu su pembabatan nu na (apya ngin) na di kena nu bun wata, ka entu na kadtalu nu bu sa ngali nu, su Allah na edtalu sa haqq (bantang) endu pedtutulu sa lalan a matidtu.

អាយ៉ាត់: 5

ٱدۡعُوهُمۡ لِأٓبَآئِهِمۡ هُوَ أَقۡسَطُ عِندَ ٱللَّهِۚ فَإِن لَّمۡ تَعۡلَمُوٓاْ ءَابَآءَهُمۡ فَإِخۡوَٰنُكُمۡ فِي ٱلدِّينِ وَمَوَٰلِيكُمۡۚ وَلَيۡسَ عَلَيۡكُمۡ جُنَاحٞ فِيمَآ أَخۡطَأۡتُم بِهِۦ وَلَٰكِن مَّا تَعَمَّدَتۡ قُلُوبُكُمۡۚ وَكَانَ ٱللَّهُ غَفُورٗا رَّحِيمًا

Tawag nu silan sa ama nilan (ipapagapilidu bun si ama nin) ka entu ba i bantang sa Allah, u di nu katawan i ama nilan na pagali nu bun silan sa agama endu manga pakiwatan nu bun silan, endu da dusa nu kanu limban nu ugayd na endusa kanu sa pedtibaban nu manga pusung nu, su Allah na bangampun a malimu.

អាយ៉ាត់: 6

ٱلنَّبِيُّ أَوۡلَىٰ بِٱلۡمُؤۡمِنِينَ مِنۡ أَنفُسِهِمۡۖ وَأَزۡوَٰجُهُۥٓ أُمَّهَٰتُهُمۡۗ وَأُوْلُواْ ٱلۡأَرۡحَامِ بَعۡضُهُمۡ أَوۡلَىٰ بِبَعۡضٖ فِي كِتَٰبِ ٱللَّهِ مِنَ ٱلۡمُؤۡمِنِينَ وَٱلۡمُهَٰجِرِينَ إِلَّآ أَن تَفۡعَلُوٓاْ إِلَىٰٓ أَوۡلِيَآئِكُم مَّعۡرُوفٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا

Su manga nabi na ya wagib a lamigan nu manga bamaginugut kanu ginawa nilan endu su manga kaluma nilan na ina nu manga bamaginugut endu su edsusuled na makendulunga (makambibidaya) sya kanu kawaris sya sa kitab nu Allah kanu manga mu’min endu su muhajer ya tabya na manutuma kanu sa kanu di pakawaris ka namba i nakasulat kanu kitab (Lawh Al-Mahfuz) (nya ba ayat na mansukh kagina ya pakawaris kanu nawna a timpu na su nag-Islam endu su mimbakwit ebpun sa Makkah).

អាយ៉ាត់: 7

وَإِذۡ أَخَذۡنَا مِنَ ٱلنَّبِيِّـۧنَ مِيثَٰقَهُمۡ وَمِنكَ وَمِن نُّوحٖ وَإِبۡرَٰهِيمَ وَمُوسَىٰ وَعِيسَى ٱبۡنِ مَرۡيَمَۖ وَأَخَذۡنَا مِنۡهُم مِّيثَٰقًا غَلِيظٗا

Endu minumbal kami sa pasad kanu manga nabi, endu su Nuh endu su Ibrahim endu Musa endu su Eisa a wata ni Mariam endu kinumwa kami lu sa kanilan sa pasad a mawgat.

អាយ៉ាត់: 8

لِّيَسۡـَٔلَ ٱلصَّٰدِقِينَ عَن صِدۡقِهِمۡۚ وَأَعَدَّ لِلۡكَٰفِرِينَ عَذَابًا أَلِيمٗا

Ka endu kaidsan su benal kanu kinambenal nin endu inidtatalanga nu Allah kanu manga kafir i siksa a masakit.

អាយ៉ាត់: 9

يَٰٓأَيُّهَا ٱلَّذِينَ ءَامَنُواْ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ جَآءَتۡكُمۡ جُنُودٞ فَأَرۡسَلۡنَا عَلَيۡهِمۡ رِيحٗا وَجُنُودٗا لَّمۡ تَرَوۡهَاۚ وَكَانَ ٱللَّهُ بِمَا تَعۡمَلُونَ بَصِيرًا

Hay sekanu a manga bamaginugut! Tademi nu su limu nu Allah sa lekanu, kanu kutika a nawma kanu na manga tantara a satru (ahzab) na pinasugat nami sa sambel endu manga malaikat a dala nu maylay, su Allah na gaylay nin i langun na galebek nu.

អាយ៉ាត់: 10

إِذۡ جَآءُوكُم مِّن فَوۡقِكُمۡ وَمِنۡ أَسۡفَلَ مِنكُمۡ وَإِذۡ زَاغَتِ ٱلۡأَبۡصَٰرُ وَبَلَغَتِ ٱلۡقُلُوبُ ٱلۡحَنَاجِرَ وَتَظُنُّونَ بِٱللَّهِ ٱلظُّنُونَا۠

Nakawma sa lekanu ebpun sa tampal sa pulu endu tampal sa kababan, endu nailay nu i nabalibet kanu na manga tantara (kontra), endu di kanu gayd makaginawa, endu ga-antap nu su Allah sa embalang-balang a antapan.

អាយ៉ាត់: 11

هُنَالِكَ ٱبۡتُلِيَ ٱلۡمُؤۡمِنُونَ وَزُلۡزِلُواْ زِلۡزَالٗا شَدِيدٗا

Lu ba binatalu su manga bamaginugut endu nasugat a linug silan a sangat i kapasang nin.

អាយ៉ាត់: 12

وَإِذۡ يَقُولُ ٱلۡمُنَٰفِقُونَ وَٱلَّذِينَ فِي قُلُوبِهِم مَّرَضٞ مَّا وَعَدَنَا ٱللَّهُ وَرَسُولُهُۥٓ إِلَّا غُرُورٗا

Endu nadtalu nu manga munafiq endu su aden dalu nu pusung nin: da pasad nu Allah endu su sinugu nin ya tabya na makadulat.

អាយ៉ាត់: 13

وَإِذۡ قَالَت طَّآئِفَةٞ مِّنۡهُمۡ يَٰٓأَهۡلَ يَثۡرِبَ لَا مُقَامَ لَكُمۡ فَٱرۡجِعُواْۚ وَيَسۡتَـٔۡذِنُ فَرِيقٞ مِّنۡهُمُ ٱلنَّبِيَّ يَقُولُونَ إِنَّ بُيُوتَنَا عَوۡرَةٞ وَمَا هِيَ بِعَوۡرَةٍۖ إِن يُرِيدُونَ إِلَّا فِرَارٗا

Endu pidtalu nu ped kanu manga munafiq: sekanu a taw (sa Madinah) da kadtangenan nu sya sa pembunuwan, uli kanu sa walay nu, endu bagetaw su ped kanilan kanu nabi sa pidtalu nilan i muli kami ka su walay nami na napayangas (dala natabun lun) tig nu Allah di kena napayangas, ka ya nilan kyug na malalaguy silan.

អាយ៉ាត់: 14

وَلَوۡ دُخِلَتۡ عَلَيۡهِم مِّنۡ أَقۡطَارِهَا ثُمَّ سُئِلُواْ ٱلۡفِتۡنَةَ لَأٓتَوۡهَا وَمَا تَلَبَّثُواْ بِهَآ إِلَّا يَسِيرٗا

Umana bu ka naludepan (su Madinah) a nabalibet, mawli na enggatan silan sa kasakutu sa Allah na malegan i katalima nilan, endu di silan ebpatana ya tabya na paydu gayd.

អាយ៉ាត់: 15

وَلَقَدۡ كَانُواْ عَٰهَدُواْ ٱللَّهَ مِن قَبۡلُ لَا يُوَلُّونَ ٱلۡأَدۡبَٰرَۚ وَكَانَ عَهۡدُ ٱللَّهِ مَسۡـُٔولٗا

Endu saben-sabenal a mibpasad silan sa Allah sa dapan manggula i namba, sa dili silan malalaguy ka tabangan nilan su manga bamaginugut, na di ebplis na idsa sa kanilan su pasad nilan salta su naraka.

អាយ៉ាត់: 16

قُل لَّن يَنفَعَكُمُ ٱلۡفِرَارُ إِن فَرَرۡتُم مِّنَ ٱلۡمَوۡتِ أَوِ ٱلۡقَتۡلِ وَإِذٗا لَّا تُمَتَّعُونَ إِلَّا قَلِيلٗا

Edtalu ka i dala katagan nin sa lekanu su kapalalaguy amayka nalalaguy kanu sa kapatay atawka kabunu, ka paydu bu gayd i kagkakalini nu sa dunya.

អាយ៉ាត់: 17

قُلۡ مَن ذَا ٱلَّذِي يَعۡصِمُكُم مِّنَ ٱللَّهِ إِنۡ أَرَادَ بِكُمۡ سُوٓءًا أَوۡ أَرَادَ بِكُمۡ رَحۡمَةٗۚ وَلَا يَجِدُونَ لَهُم مِّن دُونِ ٱللَّهِ وَلِيّٗا وَلَا نَصِيرٗا

Edtalu ka u entayn marihala sa kanilan amayka ipauma nu Allah silan sa mawag atawaka ipauma kanu nin sa mapya? Na dala bun matun nilan a salakaw sa Allah a marihala sa kanilan atawaka tumabang sa kanilan.

អាយ៉ាត់: 18

۞ قَدۡ يَعۡلَمُ ٱللَّهُ ٱلۡمُعَوِّقِينَ مِنكُمۡ وَٱلۡقَآئِلِينَ لِإِخۡوَٰنِهِمۡ هَلُمَّ إِلَيۡنَاۖ وَلَا يَأۡتُونَ ٱلۡبَأۡسَ إِلَّا قَلِيلًا

Katawan nu Allah su mapawk sa lekanu, endu su pedtalu kanu manga pagali nin sa sya kanu, endu di silan mamung sa kambunuwa ya tabya na paydu.

អាយ៉ាត់: 19

أَشِحَّةً عَلَيۡكُمۡۖ فَإِذَا جَآءَ ٱلۡخَوۡفُ رَأَيۡتَهُمۡ يَنظُرُونَ إِلَيۡكَ تَدُورُ أَعۡيُنُهُمۡ كَٱلَّذِي يُغۡشَىٰ عَلَيۡهِ مِنَ ٱلۡمَوۡتِۖ فَإِذَا ذَهَبَ ٱلۡخَوۡفُ سَلَقُوكُم بِأَلۡسِنَةٍ حِدَادٍ أَشِحَّةً عَلَى ٱلۡخَيۡرِۚ أُوْلَٰٓئِكَ لَمۡ يُؤۡمِنُواْ فَأَحۡبَطَ ٱللَّهُ أَعۡمَٰلَهُمۡۚ وَكَانَ ذَٰلِكَ عَلَى ٱللَّهِ يَسِيرٗا

Ka pedsingit sa lekanu na amayka makawma i makagilek na mailay nengka i edtulik ka sa kanilan sa di den mapisek i mata nilan sa mana su pebpaya sa kapatay, amayka dala den su makagilek na mawag i dila nilan sa lekanu, ka pangaluyan kanu nilan (mamanula) kanu manga tamuk, silan a manga taw na dala pangimbenal, ginugul nu Allah su manga galebek nilan, na paydu bu gayd intu sa Allah.

អាយ៉ាត់: 20

يَحۡسَبُونَ ٱلۡأَحۡزَابَ لَمۡ يَذۡهَبُواْۖ وَإِن يَأۡتِ ٱلۡأَحۡزَابُ يَوَدُّواْ لَوۡ أَنَّهُم بَادُونَ فِي ٱلۡأَعۡرَابِ يَسۡـَٔلُونَ عَنۡ أَنۢبَآئِكُمۡۖ وَلَوۡ كَانُواْ فِيكُم مَّا قَٰتَلُوٓاْ إِلَّا قَلِيلٗا

Bangantapen nilan pamun i dapan makawa su manga satru (kuntra), endu amayka makawma su manga kontra ya nilan kyug na lu silan sa dalem na mawatan, ipangingidsa nilan bu i tudtulan sa lekanu, upama menem ka matabu silan na dili silan mamung embunuwa ya tabya na paydu bu.

អាយ៉ាត់: 21

لَّقَدۡ كَانَ لَكُمۡ فِي رَسُولِ ٱللَّهِ أُسۡوَةٌ حَسَنَةٞ لِّمَن كَانَ يَرۡجُواْ ٱللَّهَ وَٱلۡيَوۡمَ ٱلۡأٓخِرَ وَذَكَرَ ٱللَّهَ كَثِيرٗا

Saben-sabenal na aden sa lekanu su rasul (Muhammad) a bagunutan sa mapya kanu taw a bangingarap sa Allah endu gay a mawli, endu madakel i katadem nin sa Allah.

អាយ៉ាត់: 22

وَلَمَّا رَءَا ٱلۡمُؤۡمِنُونَ ٱلۡأَحۡزَابَ قَالُواْ هَٰذَا مَا وَعَدَنَا ٱللَّهُ وَرَسُولُهُۥ وَصَدَقَ ٱللَّهُ وَرَسُولُهُۥۚ وَمَا زَادَهُمۡ إِلَّآ إِيمَٰنٗا وَتَسۡلِيمٗا

Guna mailay nu manga bamaginugut su manga kuntra na pidtalu nilan i nya ba su inibpasad tanu sa Allah endu su rasul endu benal su Allah endu su rasul, nawmanan silan sa pangimbenal endu kinasangkup.

អាយ៉ាត់: 23

مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا

Kaped kanu manga bamaginugut i manga mama a benal su inibpasad nilan sa Allah, aden bun sa kanilan i na-shahid, aden bun bangangapa sa manggula nin, dala nilan sambi su pasad nilan apya pan paydu.

អាយ៉ាត់: 24

لِّيَجۡزِيَ ٱللَّهُ ٱلصَّٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورٗا رَّحِيمٗا

Ka endu kabalasan nu Allah su manga benal kanu kabenal nilan endu siksan nin su manga munafiq amayka entuba i kyug nin, atawaka tawbaten nin silan, su Allah na bangampun a malimu.

អាយ៉ាត់: 25

وَرَدَّ ٱللَّهُ ٱلَّذِينَ كَفَرُواْ بِغَيۡظِهِمۡ لَمۡ يَنَالُواْ خَيۡرٗاۚ وَكَفَى ٱللَّهُ ٱلۡمُؤۡمِنِينَ ٱلۡقِتَالَۚ وَكَانَ ٱللَّهُ قَوِيًّا عَزِيزٗا

Pinambalingan nu Allah su manga kafir sabap kanu lipunget nilan, dala nakwa nilan a mapya, endu inalaw nu Allah su manga bamaginugut sa kambunuwa, su Allah na mabagel a mapulu.

អាយ៉ាត់: 26

وَأَنزَلَ ٱلَّذِينَ ظَٰهَرُوهُم مِّنۡ أَهۡلِ ٱلۡكِتَٰبِ مِن صَيَاصِيهِمۡ وَقَذَفَ فِي قُلُوبِهِمُ ٱلرُّعۡبَ فَرِيقٗا تَقۡتُلُونَ وَتَأۡسِرُونَ فَرِيقٗا

Endu pinawa nu Allah su manga taw na kitab (tupu nu Qurayzah a Yahudi) kanu kuta nilan, endu binetadan nu Allah sa kukuk (gilek) su manga pusung nilan, su kaped na pinamunu nu.

អាយ៉ាត់: 27

وَأَوۡرَثَكُمۡ أَرۡضَهُمۡ وَدِيَٰرَهُمۡ وَأَمۡوَٰلَهُمۡ وَأَرۡضٗا لَّمۡ تَطَـُٔوهَاۚ وَكَانَ ٱللَّهُ عَلَىٰ كُلِّ شَيۡءٖ قَدِيرٗا

Endu pinawarisan nu Allah sa lekanu su lupa nilan (dalpa nilan) manga tamuk nilan, endu lupa a dala nu pan kadampuwi, su Allah kanu engaga-isa na kagaga nin.

អាយ៉ាត់: 28

يَٰٓأَيُّهَا ٱلنَّبِيُّ قُل لِّأَزۡوَٰجِكَ إِن كُنتُنَّ تُرِدۡنَ ٱلۡحَيَوٰةَ ٱلدُّنۡيَا وَزِينَتَهَا فَتَعَالَيۡنَ أُمَتِّعۡكُنَّ وَأُسَرِّحۡكُنَّ سَرَاحٗا جَمِيلٗا

Hay seka anan a nabi! Edtalu ka kanu manga kaluma nengka i amayka pegkyug kanu sa kawyag sa dunya endu su kapalasan nin na sya kanu ka pakalilini ku sa lekanu, endu butawanan ku sekanu sa kabutawan a matilak (ibpitas ku sekanu sa mapya).

អាយ៉ាត់: 29

وَإِن كُنتُنَّ تُرِدۡنَ ٱللَّهَ وَرَسُولَهُۥ وَٱلدَّارَ ٱلۡأٓخِرَةَ فَإِنَّ ٱللَّهَ أَعَدَّ لِلۡمُحۡسِنَٰتِ مِنكُنَّ أَجۡرًا عَظِيمٗا

Amayka menem ka ya nu bun kyugan su Allah endu su sinugu nin endu su gay a mawli na su Allah na pidtatalangenan nin sa mapya endu balas a mapya.

អាយ៉ាត់: 30

يَٰنِسَآءَ ٱلنَّبِيِّ مَن يَأۡتِ مِنكُنَّ بِفَٰحِشَةٖ مُّبَيِّنَةٖ يُضَٰعَفۡ لَهَا ٱلۡعَذَابُ ضِعۡفَيۡنِۚ وَكَانَ ذَٰلِكَ عَلَى ٱللَّهِ يَسِيرٗا

Sekanu a manga kaluma nu rasul (Muhammad) entayn i endupang sa lekanu sa mapayag na takep sa lekanin su siksa a makaduwa takep, na paydu bu gayd intu sa Allah.

អាយ៉ាត់: 31

۞ وَمَن يَقۡنُتۡ مِنكُنَّ لِلَّهِ وَرَسُولِهِۦ وَتَعۡمَلۡ صَٰلِحٗا نُّؤۡتِهَآ أَجۡرَهَا مَرَّتَيۡنِ وَأَعۡتَدۡنَا لَهَا رِزۡقٗا كَرِيمٗا

Endu entayn sa lekanu i maginugut sa Allah endu su sinugu nin a penggalebek sa mapya na duwa takep i balas nin endu pinagadilan nami sa rizki a mapulu (sa surga).

អាយ៉ាត់: 32

يَٰنِسَآءَ ٱلنَّبِيِّ لَسۡتُنَّ كَأَحَدٖ مِّنَ ٱلنِّسَآءِ إِنِ ٱتَّقَيۡتُنَّۚ فَلَا تَخۡضَعۡنَ بِٱلۡقَوۡلِ فَيَطۡمَعَ ٱلَّذِي فِي قَلۡبِهِۦ مَرَضٞ وَقُلۡنَ قَوۡلٗا مَّعۡرُوفٗا

Sekanu a manga kaluma nu nabi,di kena kanu pagidsan nu manga babay, amayka nagilekan kanu (sa Allah) na da kanu edtalu sa kadsaldan (kanu manga mama) ka makainggit kanu sa kadtalu a bantang.

អាយ៉ាត់: 33

وَقَرۡنَ فِي بُيُوتِكُنَّ وَلَا تَبَرَّجۡنَ تَبَرُّجَ ٱلۡجَٰهِلِيَّةِ ٱلۡأُولَىٰۖ وَأَقِمۡنَ ٱلصَّلَوٰةَ وَءَاتِينَ ٱلزَّكَوٰةَ وَأَطِعۡنَ ٱللَّهَ وَرَسُولَهُۥٓۚ إِنَّمَا يُرِيدُ ٱللَّهُ لِيُذۡهِبَ عَنكُمُ ٱلرِّجۡسَ أَهۡلَ ٱلۡبَيۡتِ وَيُطَهِّرَكُمۡ تَطۡهِيرٗا

San kanu edtangen kanu manga walay nu endu da kanu sumugud sa kasugud a jahil (dala sabut nin endu itunay nu su sambayang endu inggay nu su zakat nu endu paginugut kanu sa Allah endu su sinugu nin ka ya kyug nu Allah na punasen in sa lekanu su manga kadusan nu sekanu a mga ahlil bayt endu sutin kanu nin sa talutup.

អាយ៉ាត់: 34

وَٱذۡكُرۡنَ مَا يُتۡلَىٰ فِي بُيُوتِكُنَّ مِنۡ ءَايَٰتِ ٱللَّهِ وَٱلۡحِكۡمَةِۚ إِنَّ ٱللَّهَ كَانَ لَطِيفًا خَبِيرًا

Endu ya nu tademi na su pembatyan sa walay nu a manga ayat nu Allah endu su sunnat, su Allah na pedtulik a mataw sa mapayag-masulen.

អាយ៉ាត់: 35

إِنَّ ٱلۡمُسۡلِمِينَ وَٱلۡمُسۡلِمَٰتِ وَٱلۡمُؤۡمِنِينَ وَٱلۡمُؤۡمِنَٰتِ وَٱلۡقَٰنِتِينَ وَٱلۡقَٰنِتَٰتِ وَٱلصَّٰدِقِينَ وَٱلصَّٰدِقَٰتِ وَٱلصَّٰبِرِينَ وَٱلصَّٰبِرَٰتِ وَٱلۡخَٰشِعِينَ وَٱلۡخَٰشِعَٰتِ وَٱلۡمُتَصَدِّقِينَ وَٱلۡمُتَصَدِّقَٰتِ وَٱلصَّٰٓئِمِينَ وَٱلصَّٰٓئِمَٰتِ وَٱلۡحَٰفِظِينَ فُرُوجَهُمۡ وَٱلۡحَٰفِظَٰتِ وَٱلذَّٰكِرِينَ ٱللَّهَ كَثِيرٗا وَٱلذَّٰكِرَٰتِ أَعَدَّ ٱللَّهُ لَهُم مَّغۡفِرَةٗ وَأَجۡرًا عَظِيمٗا

Saben-sabenal na su manga mama a Muslim endu su manga babay a Muslim endu su manga mama a bamaginugut endu su manga babay a bamaginugut endu su manga mama a ebpamaginuntulan endu su manga babay a ebpamaginuntulan endu su manga mama a pabebenala endu su manga babay a pabebenala endu su manga mama a mangatigkel endu su manga babay a mangatigkel endu su manga mama a manga lintana endu su manga babay a manga lintana endu su manga mama a pamanadeka endu su manga babay a pamanadeka endu su manga mama a talipwasa endu su manga babay a manga talipwasa endu su manga mama a bamedtiyakapan nilan su manga sangulan nilan endu su manga babay a bamedtiyakap endu su manga mama a bamelabit kanu Allah sa madaket endu su manga babay a bamelabit, na inadil nu Allah sa kanilan i ampun endu balas a masela.

អាយ៉ាត់: 36

وَمَا كَانَ لِمُؤۡمِنٖ وَلَا مُؤۡمِنَةٍ إِذَا قَضَى ٱللَّهُ وَرَسُولُهُۥٓ أَمۡرًا أَن يَكُونَ لَهُمُ ٱلۡخِيَرَةُ مِنۡ أَمۡرِهِمۡۗ وَمَن يَعۡصِ ٱللَّهَ وَرَسُولَهُۥ فَقَدۡ ضَلَّ ضَلَٰلٗا مُّبِينٗا

Da sa kanu bamaginugut a mama atawaka babay i amayka kimukum su Allah atawaka su rasul nin sa hukuman na ebpalaw silan atawaka mamili silan sa kyugan nilan, su taw a sangkan nin (supaken in) su Allah endu su rasul nin na saben-sabenal a natadin sa mapayag.

អាយ៉ាត់: 37

وَإِذۡ تَقُولُ لِلَّذِيٓ أَنۡعَمَ ٱللَّهُ عَلَيۡهِ وَأَنۡعَمۡتَ عَلَيۡهِ أَمۡسِكۡ عَلَيۡكَ زَوۡجَكَ وَٱتَّقِ ٱللَّهَ وَتُخۡفِي فِي نَفۡسِكَ مَا ٱللَّهُ مُبۡدِيهِ وَتَخۡشَى ٱلنَّاسَ وَٱللَّهُ أَحَقُّ أَن تَخۡشَىٰهُۖ فَلَمَّا قَضَىٰ زَيۡدٞ مِّنۡهَا وَطَرٗا زَوَّجۡنَٰكَهَا لِكَيۡ لَا يَكُونَ عَلَى ٱلۡمُؤۡمِنِينَ حَرَجٞ فِيٓ أَزۡوَٰجِ أَدۡعِيَآئِهِمۡ إِذَا قَضَوۡاْ مِنۡهُنَّ وَطَرٗاۚ وَكَانَ أَمۡرُ ٱللَّهِ مَفۡعُولٗا

Endu su kinadtalu nengka (Muhammad) sa isa a taw (Zaid ibn Harith) a inikalimu nu Allah endu inikalimu nengka bun, sa kamali ka su kaluma nengka (Zainab) endu ikagilek nengka su Allah na ibagena nengka bun kanu ginawa nengka su mapayag sa Allah, bangandamen nengka i manga taw (kanu edtalun nilan sa leka), su Allah i wagib a bangandamen, guna maypus si Zaid kanu babay su kahanda nin (napupus su iddah) na inipagkaluma nami sa leka (si Zainab) ka endu di maaden kanu manga bamaginugut a makapasang kanu manga kaluma nu pedsugun nilan amayka masampay nilan i kahanda nilan, su hukuman nu Allah na ya bun kawkitan.

អាយ៉ាត់: 38

مَّا كَانَ عَلَى ٱلنَّبِيِّ مِنۡ حَرَجٖ فِيمَا فَرَضَ ٱللَّهُ لَهُۥۖ سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۚ وَكَانَ أَمۡرُ ٱللَّهِ قَدَرٗا مَّقۡدُورًا

Da kanu nabi i kadusan kanu inihalal sa lekanin, ka hukuman nu Allah inan kanu manga nangawna den, endu su hukuman nu Allah na naukul sa ya bun matuntul.

អាយ៉ាត់: 39

ٱلَّذِينَ يُبَلِّغُونَ رِسَٰلَٰتِ ٱللَّهِ وَيَخۡشَوۡنَهُۥ وَلَا يَخۡشَوۡنَ أَحَدًا إِلَّا ٱللَّهَۗ وَكَفَىٰ بِٱللَّهِ حَسِيبٗا

Su manga taw a ipedsampay nilan su agama nu Allah endu ipegkagilek nilan na da ikagilek nilan a salakaw sa Allah, endu su Allah i nasasangan a magitung kanu manga ulipen.

អាយ៉ាត់: 40

مَّا كَانَ مُحَمَّدٌ أَبَآ أَحَدٖ مِّن رِّجَالِكُمۡ وَلَٰكِن رَّسُولَ ٱللَّهِ وَخَاتَمَ ٱلنَّبِيِّـۧنَۗ وَكَانَ ٱللَّهُ بِكُلِّ شَيۡءٍ عَلِيمٗا

Da maaden su Muhammad a ama nu isa a mama sa lekanu ugayd na sinugu nu Allah, endu sekanin i pamupusan a manga nabi, endu su Allah kanu langun u enggaga-isa na katawan nin.

អាយ៉ាត់: 41

يَٰٓأَيُّهَا ٱلَّذِينَ ءَامَنُواْ ٱذۡكُرُواْ ٱللَّهَ ذِكۡرٗا كَثِيرٗا

Sekanu a manga bamaginugut, tademi nu su Allah sa katadem a madakel.

អាយ៉ាត់: 42

وَسَبِّحُوهُ بُكۡرَةٗ وَأَصِيلًا

Endu tasbih kanu sa lekanin sa magabi-mapita.

អាយ៉ាត់: 43

هُوَ ٱلَّذِي يُصَلِّي عَلَيۡكُمۡ وَمَلَٰٓئِكَتُهُۥ لِيُخۡرِجَكُم مِّنَ ٱلظُّلُمَٰتِ إِلَى ٱلنُّورِۚ وَكَانَ بِٱلۡمُؤۡمِنِينَ رَحِيمٗا

Sekanin a (Allah) i gkalimu sa lekanu endu su manga malaikat nin i pabpagampun sa lekanu ka endu matatap sa lekanu su kinalyu nu sa kalibutengan na sya kanu nakagemaw sa maliwanag, su Allah na malimu kanu manga bamaginugut.

អាយ៉ាត់: 44

تَحِيَّتُهُمۡ يَوۡمَ يَلۡقَوۡنَهُۥ سَلَٰمٞۚ وَأَعَدَّ لَهُمۡ أَجۡرٗا كَرِيمٗا

Salamen silan (nu malaikat) kanu gay a mabaratemu nilan su kadenan nilan endu pinagadilan silan sa balas a mapulu.

អាយ៉ាត់: 45

يَٰٓأَيُّهَا ٱلنَّبِيُّ إِنَّآ أَرۡسَلۡنَٰكَ شَٰهِدٗا وَمُبَشِّرٗا وَنَذِيرٗا

Hay seka a nabi (Muhammad) sinugu nami seka a makadsaksi endu mapakalini endu mapakagilek.

អាយ៉ាត់: 46

وَدَاعِيًا إِلَى ٱللَّهِ بِإِذۡنِهِۦ وَسِرَاجٗا مُّنِيرٗا

Endu pangenggat ka sa Agama nu Allah sa kahanda nin endu (timbang) a palitan ka a sigay.

អាយ៉ាត់: 47

وَبَشِّرِ ٱلۡمُؤۡمِنِينَ بِأَنَّ لَهُم مِّنَ ٱللَّهِ فَضۡلٗا كَبِيرٗا

Endu panudtul ka kanu manga bamaginugut i aden sa kanilan ebpun sa Allah i kalbihan atawaka limu a masela.

អាយ៉ាត់: 48

وَلَا تُطِعِ ٱلۡكَٰفِرِينَ وَٱلۡمُنَٰفِقِينَ وَدَعۡ أَذَىٰهُمۡ وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلٗا

Endu di ka paginugunuti su manga kafir endu su manga munafiq endu pasagadi ka i kalat (kawag) nilan endu salig ka sa Allah ka sekanin i pedtiyakap sa binaluy nin endu bagitung sa kanilan.

អាយ៉ាត់: 49

يَٰٓأَيُّهَا ٱلَّذِينَ ءَامَنُوٓاْ إِذَا نَكَحۡتُمُ ٱلۡمُؤۡمِنَٰتِ ثُمَّ طَلَّقۡتُمُوهُنَّ مِن قَبۡلِ أَن تَمَسُّوهُنَّ فَمَا لَكُمۡ عَلَيۡهِنَّ مِنۡ عِدَّةٖ تَعۡتَدُّونَهَاۖ فَمَتِّعُوهُنَّ وَسَرِّحُوهُنَّ سَرَاحٗا جَمِيلٗا

Hay sekanu a bamaginugut! Amayka nagkaluma nu su bamaginugut a manga babay, mawli na binelag nu sa da nu pan silan magkudi na da sa lekanu ikapag-iddah nilan a pananagadan nu sa kanilan sa di pan mapupus, na enggay nu silan endu belag nu silan sa kambelag a matilak (mapiya).

អាយ៉ាត់: 50

يَٰٓأَيُّهَا ٱلنَّبِيُّ إِنَّآ أَحۡلَلۡنَا لَكَ أَزۡوَٰجَكَ ٱلَّٰتِيٓ ءَاتَيۡتَ أُجُورَهُنَّ وَمَا مَلَكَتۡ يَمِينُكَ مِمَّآ أَفَآءَ ٱللَّهُ عَلَيۡكَ وَبَنَاتِ عَمِّكَ وَبَنَاتِ عَمَّٰتِكَ وَبَنَاتِ خَالِكَ وَبَنَاتِ خَٰلَٰتِكَ ٱلَّٰتِي هَاجَرۡنَ مَعَكَ وَٱمۡرَأَةٗ مُّؤۡمِنَةً إِن وَهَبَتۡ نَفۡسَهَا لِلنَّبِيِّ إِنۡ أَرَادَ ٱلنَّبِيُّ أَن يَسۡتَنكِحَهَا خَالِصَةٗ لَّكَ مِن دُونِ ٱلۡمُؤۡمِنِينَۗ قَدۡ عَلِمۡنَا مَا فَرَضۡنَا عَلَيۡهِمۡ فِيٓ أَزۡوَٰجِهِمۡ وَمَا مَلَكَتۡ أَيۡمَٰنُهُمۡ لِكَيۡلَا يَكُونَ عَلَيۡكَ حَرَجٞۗ وَكَانَ ٱللَّهُ غَفُورٗا رَّحِيمٗا

Hay sekanin a Nabi (Muhammad)! Saben- sabenal i sekami na inihalal nami sa leka su manga kaluma nengka a nakatalingguma nengka su manga sunggudan nilan, endu su nganin a nagkibilan nu kawanan nengka ebpun kanu pinabiyag nu Allah sa leka, endu su manga babay a wata ni bapa nengka siya kani ama nengka, endu su manga wata a babay nu manga babu nengka siya kani ama nengka, endu su manga wata a babay nu manga bapa nengka kani ina nengka, endu su manga wata a babay nu pakinan nengka a namembabakwit a tagapeda nengka, endu su babay a bamaginugut a inidtawakim nin su ginawa nin sa nanget saleka, u kiniyugan nu nabi i kagkaluma nin lun sa pagelin bu saleka salakaw kanu manga bamaginugut, ka natawan nami den i nganin a inibpaliyugat nami sa kanilan (a manga mu’min) pantag kanu manga kaluma nilan endu kanu nagkibilan nu manga kawanan nilan, ka endu di mabaluy sa leka i kadusan, sa andang den na su Allah i balaampun a pinakamalimu.

អាយ៉ាត់: 51

۞ تُرۡجِي مَن تَشَآءُ مِنۡهُنَّ وَتُـٔۡوِيٓ إِلَيۡكَ مَن تَشَآءُۖ وَمَنِ ٱبۡتَغَيۡتَ مِمَّنۡ عَزَلۡتَ فَلَا جُنَاحَ عَلَيۡكَۚ ذَٰلِكَ أَدۡنَىٰٓ أَن تَقَرَّ أَعۡيُنُهُنَّ وَلَا يَحۡزَنَّ وَيَرۡضَيۡنَ بِمَآ ءَاتَيۡتَهُنَّ كُلُّهُنَّۚ وَٱللَّهُ يَعۡلَمُ مَا فِي قُلُوبِكُمۡۚ وَكَانَ ٱللَّهُ عَلِيمًا حَلِيمٗا

Inggawli nengka sa gilil i pegkyugan nengka endu dulug ka i pegkyugan nengka, endu su kaluma nengka kanu pinasagadan nengka na da dusa nengka lun, endu masuwat silan sabap kanu ininggay nengka sa kanilan, endu su Allah na katawan nin i dalem nu pusung nu endu su Allah na mataw a matigkel.

អាយ៉ាត់: 52

لَّا يَحِلُّ لَكَ ٱلنِّسَآءُ مِنۢ بَعۡدُ وَلَآ أَن تَبَدَّلَ بِهِنَّ مِنۡ أَزۡوَٰجٖ وَلَوۡ أَعۡجَبَكَ حُسۡنُهُنَّ إِلَّا مَا مَلَكَتۡ يَمِينُكَۗ وَكَانَ ٱللَّهُ عَلَىٰ كُلِّ شَيۡءٖ رَّقِيبٗا

Di den mahalal sa leka i kawmanan pan (siyaw kataw a kaluma) endu su kadsambi nengka sa balegan su kaped apya nagayp ka sa kapya na palas nin ya tabya na su kamilikan nengka, su Allah na langun nu enggaga-isa na pedtuldun nin.

អាយ៉ាត់: 53

يَٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتَ ٱلنَّبِيِّ إِلَّآ أَن يُؤۡذَنَ لَكُمۡ إِلَىٰ طَعَامٍ غَيۡرَ نَٰظِرِينَ إِنَىٰهُ وَلَٰكِنۡ إِذَا دُعِيتُمۡ فَٱدۡخُلُواْ فَإِذَا طَعِمۡتُمۡ فَٱنتَشِرُواْ وَلَا مُسۡتَـٔۡنِسِينَ لِحَدِيثٍۚ إِنَّ ذَٰلِكُمۡ كَانَ يُؤۡذِي ٱلنَّبِيَّ فَيَسۡتَحۡيِۦ مِنكُمۡۖ وَٱللَّهُ لَا يَسۡتَحۡيِۦ مِنَ ٱلۡحَقِّۚ وَإِذَا سَأَلۡتُمُوهُنَّ مَتَٰعٗا فَسۡـَٔلُوهُنَّ مِن وَرَآءِ حِجَابٖۚ ذَٰلِكُمۡ أَطۡهَرُ لِقُلُوبِكُمۡ وَقُلُوبِهِنَّۚ وَمَا كَانَ لَكُمۡ أَن تُؤۡذُواْ رَسُولَ ٱللَّهِ وَلَآ أَن تَنكِحُوٓاْ أَزۡوَٰجَهُۥ مِنۢ بَعۡدِهِۦٓ أَبَدًاۚ إِنَّ ذَٰلِكُمۡ كَانَ عِندَ ٱللَّهِ عَظِيمًا

Hay sekanu anan a bamamaginugut! Di nu beludepi su manga walay nu nabi ya tabya na inenggat kanu nin sa kapegkan, na di nu den pedtuliki su dalem nu walay nin, ugayd na amayka inenggat kanu na ludep kanu, u nakakan kanu den na lyu kanu den, di kena embibityala kanu pan, kagina makalingasa intu kanu nabi na mamamala sa lekanu, su Allah a di kayan sa kawagib, endu amayka idsan nu su manga kaluma nin na lu kanu egkaleben sa lyu na lending, ka entuba i makasuti kanu manga pusung nu endu su manga pusung nilan, endu da sa lekanu i sekaten nu su rasul endu di a benal mapakay i kagkaluma nu kanu manga kaluma nin sa ulyan (kapatay nin) ka masla gayd a kanarakan nu lu sa Allah.

អាយ៉ាត់: 54

إِن تُبۡدُواْ شَيۡـًٔا أَوۡ تُخۡفُوهُ فَإِنَّ ٱللَّهَ كَانَ بِكُلِّ شَيۡءٍ عَلِيمٗا

Amayka aden ipebpayag nu atawaka ipedsulen nu na su Allah na langun na enggaga-isa na katawan nin.

អាយ៉ាត់: 55

لَّا جُنَاحَ عَلَيۡهِنَّ فِيٓ ءَابَآئِهِنَّ وَلَآ أَبۡنَآئِهِنَّ وَلَآ إِخۡوَٰنِهِنَّ وَلَآ أَبۡنَآءِ إِخۡوَٰنِهِنَّ وَلَآ أَبۡنَآءِ أَخَوَٰتِهِنَّ وَلَا نِسَآئِهِنَّ وَلَا مَا مَلَكَتۡ أَيۡمَٰنُهُنَّۗ وَٱتَّقِينَ ٱللَّهَۚ إِنَّ ٱللَّهَ كَانَ عَلَىٰ كُلِّ شَيۡءٖ شَهِيدًا

Da dusa nu manga kaluma nu nabi amayka lundangan nilan su manga lukes nilan endu wata nilan endu suled nilan a babay endu su manga babay endu su ulipen nilan, endu ikagilek nu su Allah, su Allah na kadsaksyan nin i langun na enggaga-isa.

អាយ៉ាត់: 56

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا

Saben-sabenal su Allah endu su malaikat na pedsalawatan nilan su rasul, na sekanu a manga bamaginugut na salawati nu su rasul endu lepas a malilintad.

អាយ៉ាត់: 57

إِنَّ ٱلَّذِينَ يُؤۡذُونَ ٱللَّهَ وَرَسُولَهُۥ لَعَنَهُمُ ٱللَّهُ فِي ٱلدُّنۡيَا وَٱلۡأٓخِرَةِ وَأَعَدَّ لَهُمۡ عَذَابٗا مُّهِينٗا

Saben-sabenal su manga taw a pedsangkan nilan su Allah endu su sinugu nin na namulkan silan sya sa dunya endu sa akhirat, endu pidtatalangenan silan sa siksa a dili gangganan na badan nilan.

អាយ៉ាត់: 58

وَٱلَّذِينَ يُؤۡذُونَ ٱلۡمُؤۡمِنِينَ وَٱلۡمُؤۡمِنَٰتِ بِغَيۡرِ مَا ٱكۡتَسَبُواْ فَقَدِ ٱحۡتَمَلُواْ بُهۡتَٰنٗا وَإِثۡمٗا مُّبِينٗا

Endu su manga taw a pedtebwan nilan su bamaginugut a mama-babay sa di gatumanan silan na pinangaku nilan su dusa nu kaped tetebu nilan, endu siksa a mapasang.

អាយ៉ាត់: 59

يَٰٓأَيُّهَا ٱلنَّبِيُّ قُل لِّأَزۡوَٰجِكَ وَبَنَاتِكَ وَنِسَآءِ ٱلۡمُؤۡمِنِينَ يُدۡنِينَ عَلَيۡهِنَّ مِن جَلَٰبِيبِهِنَّۚ ذَٰلِكَ أَدۡنَىٰٓ أَن يُعۡرَفۡنَ فَلَا يُؤۡذَيۡنَۗ وَكَانَ ٱللَّهُ غَفُورٗا رَّحِيمٗا

Hay seka anan a nabi! Edtalu ka kanu manga kaluma nengka endu manga wata nengka endu su manga babay a manga bamaginugut i endalung silan kanu manga tendung nilan ka entuba i masiken a kakilala sa kanilan, na dili silan matekaw malingasa ka su Allah na bangampun a malimu.

អាយ៉ាត់: 60

۞ لَّئِن لَّمۡ يَنتَهِ ٱلۡمُنَٰفِقُونَ وَٱلَّذِينَ فِي قُلُوبِهِم مَّرَضٞ وَٱلۡمُرۡجِفُونَ فِي ٱلۡمَدِينَةِ لَنُغۡرِيَنَّكَ بِهِمۡ ثُمَّ لَا يُجَاوِرُونَكَ فِيهَآ إِلَّا قَلِيلٗا

Amayka di menda su manga munafiq endu su aden dalu na pusung nin endu su bangimbenal sa dila bu lu sa Madinah na pama-mamisan nilan sa leka, mawli na di ka nilan makapagubay (sa Madina) ya tabya na paydu bu.

អាយ៉ាត់: 61

مَّلۡعُونِينَۖ أَيۡنَمَا ثُقِفُوٓاْ أُخِذُواْ وَقُتِّلُواْ تَقۡتِيلٗا

Namulkan silan apiya endaw silan na kwan silan endu bunun silan sa kabunu a dili bagulaman.

អាយ៉ាត់: 62

سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۖ وَلَن تَجِدَ لِسُنَّةِ ٱللَّهِ تَبۡدِيلٗا

Namba i hukuman nu Allah kanu manga taw a nangawna endu di nengka maparuli sa hukuman nu Allah i kasambyan.

អាយ៉ាត់: 63

يَسۡـَٔلُكَ ٱلنَّاسُ عَنِ ٱلسَّاعَةِۖ قُلۡ إِنَّمَا عِلۡمُهَا عِندَ ٱللَّهِۚ وَمَا يُدۡرِيكَ لَعَلَّ ٱلسَّاعَةَ تَكُونُ قَرِيبًا

Ibagidsa nu manga taw sa lekau kanu i gay a mawli? Edtalu ka sa kanilan: sekanin (Allah) i mataw lun, endu dili nengka gatawan na basi masupeg bun su kawma nu gay a mawli.

អាយ៉ាត់: 64

إِنَّ ٱللَّهَ لَعَنَ ٱلۡكَٰفِرِينَ وَأَعَدَّ لَهُمۡ سَعِيرًا

Saben-sabenal su Allah na namulkan nin su manga kafir endu pinagadilan silan sa apuy a pagkelaw-kalaw.

អាយ៉ាត់: 65

خَٰلِدِينَ فِيهَآ أَبَدٗاۖ لَّا يَجِدُونَ وَلِيّٗا وَلَا نَصِيرٗا

Da kalyu nilan sa naraka na dala pan matun nilan a tumuganul sa kanilan endu tumabang sa kanilan.

អាយ៉ាត់: 66

يَوۡمَ تُقَلَّبُ وُجُوهُهُمۡ فِي ٱلنَّارِ يَقُولُونَ يَٰلَيۡتَنَآ أَطَعۡنَا ٱللَّهَ وَأَطَعۡنَا ٱلرَّسُولَا۠

Su gay a tutungen su manga biyas nilan sa naraka, na madtalu nilan u nya ba ka napaginugutan tanu su Allah endu su rasul.

អាយ៉ាត់: 67

وَقَالُواْ رَبَّنَآ إِنَّآ أَطَعۡنَا سَادَتَنَا وَكُبَرَآءَنَا فَأَضَلُّونَا ٱلسَّبِيلَا۠

Endu madtalu nilan: kadenan nami pinaginugutan nami su kaunutan nami endu su masela nami na tinadin kami nilan sa lalan.

អាយ៉ាត់: 68

رَبَّنَآ ءَاتِهِمۡ ضِعۡفَيۡنِ مِنَ ٱلۡعَذَابِ وَٱلۡعَنۡهُمۡ لَعۡنٗا كَبِيرٗا

Kadenan nami takep ka i siksa nilan endu mulkay ka silan sa mulka a masela.

អាយ៉ាត់: 69

يَٰٓأَيُّهَا ٱلَّذِينَ ءَامَنُواْ لَا تَكُونُواْ كَٱلَّذِينَ ءَاذَوۡاْ مُوسَىٰ فَبَرَّأَهُ ٱللَّهُ مِمَّا قَالُواْۚ وَكَانَ عِندَ ٱللَّهِ وَجِيهٗا

Hay sekanu anan a bamaginugut! Da kanu bagiling kanu manga taw a pedtakebuten nilan su Musa, na pinakiyas nu Allah kanu pedtalun nilan lun, ka sekanin (Musa) na masela i alaga nin.

អាយ៉ាត់: 70

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا

Hay sekanu anan a bamaginugut! Ikagilek nu su Allah endu edtalu kanu sa kadtalu a bantang-matidtu.

អាយ៉ាត់: 71

يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا

Pagkapyan nin (Allah) sa lekanu su manga galebek nu endu ampunen i manga dusa nu, su taw a maginugut sa Allah endu su rasul na saben-sabenal a nabadtug sa badtugan a masela.

អាយ៉ាត់: 72

إِنَّا عَرَضۡنَا ٱلۡأَمَانَةَ عَلَى ٱلسَّمَٰوَٰتِ وَٱلۡأَرۡضِ وَٱلۡجِبَالِ فَأَبَيۡنَ أَن يَحۡمِلۡنَهَا وَأَشۡفَقۡنَ مِنۡهَا وَحَمَلَهَا ٱلۡإِنسَٰنُۖ إِنَّهُۥ كَانَ ظَلُومٗا جَهُولٗا

Saben-sabenal na iniadu nami su salig kanu manga langit endu su lupa endu su palaw na dala silan talima endu nagilekan silan, na ya nangaku a saligan i manusya kagina dupang endu di mataw.

អាយ៉ាត់: 73

لِّيُعَذِّبَ ٱللَّهُ ٱلۡمُنَٰفِقِينَ وَٱلۡمُنَٰفِقَٰتِ وَٱلۡمُشۡرِكِينَ وَٱلۡمُشۡرِكَٰتِ وَيَتُوبَ ٱللَّهُ عَلَى ٱلۡمُؤۡمِنِينَ وَٱلۡمُؤۡمِنَٰتِۗ وَكَانَ ٱللَّهُ غَفُورٗا رَّحِيمَۢا

Siksan nu Allah su babay-mama a munafiq endu su babay-mama a mushrik endu tawbaten nin su manga bamaginugut a babay-mama, ka su Allah na bangampun endu malimu.