ការបកប្រែអត្ថន័យ ជំពូក​ អាលមូជើទើឡះ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 544 - សព្វវចនាធិប្បាយនៃគម្ពីគួរអាន

អាយ៉ាត់: 12

يَٰٓأَيُّهَا ٱلَّذِينَ ءَامَنُوٓاْ إِذَا نَٰجَيۡتُمُ ٱلرَّسُولَ فَقَدِّمُواْ بَيۡنَ يَدَيۡ نَجۡوَىٰكُمۡ صَدَقَةٗۚ ذَٰلِكَ خَيۡرٞ لَّكُمۡ وَأَطۡهَرُۚ فَإِن لَّمۡ تَجِدُواْ فَإِنَّ ٱللَّهَ غَفُورٞ رَّحِيمٌ

Hee sekanu anan atagin a bamaginugut amayka ipagadunga nu su rasul na anggay nu su kab-pagadunga nu sa sadaqah, ka antu ba i makagkapya salakanu andu makasutti salakanu, amayka dala pakanggay nu na su Allah i bangampun a malimu.

អាយ៉ាត់: 13

ءَأَشۡفَقۡتُمۡ أَن تُقَدِّمُواْ بَيۡنَ يَدَيۡ نَجۡوَىٰكُمۡ صَدَقَٰتٖۚ فَإِذۡ لَمۡ تَفۡعَلُواْ وَتَابَ ٱللَّهُ عَلَيۡكُمۡ فَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱللَّهَ وَرَسُولَهُۥۚ وَٱللَّهُ خَبِيرُۢ بِمَا تَعۡمَلُونَ

Na amayka kalaganan kanu sabap kanu ka-miskinan na dala pakanggay nu a sadaqah na upama dili kanggalabak intu na dili kanu kalipungatan nu Allah, na itindag nu su sambayang andu inggay nu zakat nu, andu paginugunuti nu su Allah andu su sinugu nin, su Allah na katawan nin i panggalabakan nu.

អាយ៉ាត់: 14

۞ أَلَمۡ تَرَ إِلَى ٱلَّذِينَ تَوَلَّوۡاْ قَوۡمًا غَضِبَ ٱللَّهُ عَلَيۡهِم مَّا هُم مِّنكُمۡ وَلَا مِنۡهُمۡ وَيَحۡلِفُونَ عَلَى ٱلۡكَذِبِ وَهُمۡ يَعۡلَمُونَ

Ngentu dala nengka katawi (Muhammad) su mga taw a binaluy nilan a kaunutan su mga taw a nalipungatan nu Allah? Antu a mga taw na dikana kuyug salakanu na dikana bun kuyug sakanilan andu padsapa silan sa kalbutan, na katawan nilan bun i pandalbut silan.

អាយ៉ាត់: 15

أَعَدَّ ٱللَّهُ لَهُمۡ عَذَابٗا شَدِيدًاۖ إِنَّهُمۡ سَآءَ مَا كَانُواْ يَعۡمَلُونَ

Inidtatalanga nu Allah sakanilan i siksa a mapasang, kagina nakasagad i kawag a panggalabakan nilan.

អាយ៉ាត់: 16

ٱتَّخَذُوٓاْ أَيۡمَٰنَهُمۡ جُنَّةٗ فَصَدُّواْ عَن سَبِيلِ ٱللَّهِ فَلَهُمۡ عَذَابٞ مُّهِينٞ

Binaluy nilan su sapa nilan a kalbutan sa dalinding nilan sa lawas nilan andu su tamuk nilan,antu ba i dili kapambunu sakanilan, na aden mambu sakanilan i siksa a makapalusak sakanilan.

អាយ៉ាត់: 17

لَّن تُغۡنِيَ عَنۡهُمۡ أَمۡوَٰلُهُمۡ وَلَآ أَوۡلَٰدُهُم مِّنَ ٱللَّهِ شَيۡـًٔاۚ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ

Dili makam-barapantag sakanilan su mga tamuk nilan, andu su mga wata nilan kanu siksa nu Allah sakanilan,antu ba a taw na naraka sa dala den sakanilan i makalyu pan silan.

អាយ៉ាត់: 18

يَوۡمَ يَبۡعَثُهُمُ ٱللَّهُ جَمِيعٗا فَيَحۡلِفُونَ لَهُۥ كَمَا يَحۡلِفُونَ لَكُمۡ وَيَحۡسَبُونَ أَنَّهُمۡ عَلَىٰ شَيۡءٍۚ أَلَآ إِنَّهُمۡ هُمُ ٱلۡكَٰذِبُونَ

Su gay a pambwatan nu Allah silan,na idsapa pamun silan sa Allah sa mana su kinadsapa nilan salakanu sya sa dunya,ka nya nilan gatagu sa ginawa na aden bun tindeg nilan,na silan i mga taw a mga malbut.

អាយ៉ាត់: 19

ٱسۡتَحۡوَذَ عَلَيۡهِمُ ٱلشَّيۡطَٰنُ فَأَنسَىٰهُمۡ ذِكۡرَ ٱللَّهِۚ أُوْلَٰٓئِكَ حِزۡبُ ٱلشَّيۡطَٰنِۚ أَلَآ إِنَّ حِزۡبَ ٱلشَّيۡطَٰنِ هُمُ ٱلۡخَٰسِرُونَ

Pidtampatan silan na shaytan, na nalimpangan nilan su tadem sa Allah, na langun nu taw a makuyug sa shaytan an silan i nalugi.

អាយ៉ាត់: 20

إِنَّ ٱلَّذِينَ يُحَآدُّونَ ٱللَّهَ وَرَسُولَهُۥٓ أُوْلَٰٓئِكَ فِي ٱلۡأَذَلِّينَ

Saben-sabenal su mga taw a butungan nilan su Allah andu su sinugu nin, antu ba i mga taw a nakalusak.

អាយ៉ាត់: 21

كَتَبَ ٱللَّهُ لَأَغۡلِبَنَّ أَنَا۠ وَرُسُلِيٓۚ إِنَّ ٱللَّهَ قَوِيٌّ عَزِيزٞ

Inimasad nu Allah lu sa Lawl-Al mahfuz i saki (Allah) i tumalaw andu su mga sinugu ku,su Allah i mabagal a mapulu.