ಅರ್ಥಗಳ ಅನುವಾದ ಅಧ್ಯಾಯ ಅನ್ನಹ್ಲ್ - ಅಲ್-ಮುಖ್ತಸರ್ ಫಿ ತಫ್ಸೀರಿಲ್ ಕುರ್‌ಆನಿಲ್ ಕರೀಮ್ - ಫುಲಾನಿ ಅನುವಾದ - ಪುಟ ಸಂಖ್ಯೆ 267 - ಪವಿತ್ರ ಕುರ್‌ಆನ್ ವಿಶ್ವಕೋಶ

Simoore ñaaki

ಅಧ್ಯಾಯದ ಉದ್ದೇಶಗಳು:

التذكير بالنعم الدالة على المنعم سبحانه وتعالى.

Ciftorde neema duumiiɗo ummaade neemiiɗo O.

---

ಶ್ಲೋಕ: 1

أَتَىٰٓ أَمۡرُ ٱللَّهِ فَلَا تَسۡتَعۡجِلُوهُۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ

Ko Alla ñaawi kon leptirgol onon heeferɓe ɓen ɓadike. Wata on hawjan ɗum ado hewtude. Senayee woodanii Alla e kon sirkooɓe ɓen kafidata Mo e mun.

ಶ್ಲೋಕ: 2

يُنَزِّلُ ٱلۡمَلَٰٓئِكَةَ بِٱلرُّوحِ مِنۡ أَمۡرِهِۦ عَلَىٰ مَن يَشَآءُ مِنۡ عِبَادِهِۦٓ أَنۡ أَنذِرُوٓاْ أَنَّهُۥ لَآ إِلَٰهَ إِلَّآ أَنَا۠ فَٱتَّقُونِ

Alla no jippindinira Malaa'ikaaɓe ɓen e wahayu on, immorde e yamiroore Makko, e on mo O muuyi e Nulaaɓe Makko ɓen, wonnde: Jertiniree yimɓe ɓen, onon ɓee Nulaaɓe, e sirkangol Alla. Reweteeɗo e goonga alaa si wanaa Min. Hulee Lam onon ɓee yimɓe, ɗoftoɗon yamirooje Am, woɗɗitoɗon haɗaaɗi Am.

ಶ್ಲೋಕ: 3

خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّۚ تَعَٰلَىٰ عَمَّا يُشۡرِكُونَ

Alla tagirii kammuuli ɗin e leydi ndin no ɗi anndira- nooka e hoore goonga. O tagiraali ɗi meere, ko ko dallinoree e mawngu Makko O tagiri ɗi. Senayee woodani Mo e ko ɓe kafidata Mo kon e goɗɗum goo.

ಶ್ಲೋಕ: 4

خَلَقَ ٱلۡإِنسَٰنَ مِن نُّطۡفَةٖ فَإِذَا هُوَ خَصِيمٞ مُّبِينٞ

O tagirii neɗɗanke iwde e toɓɓere maaniiyu hoy-nde, nde mawni tagu cagal tagu; jaka yoo kanko ko o tiiɗuɗo wennjirgol meere fii montugol goonga, ɓannginɗo wennjo mun.

ಶ್ಲೋಕ: 5

وَٱلۡأَنۡعَٰمَ خَلَقَهَاۖ لَكُمۡ فِيهَا دِفۡءٞ وَمَنَٰفِعُ وَمِنۡهَا تَأۡكُلُونَ

Neemoraaɗi ɗin ka ngelooɗi e ka na'i e ka dammi, O tagani on ɗi no nafitoron, onon yimɓe ɓen. Nafitoron wano duñirgol leeɓi baalli ɗin e gelooɗi ɗin jaangol, e duncitogol kocce mun e guri mun. Kadi, ko e majji ñaamoton.

ಶ್ಲೋಕ: 6

وَلَكُمۡ فِيهَا جَمَالٌ حِينَ تُرِيحُونَ وَحِينَ تَسۡرَحُونَ

Hino woodani on e majji cuɗaari, tuma jaaƴinton ɗi kiikiiɗe e tuma oornoton ɗi bimmbi.

ಈ ಪುಟದಲ್ಲಿರುವ ಶ್ಲೋಕಗಳ ಉಪಯೋಗಗಳು:

• عناية الله ورعايته بصَوْن النبي صلى الله عليه وسلم وحمايته من أذى المشركين.

Alla no reenirnoo Annabiijo on (yo o his) e lorra sirkooɓe ɓen.

• التسبيح والتحميد والصلاة علاج الهموم والأحزان، وطريق الخروج من الأزمات والمآزق والكروب.

Subbunhinagol, hamdinogol, juulde ɗum ko lekki ɓiɗaare e suno. Ɗum kadi ko wallitorɗum yaltugol e annde, e wororde e saɗteende.

• المسلم مطالب على سبيل الفرضية بالعبادة التي هي الصلاة على الدوام حتى يأتيه الموت، ما لم يغلب الغشيان أو فقد الذاكرة على عقله.

Juulɗo no ɗabbiraa duumagol e julde haa maayde ara e makko, fotde himo e sago makko o hattaaki hakkille.

• سمى الله الوحي روحًا؛ لأنه تحيا به النفوس.

Alla noddirii wahayu on ruuhu, tawde ko ɗum pittaali ɗin wuurirta.

• مَلَّكَنا الله تعالى الأنعام والدواب وذَلَّلها لنا، وأباح لنا تسخيرها والانتفاع بها؛ رحمة منه تعالى بنا.

Alla waɗii e juuɗe men neemoraaɗi ɗin e daabeeji ɗin, O eltani'en ɗi, O daginani'en nafitorgol ɗi, yurmeegol'en.