ಅರ್ಥಗಳ ಅನುವಾದ ಅಧ್ಯಾಯ ಸೂರ ಅಲ್ -ಅಅ್ ಲಾ - الترجمة الكيروندية - ಪವಿತ್ರ ಕುರ್‌ಆನ್ ವಿಶ್ವಕೋಶ

SURATU L-A’LAA

ಶ್ಲೋಕ: 1

سَبِّحِ ٱسۡمَ رَبِّكَ ٱلۡأَعۡلَى

Ninahaza izina ry’Imana yawe Rurema Allah, Nyenicubahiro-ntangere (uvuge uti: “Sub-haana Rabbiya l-A’laa”).

ಶ್ಲೋಕ: 2

ٱلَّذِي خَلَقَ فَسَوَّىٰ

Yararemye ibiremwa, maze Iraringaniza indemo yavyo n’ibihimba; kimwe cose aho kigenewe, kibereye;

ಶ್ಲೋಕ: 3

وَٱلَّذِي قَدَّرَ فَهَدَىٰ

Iraheza Irategekanya ivya nkenerwa vyose ku biremwa, Iranigisha kimwe cose ukuntu kivyikorako;

ಶ್ಲೋಕ: 4

وَٱلَّذِيٓ أَخۡرَجَ ٱلۡمَرۡعَىٰ

Iranagisha n’uburagiro (ubwatsi);

ಶ್ಲೋಕ: 5

فَجَعَلَهُۥ غُثَآءً أَحۡوَىٰ

Hanyuma Irabukavya, busa n’urwatsi rutoto ruja kwirabura.

ಶ್ಲೋಕ: 6

سَنُقۡرِئُكَ فَلَا تَنسَىٰٓ

Ntumwa y’Imana! Twebwe Allah, Tuzokwigisha Qor’ani, ntuzoyibagira namba;

ಶ್ಲೋಕ: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Kiretse ico Imana Allah Ishatse ko wibagira ku neza y’ibiremwa. Mu vy’ukuri, ni Yo Izi ibigaragara mu bikorwa no mu majambo n’ibinyegeje muri vyo.

ಶ್ಲೋಕ: 8

وَنُيَسِّرُكَ لِلۡيُسۡرَىٰ

Tuzokworohereza gukora ivyoroshe; nko kwihanganira ishikirizabutumwa no kworoherezwa amabwirizwa y’idini.

ಶ್ಲೋಕ: 9

فَذَكِّرۡ إِن نَّفَعَتِ ٱلذِّكۡرَىٰ

Kubera ivyo rero, ibutsa abantu bawe warungitsweko gutumbera inzira igororotse, na canecane kwibutsa uwitezwe ko yibuka, nya kwibuka kukamugirira akamaro;

ಶ್ಲೋಕ: 10

سَيَذَّكَّرُ مَن يَخۡشَىٰ

Hazokwibuka uwutinya ibihano vy'Imana Allah.

ಶ್ಲೋಕ: 11

وَيَتَجَنَّبُهَا ٱلۡأَشۡقَى

Uwaseserejwe n’ivyaha na we, azoheza yigire kure y’urwo rwibutso;

ಶ್ಲೋಕ: 12

ٱلَّذِي يَصۡلَى ٱلنَّارَ ٱلۡكُبۡرَىٰ

Ari na we azokwinjira mu muriro udahera ukaze bihambaye;

ಶ್ಲೋಕ: 13

ثُمَّ لَا يَمُوتُ فِيهَا وَلَا يَحۡيَىٰ

Hanyuma ntazopfa muri wo ngo awuruhuke, eka ntazonawugiriramwo ubuzima buhimbaye.

ಶ್ಲೋಕ: 14

قَدۡ أَفۡلَحَ مَن تَزَكَّىٰ

Mu vy’ukuri yaramaze gutsinda, umuntu yiyejeje amabi;

ಶ್ಲೋಕ: 15

وَذَكَرَ ٱسۡمَ رَبِّهِۦ فَصَلَّىٰ

Akaninahaza n’izina ry’Imana yiwe Rurema Allah, maze agasenga amasengesho-bwirizwa ku mwanya, arondera gushimwa na Yo.

ಶ್ಲೋಕ: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Bantu! Ahubwo rero, mushira imbere kurusha ubuzima bw’ibihendamaso vyo kw’isi;

ಶ್ಲೋಕ: 17

وَٱلۡأٓخِرَةُ خَيۡرٞ وَأَبۡقَىٰٓ

Kandi ubuzima bw’inyuma yo gupfa, ari bwo bwiza gusumba, kandi bwamaho.

ಶ್ಲೋಕ: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Mu vy’ukuri, ivyo vyose mwadondaguriwe muri iki gisomwa, biri no mu Bitabu vy’aho hambere ya Qor’ani;

ಶ್ಲೋಕ: 19

صُحُفِ إِبۡرَٰهِيمَ وَمُوسَىٰ

Mu Mizingo y’Intumwa z’Imana Ibrahimu na Musa (za nyakugira amahoro y’Imana Allah).