وه‌رگێڕانی ماناكان سوره‌تی الأعلى - وەرگێڕاوی سواحیلی - عبد الله محمد و ناصر خميس - ژمارەی پەڕە 591 - فرەفەرهەنگی قورئانی پیرۆز

Al-A'la

ئایه‌تی: 1

سَبِّحِ ٱسۡمَ رَبِّكَ ٱلۡأَعۡلَى

Takasa Jina la Mola wako Aliyetukuka na kuepukana na mshirika na kila sifa pungufu kwa namna inayonasibiana na utukufu Wake na utakatifu Wake.

ئایه‌تی: 2

ٱلَّذِي خَلَقَ فَسَوَّىٰ

Aliyeumba viumbe Akalitengeneza umbo lao na kulifanya zuri.

ئایه‌تی: 3

وَٱلَّذِي قَدَّرَ فَهَدَىٰ

Na Aliyekadiria kila kitu na kukipeleka njia inayonasibiana nacho.

ئایه‌تی: 4

وَٱلَّذِيٓ أَخۡرَجَ ٱلۡمَرۡعَىٰ

Na Aliyeotesha nyasi mbiti zenye rangi ya kijani,

ئایه‌تی: 5

فَجَعَلَهُۥ غُثَآءً أَحۡوَىٰ

Akazifanya baadaye kuwa kavu zilizobadilika rangi.

ئایه‌تی: 6

سَنُقۡرِئُكَ فَلَا تَنسَىٰٓ

Tutakusomea, ewe Mtume, hii Qur’ani kisomo ambacho hutakisahau.

ئایه‌تی: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Isipokuwa iwapo Mwenyezi Mungu Ataka usahau kwa hekima na maslahi anayoyajua Yeye. Kwani Yeye ni Mjuzi wa yaliyo wazi na yaliyofichika, ya maneno na ya vitendo.

ئایه‌تی: 8

وَنُيَسِّرُكَ لِلۡيُسۡرَىٰ

Tutakufanyia mapesi mambo yako yote; miongoni mwayo ni kukusahilishia kubeba majukumu ya utume na kuifanya nyepesi Dini uliyokuja nayo.

ئایه‌تی: 9

فَذَكِّرۡ إِن نَّفَعَتِ ٱلذِّكۡرَىٰ

Basi wawaidhie kaumu zako, ewe Mtume, kwa namna tulivyokutayarishia ufanye kwenye wahyi ulioletewa, uwaongoze njia yenye kheri na wao na uwahusu kwa mawaidha yako wale wanaotarajiwa kuwaidhika nayo. Wala usijisumbue kuwashauri wale ambao mawidha hayawaathiri isipokuwa kuwatia ujeuri na kuwafanya wayakimbie.

ئایه‌تی: 10

سَيَذَّكَّرُ مَن يَخۡشَىٰ

Atanufaika kwa mawaidha anayemcha Mola wke,