Tradução dos significados Surah Suratu Al-Ala - Tradução Suaíli - Abdullah Muhammad e Nasser Khamis - Enciclopédia do Nobre Qur’an

Surat Al-A'la

Versículo: 1

سَبِّحِ ٱسۡمَ رَبِّكَ ٱلۡأَعۡلَى

Takasa Jina la Mola wako Aliyetukuka na kuepukana na mshirika na kila sifa pungufu kwa namna inayonasibiana na utukufu Wake na utakatifu Wake.

Versículo: 2

ٱلَّذِي خَلَقَ فَسَوَّىٰ

Aliyeumba viumbe Akalitengeneza umbo lao na kulifanya zuri.

Versículo: 3

وَٱلَّذِي قَدَّرَ فَهَدَىٰ

Na Aliyekadiria kila kitu na kukipeleka njia inayonasibiana nacho.

Versículo: 4

وَٱلَّذِيٓ أَخۡرَجَ ٱلۡمَرۡعَىٰ

Na Aliyeotesha nyasi mbiti zenye rangi ya kijani,

Versículo: 5

فَجَعَلَهُۥ غُثَآءً أَحۡوَىٰ

Akazifanya baadaye kuwa kavu zilizobadilika rangi.

Versículo: 6

سَنُقۡرِئُكَ فَلَا تَنسَىٰٓ

Tutakusomea, ewe Mtume, hii Qur’ani kisomo ambacho hutakisahau.

Versículo: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Isipokuwa iwapo Mwenyezi Mungu Ataka usahau kwa hekima na maslahi anayoyajua Yeye. Kwani Yeye ni Mjuzi wa yaliyo wazi na yaliyofichika, ya maneno na ya vitendo.

Versículo: 8

وَنُيَسِّرُكَ لِلۡيُسۡرَىٰ

Tutakufanyia mapesi mambo yako yote; miongoni mwayo ni kukusahilishia kubeba majukumu ya utume na kuifanya nyepesi Dini uliyokuja nayo.

Versículo: 9

فَذَكِّرۡ إِن نَّفَعَتِ ٱلذِّكۡرَىٰ

Basi wawaidhie kaumu zako, ewe Mtume, kwa namna tulivyokutayarishia ufanye kwenye wahyi ulioletewa, uwaongoze njia yenye kheri na wao na uwahusu kwa mawaidha yako wale wanaotarajiwa kuwaidhika nayo. Wala usijisumbue kuwashauri wale ambao mawidha hayawaathiri isipokuwa kuwatia ujeuri na kuwafanya wayakimbie.

Versículo: 10

سَيَذَّكَّرُ مَن يَخۡشَىٰ

Atanufaika kwa mawaidha anayemcha Mola wke,

Versículo: 11

وَيَتَجَنَّبُهَا ٱلۡأَشۡقَى

na atajiepusha na mawaidha aliye mbaya asiyemuogopa Mola wake

Versículo: 12

ٱلَّذِي يَصۡلَى ٱلنَّارَ ٱلۡكُبۡرَىٰ

atakayeingia kwenye Moto wa Jahanamu akiadhibika kwa ukali wake.

Versículo: 13

ثُمَّ لَا يَمُوتُ فِيهَا وَلَا يَحۡيَىٰ

Kisha hatakuwa ni mwenye kufa akapumzika wala ni mwenye kuishi akanufaika.

Versículo: 14

قَدۡ أَفۡلَحَ مَن تَزَكَّىٰ

Hakika amefuzu mwenye kuisafisha nafsi yake na tabia mbovu,

Versículo: 15

وَذَكَرَ ٱسۡمَ رَبِّهِۦ فَصَلَّىٰ

na akamtaja Mwenyezi Mungu, akampwekesha, akamuomba, akafanya vitendo vya kumridhisha na akasimamisha Swala kwa nyakati zake kwa kutaka radhi za Mwenyezi Mungu na kufuata sheria Aliyoiweka.

Versículo: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Hakika yenu, nyinyi watu, mnafadhilisha pambo la maisha ya kilimwengu juu ya starehe za Akhera.

Versículo: 17

وَٱلۡأٓخِرَةُ خَيۡرٞ وَأَبۡقَىٰٓ

Na hakika ya mambo ni kuwa nyumba ya Akhera na starehe zake ni bora zaidi kuliko ulimwngu na ni yenye kusalia zaidi.

Versículo: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Haya mlioosimuliwa ndani ya Sura hii ni miongoni mwa yaliyotajwa kimaana katika Kurasa zilizotangulia kuteremshwa kabla ya Qur’ani.

Versículo: 19

صُحُفِ إِبۡرَٰهِيمَ وَمُوسَىٰ

Nazo ni Kurasa za Ibrāhīm na Mūsā, amani ziwashukie.