Tradução dos significados Surah Suratu At-Tariq - Tradução Suaíli - Abdullah Muhammad e Nasser Khamis - Enciclopédia do Nobre Qur’an

Surat At-Tariq

Versículo: 1

وَٱلسَّمَآءِ وَٱلطَّارِقِ

Mwenyezi Mungu Anaapa kwa mbingu na nyota yenye kuchomoza usiku.

Versículo: 2

وَمَآ أَدۡرَىٰكَ مَا ٱلطَّارِقُ

Na ni lipi lilokujulisha ni ukubwa gani wa nyota hiyo?

Versículo: 3

ٱلنَّجۡمُ ٱلثَّاقِبُ

Hiyo ni nyota ing’arao na kuzagaa.

Versículo: 4

إِن كُلُّ نَفۡسٖ لَّمَّا عَلَيۡهَا حَافِظٞ

Hakuna nafsi yoyote isipokuwa amewakilishwa kwayo Malaika mwenye kuchunguza na kusjili amali zake ili ihesabiwe Siku ya Kiyama.

Versículo: 5

فَلۡيَنظُرِ ٱلۡإِنسَٰنُ مِمَّ خُلِقَ

Basi aangalie binadamu mwenye kukanusha kufufuliwa ameumbwa kwa kitu gani? Ili ajue kuwa kurudisha umbo lake mara ya pili si vigumu kama kuumbwa mara ya kwanza.

Versículo: 6

خُلِقَ مِن مَّآءٖ دَافِقٖ

Aliumbwa kwa manii yenye kupenyeza ndani ya uzao kwa haraka.

Versículo: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Yatokayo kwenye mgongo wa mwnamume na kifua cha mwanamke.

Versículo: 8

إِنَّهُۥ عَلَىٰ رَجۡعِهِۦ لَقَادِرٞ

Hakika yule Aliyemuumba binadamu kwa maji haya ni muweza wa kumrudisha kwenye uhai baada ya kufa.

Versículo: 9

يَوۡمَ تُبۡلَى ٱلسَّرَآئِرُ

Siku zitakapofunuliwa wazi siri ziliofichwa na nafsi na kupambanuliwa njema na mbovu.

Versículo: 10

فَمَا لَهُۥ مِن قُوَّةٖ وَلَا نَاصِرٖ

Binadamu hatakuwa na nguvu ya kuitetea nafsi yake wala hatakuwa na mtetezi wa kumwepushia adhabu ya Mwenyezi Mungu.

Versículo: 11

وَٱلسَّمَآءِ ذَاتِ ٱلرَّجۡعِ

Na Anaapa kwa mbingu yenye mvua ya kukaririka.

Versículo: 12

وَٱلۡأَرۡضِ ذَاتِ ٱلصَّدۡعِ

Na ardhi yenye pasuko za kufanya mimea ichipuke.

Versículo: 13

إِنَّهُۥ لَقَوۡلٞ فَصۡلٞ

Hakika Qur’ani ni neno lenye kupambanua baina ya haki na batili.

Versículo: 14

وَمَا هُوَ بِٱلۡهَزۡلِ

Na si upuuzi. Haifai kiumbe kuapa kwa asiyekuwa Mwenyezi Mungu. Akifanya hivyo atakuwa amemshirikisha Mwenyezi Mungu.

Versículo: 15

إِنَّهُمۡ يَكِيدُونَ كَيۡدٗا

Hakika wenye kumkanusha Mtume, rehema ya Mwenyezi Mungu na amani zimshukie, na Qur’ani wanafanya vitimbi na mipango ili kuipinga haki na kuitilia nguvu batili.

Versículo: 16

وَأَكِيدُ كَيۡدٗا

Na Mimi nafanya vitimbi kuidhihirisha haki ingawa makafiri wanatukia.Usiwe na haraka nao, ewe Mtume, kutaka wateremshiwe adhabu.

Versículo: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Wape muhula uwangojee muda mchache wala usiwafanyie haraka, utaona adhabu itakayowafikia, mateso na maangamivu.