وه‌رگێڕانی ماناكان سوره‌تی الذاریات - وەرگێڕاوی یائوویی - محمد بن عبدالحميد سليكا - ژمارەی پەڕە 520 - فرەفەرهەنگی قورئانی پیرۆز

Adh-Dhâriyât

ئایه‌تی: 1

وَٱلذَّٰرِيَٰتِ ذَرۡوٗا

Ngujilumbila (mbungo) jajikututumya luwundu (lwamesi ni kuŵelekasya mawunde gawula).

ئایه‌تی: 2

فَٱلۡحَٰمِلَٰتِ وِقۡرٗا

Ni (ngugalumbila soni mawunde) gagakutwichila mesi gausito.

ئایه‌تی: 3

فَٱلۡجَٰرِيَٰتِ يُسۡرٗا

Ni (yombo) yaikwenda (m’mbwani) mwakutulalila.^[3]

(51:1-3) Mu gele ma Ȃya gatatuga, Allah akukalumbila kajende ka mesi, kuumila m’mbwani kuja mu nnengalenga pakujigalwa nimbungo gali chisawu luwundu, kaneka nikusyuka kuŵa mawunde gawula, kaneko mawundego nkusitopelwamo nigakasatulukaga mesi gala gwila pasi (jatukutiji wula), kaneko mesigo kupitila mu sulo gakasawujilaga soni m’mbwani mwamukwenda yombo yekulungwa-kulungwa. Aka kajende ka mesika ŵandu ŵa Science kupitila mu ilimu ya Geography akakopochele pangakaŵapa kaakukatendaga water cycle, kutendaga Qur’an jasasile yalakweyi kalakala. Yalakweyi ikulosya kuti Qur’an jakuonaonape.

ئایه‌تی: 4

فَٱلۡمُقَسِّمَٰتِ أَمۡرًا

Ni (Achimalaika) ŵaakugaŵanya chilamusi (cha Allah, mpela wula ni malisiki gane).

ئایه‌تی: 5

إِنَّمَا تُوعَدُونَ لَصَادِقٞ

Chisimu yankupedwa chilanga iŵele yakuonaonape.

ئایه‌تی: 6

وَإِنَّ ٱلدِّينَ لَوَٰقِعٞ

Soni chisimu malipilo gaŵele gakupatikana.