Reikšmių vertimas Sūra Sūra Al-Kijaamah - Hausų k. vertimas - Abu Bakr Žomy - Kilniojo Korano enciklopedija

Suratu Alkiyama

Aja (Korano eilutė): 1

لَآ أُقۡسِمُ بِيَوۡمِ ٱلۡقِيَٰمَةِ

Bã sai Nã yi rantsuwa* da Rãnar ¡iyãma ba.

* Wasu na fassarawa: lna rantsuwa da Rãnar Ƙiyama. A ganina, da tabbatar da rantsuwar da kuma kore ta duka ɗaya ne, maƙasũdi dai jan hankalin mai karãtu ga abin da yake a ciki, na hikimar Allah.

Aja (Korano eilutė): 2

وَلَآ أُقۡسِمُ بِٱلنَّفۡسِ ٱللَّوَّامَةِ

Bã sai Nã yi rantsuwa da rai mai yawan zargin* kansa ba.

* Kowane rai na zargin kansa idan bai yi aikin alheri ba, ko kuma bai yi fiye da wanda ya yi ba, ko kuma bai aikata wanda ya fi kyãwo ba a lokacin aikinsa.

Aja (Korano eilutė): 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Sin, mutum yana zaton cẽwa bã zã Mu tãra ƙasusuwansa ba?

Aja (Korano eilutė): 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Na'am! Mãsu ĩkon yi Muke a kan Mu daidaita gaɓõɓin yãtsunsa.

Aja (Korano eilutė): 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Ba haka ba! Mutum so yake, ya yi fãjirci, ya ƙaryata abin da yake a gabansa.

Aja (Korano eilutė): 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Yanã tambaya: "Yaushe ne Rãnar ¡iyãma?"

Aja (Korano eilutė): 7

فَإِذَا بَرِقَ ٱلۡبَصَرُ

To, idan gani ya ɗimauta (ya yi ƙyalli).

Aja (Korano eilutė): 8

وَخَسَفَ ٱلۡقَمَرُ

Kuma, watã ya yi husũfi (haskensa ya dushe).

Aja (Korano eilutė): 9

وَجُمِعَ ٱلشَّمۡسُ وَٱلۡقَمَرُ

Aka tãra rãnã da watã

Aja (Korano eilutė): 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Mutum zai ce a rãn nan "Ina wurin gudu?"

Aja (Korano eilutė): 11

كَلَّا لَا وَزَرَ

A'aha! bãbu mafaka.

Aja (Korano eilutė): 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

zuwa ga Ubangijinka wurin tabbata, a rãnar nan, yake.

Aja (Korano eilutė): 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Ana gayã wa mutum, a rãnar nan, abin da ya gabatar da wanda ya jinkirtar.

Aja (Korano eilutė): 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Ba haka ba! Mutum, ga abin da ya shafi kansa, masani ne.

Aja (Korano eilutė): 15

وَلَوۡ أَلۡقَىٰ مَعَاذِيرَهُۥ

Kuma ko da yã jẽfa uzurorinsa (bã zã a saurãre shi ba).

Aja (Korano eilutė): 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Kada ka mõtsar* da harshenka game da shi dõmin ka yi gaugãwar riƙe shi (Alƙur'ãni).

* Dangantakar wannan ãya da ta sama da ita, ita ce bambancin Annabi mai gaggawar karɓar umurnin Allah da ƙyamar kãfiri ga karɓarsa, da bayãnin sauƙaƙewar Allah ga mai bin umurninSa.

Aja (Korano eilutė): 17

إِنَّ عَلَيۡنَا جَمۡعَهُۥ وَقُرۡءَانَهُۥ

Lalle ne, wãjibi ne a gare Mu, Mu tãra shi. Mu (tsare maka) karãtunsa.

Aja (Korano eilutė): 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

To idan Muka karanta shi sai ka bi karatunsa.

Aja (Korano eilutė): 19

ثُمَّ إِنَّ عَلَيۡنَا بَيَانَهُۥ

sa'an nan, lalle wãjibi ne a gare Mu, bayãninsa.

Aja (Korano eilutė): 20

كَلَّا بَلۡ تُحِبُّونَ ٱلۡعَاجِلَةَ

A'aha! Bã haka ba kunã son mai gaugawar nan (duniya) ne.

Aja (Korano eilutė): 21

وَتَذَرُونَ ٱلۡأٓخِرَةَ

Kunã barin ta ƙarshen (Lãhira).

Aja (Korano eilutė): 22

وُجُوهٞ يَوۡمَئِذٖ نَّاضِرَةٌ

Wasu huskõki, a rãnar nan, mãsu annuri ne.

Aja (Korano eilutė): 23

إِلَىٰ رَبِّهَا نَاظِرَةٞ

Zuwa ga Ubangijinsu mãsu kallo ne.

Aja (Korano eilutė): 24

وَوُجُوهٞ يَوۡمَئِذِۭ بَاسِرَةٞ

Wasu huskõki, a rãnar nan, mãsu gintsẽwa ne.

Aja (Korano eilutė): 25

تَظُنُّ أَن يُفۡعَلَ بِهَا فَاقِرَةٞ

Sunã zaton a sako musu masĩfa mai karya tsatso.

Aja (Korano eilutė): 26

كَلَّآ إِذَا بَلَغَتِ ٱلتَّرَاقِيَ

A'aha! Iadan (rai) ya kai ga karankarmai.

Aja (Korano eilutė): 27

وَقِيلَ مَنۡۜ رَاقٖ

kuma aka ce: "Wãne ne mai tawada?"

Aja (Korano eilutė): 28

وَظَنَّ أَنَّهُ ٱلۡفِرَاقُ

Kuma ya tabbata cẽwa rabuwa dai ce.

Aja (Korano eilutė): 29

وَٱلۡتَفَّتِ ٱلسَّاقُ بِٱلسَّاقِ

Kuma ƙwabri ya lauye da wani ƙwabri.

Aja (Korano eilutė): 30

إِلَىٰ رَبِّكَ يَوۡمَئِذٍ ٱلۡمَسَاقُ

Zuwa ga Ubangijinka, a rãnar nan, magargaɗa* take.

* Ranar kora mutane, kamar ana gargaɗa tumãki, zuwa ga tsayuwa a gaba ga Allah, dõmin hisabi.

Aja (Korano eilutė): 31

فَلَا صَدَّقَ وَلَا صَلَّىٰ

To, bai gaskatã ba, kuma bai yi salla ba!

Aja (Korano eilutė): 32

وَلَٰكِن كَذَّبَ وَتَوَلَّىٰ

Amma dai ya ƙaryata, kuma ya jũya baya!

Aja (Korano eilutė): 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Sa'an nan, ya tafi zuwa ga mutãnensa, yana tãƙama.

Aja (Korano eilutė): 34

أَوۡلَىٰ لَكَ فَأَوۡلَىٰ

Halaka tã tabbata a gare ka, sa'an nan ita ce mafi dãcewa.

Aja (Korano eilutė): 35

ثُمَّ أَوۡلَىٰ لَكَ فَأَوۡلَىٰٓ

Sa'an nan, wata halaka tã tabbata a gare ka dõmin tã fi dãce wa.

Aja (Korano eilutė): 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Shin, mutum nã zaton a bar shi sagaga (wãto bãbu nufin kõme game da shi)?

Aja (Korano eilutė): 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Bai kasance ɗigo na maniyyi ba, wanda ake jefarwa (a cikin mahaifa)

Aja (Korano eilutė): 38

ثُمَّ كَانَ عَلَقَةٗ فَخَلَقَ فَسَوَّىٰ

Sa'an nan, ya zama gudan jini, sa'an nan Allah Ya halitta shi, sa'an nan Ya daidaita gaɓõɓinsa;

Aja (Korano eilutė): 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Sa'an nan, Ya sanya daga gare shi, nau'i biyu: namiji damace?

Aja (Korano eilutė): 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ashẽ wannan bai zama Mai iko ba bisa ga rãyar da matattu?*

* Ana son mai karãtu a nan ya ce: a ɓoye بلى وأنا على ذلك من الشاهدين.