Reikšmių vertimas Sūra Aš-Šu’ara - Vertimas į bantų k. - Ruandos musulmonų asociacija - Puslapio numeris 372 - Kilniojo Korano enciklopedija

Aja (Korano eilutė): 112

قَالَ وَمَا عِلۡمِي بِمَا كَانُواْ يَعۡمَلُونَ

(Nuhu) aravuga ati “Ntabwo nshinzwe kumenya ibyo bakora (icyo nshinzwe ni ukubagezaho ubutumwa gusa)”

Aja (Korano eilutė): 113

إِنۡ حِسَابُهُمۡ إِلَّا عَلَىٰ رَبِّيۖ لَوۡ تَشۡعُرُونَ

Ibarura ryabo rireba Nyagasani wanjye, iyaba mwari mubizi!

Aja (Korano eilutė): 114

وَمَآ أَنَا۠ بِطَارِدِ ٱلۡمُؤۡمِنِينَ

Kandi njye sinshobora kwirukana abemeramana.

Aja (Korano eilutė): 115

إِنۡ أَنَا۠ إِلَّا نَذِيرٞ مُّبِينٞ

Nta kindi ndi cyo, usibye kuba ndi umuburizi ugaragara.

Aja (Korano eilutė): 116

قَالُواْ لَئِن لَّمۡ تَنتَهِ يَٰنُوحُ لَتَكُونَنَّ مِنَ ٱلۡمَرۡجُومِينَ

Baravuga bati “Yewe Nuhu! Nuramuka utarekeye aho (ibyo wigisha), rwose uzaba mu bazaterwa amabuye (kugeza upfuye).”

Aja (Korano eilutė): 117

قَالَ رَبِّ إِنَّ قَوۡمِي كَذَّبُونِ

(Nuhu) aravuga ati “Nyagasani! Mu by’ukuri abantu banjye barampakanye”,

Aja (Korano eilutė): 118

فَٱفۡتَحۡ بَيۡنِي وَبَيۡنَهُمۡ فَتۡحٗا وَنَجِّنِي وَمَن مَّعِيَ مِنَ ٱلۡمُؤۡمِنِينَ

“Bityo ca iteka ridasubirwaho hagati yanjye na bo (ririmbura abahakanye), kandi undokorane n’abemeramana turi kumwe.”

Aja (Korano eilutė): 119

فَأَنجَيۡنَٰهُ وَمَن مَّعَهُۥ فِي ٱلۡفُلۡكِ ٱلۡمَشۡحُونِ

Nuko tumurokorana n’abari kumwe na we mu nkuge yuzuye (ibiremwa bitandukanye yashyizemo).

Aja (Korano eilutė): 120

ثُمَّ أَغۡرَقۡنَا بَعۡدُ ٱلۡبَاقِينَ

Maze nyuma tworeka abasigaye (abahakanye).

Aja (Korano eilutė): 121

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ

Mu by’ukuri muri ibyo harimo ikimenyetso (kigaragaza ubushobozi bwa Allah), nyamara abenshi muri bo ntibemera.

Aja (Korano eilutė): 122

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

Kandi mu by’ukuri Nyagasani wawe ni We Munyacyubahiro bihebuje, Nyirimpuhwe.

Aja (Korano eilutė): 123

كَذَّبَتۡ عَادٌ ٱلۡمُرۡسَلِينَ

Aba Adi (na bo) bahinyuye Intumwa.

Aja (Korano eilutė): 124

إِذۡ قَالَ لَهُمۡ أَخُوهُمۡ هُودٌ أَلَا تَتَّقُونَ

Ubwo umuvandimwe wabo Hudu yababwiraga ati “Ese ntimwatinya (Allah)?”

Aja (Korano eilutė): 125

إِنِّي لَكُمۡ رَسُولٌ أَمِينٞ

“Mu by’ukuri njye ndi Intumwa yanyu yizewe.”

Aja (Korano eilutė): 126

فَٱتَّقُواْ ٱللَّهَ وَأَطِيعُونِ

126.“Bityo nimugandukire Allah kandi munyumvire.”

Aja (Korano eilutė): 127

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

“Kandi ntabwo (kubagezaho ubutumwa) mbibasabira igihembo, kuko ibihembo byanjye biri kwa Nyagasani w’ibiremwa byose.”

Aja (Korano eilutė): 128

أَتَبۡنُونَ بِكُلِّ رِيعٍ ءَايَةٗ تَعۡبَثُونَ

Ese mwubaka (amazu maremare) ahirengeye hose mugamije kunnyega no gusuzugura (abagenzi bayanyuraho)?

Aja (Korano eilutė): 129

وَتَتَّخِذُونَ مَصَانِعَ لَعَلَّكُمۡ تَخۡلُدُونَ

Mukanubaka ingoro z’imitamenwa nk’aho muzazibamo ubuziraherezo?

Aja (Korano eilutė): 130

وَإِذَا بَطَشۡتُم بَطَشۡتُمۡ جَبَّارِينَ

N’iyo mugabye igitero (ku wo ari we wese), mukigaba nta mpuhwe.

Aja (Korano eilutė): 131

فَٱتَّقُواْ ٱللَّهَ وَأَطِيعُونِ

“Bityo nimugandukire Allah kandi munyumvire.”

Aja (Korano eilutė): 132

وَٱتَّقُواْ ٱلَّذِيٓ أَمَدَّكُم بِمَا تَعۡلَمُونَ

Kandi mugandukire uwabahaye inema (zose) muzi.

Aja (Korano eilutė): 133

أَمَدَّكُم بِأَنۡعَٰمٖ وَبَنِينَ

Yabahaye amatungo n’urubyaro,

Aja (Korano eilutė): 134

وَجَنَّٰتٖ وَعُيُونٍ

(Anabaha) imirima n’imigezi.

Aja (Korano eilutė): 135

إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمٖ

(Hudu aravuga ati) “Mu by’ukuri ndatinya ko (nimukomeza guhakana) mwazahanishwa ibihano byo ku munsi uhambaye.”

Aja (Korano eilutė): 136

قَالُواْ سَوَآءٌ عَلَيۡنَآ أَوَعَظۡتَ أَمۡ لَمۡ تَكُن مِّنَ ٱلۡوَٰعِظِينَ

Baravuga bati “Watwigisha utatwigisha byose ni kimwe kuri twe (ntidushobora kukwemera).”