Reikšmių vertimas Sūra As-Saffat - Vertimas į bantų k. - Ruandos musulmonų asociacija - Puslapio numeris 448 - Kilniojo Korano enciklopedija

Aja (Korano eilutė): 52

يَقُولُ أَءِنَّكَ لَمِنَ ٱلۡمُصَدِّقِينَ

Yajyaga ivuga iti “Ese wowe koko uri mu bemera (izuka)”?

Aja (Korano eilutė): 53

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

“Ese nidupfa tugahinduka igitaka n’amagufa (akabora), tuzabazwa ibyo twakoze koko?”

Aja (Korano eilutė): 54

قَالَ هَلۡ أَنتُم مُّطَّلِعُونَ

Avuge ati “Ese mushobora kureba (mu muriro)?”

Aja (Korano eilutė): 55

فَٱطَّلَعَ فَرَءَاهُ فِي سَوَآءِ ٱلۡجَحِيمِ

Nuko arebe amubone hagati mu muriro ugurumana.

Aja (Korano eilutė): 56

قَالَ تَٱللَّهِ إِن كِدتَّ لَتُرۡدِينِ

Avuge ati “Ndahiye ku izina rya Allah! Wari hafi yo kunyoreka.”

Aja (Korano eilutė): 57

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

“Iyo bitaza kuba ku bw’inema ya Nyagasani wanjye, nanjye nari kuba mu bazanywe (mu muriro nka we).”

Aja (Korano eilutė): 58

أَفَمَا نَحۡنُ بِمَيِّتِينَ

(Abazaba bari mu ijuru bazavuga bati) “Ese ntabwo tuzongera gupfa?”

Aja (Korano eilutė): 59

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

“Usibye gusa urupfu rwacu rwa mbere, ndetse nta n’ubwo tuzahanwa (nyuma y’uko twinjiye mu ijuru)?”

Aja (Korano eilutė): 60

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

“Mu by’ukuri iyi ni intsinzi ihambaye.”

Aja (Korano eilutė): 61

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

Ku rugero nk’uru, ngaho abakora (ibyiza) nibakore.

Aja (Korano eilutė): 62

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

Ese kwakirwa gutyo si ko kwiza, cyangwa (kwakirizwa) igiti cya Zaqum (kigira imbuto zirura cyane, ni byo byiza)?

Aja (Korano eilutė): 63

إِنَّا جَعَلۡنَٰهَا فِتۡنَةٗ لِّلظَّٰلِمِينَ

Mu by’ukuri (icyo giti) twakigize ikigeragezo ku bahakanyi.

Aja (Korano eilutė): 64

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

Ni igiti gishibuka mu ndiba y’umuriro ugurumana.

Aja (Korano eilutė): 65

طَلۡعُهَا كَأَنَّهُۥ رُءُوسُ ٱلشَّيَٰطِينِ

Imbuto zacyo zimeze nk’imitwe y’amashitani.

Aja (Korano eilutė): 66

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

Mu by’ukuri bazazirya bazuzuze inda.

Aja (Korano eilutė): 67

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

Maze barenzeho amazi avangiye yatuye.

Aja (Korano eilutė): 68

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

Hanyuma ukugaruka kwabo kuzabe kwerekera mu muriro ugurumana.

Aja (Korano eilutė): 69

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

Mu by’ukuri basanze abakurambere babo barayobye.

Aja (Korano eilutė): 70

فَهُمۡ عَلَىٰٓ ءَاثَٰرِهِمۡ يُهۡرَعُونَ

Nuko na bo bihutira kugera ikirenge mu cyabo.

Aja (Korano eilutė): 71

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

Kandi rwose abenshi mu babayeho mbere yabo barayobye.

Aja (Korano eilutė): 72

وَلَقَدۡ أَرۡسَلۡنَا فِيهِم مُّنذِرِينَ

Kandi mu by’ukuri twaranaboherereje ababurizi.

Aja (Korano eilutė): 73

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

Ngaho reba uko iherezo ry’ababuriwe ryagenze.

Aja (Korano eilutė): 74

إِلَّا عِبَادَ ٱللَّهِ ٱلۡمُخۡلَصِينَ

Uretse abagaragu ba Allah b’imbonera.

Aja (Korano eilutė): 75

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

Kandi rwose Nuhu yaratwiyambaje kandi ni twe beza bo gusubiza (uwatwiyambaje).

Aja (Korano eilutė): 76

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Nuko tumurokorana n’abantu be mu makuba ahambaye.