Reikšmių vertimas Sūra Al-Muddassir - Kilniojo Korano sutrumpinto aiškinimo vertimas į filipiniečių (tagalog) k. - Puslapio numeris 575 - Kilniojo Korano enciklopedija

Al-Muddaththir

Sūros prasmės:

الأمر بالاجتهاد في دعوة المكذبين، وإنذارهم بالآخرة والقرآن.

Ang pag-uutos ng pagsisikap sa pag-aanyaya sa mga tagapagpasinungaling at pagbabala sa kanila sa pamamagitan ng Kabilang-buhay at Qur'ān.

---

Aja (Korano eilutė): 1

يَٰٓأَيُّهَا ٱلۡمُدَّثِّرُ

O nagtatakip ng mga kasuutan niya (siya ay ang Propeta – basbasan siya ni Allāh at batiin ng kapayapaan),

Aja (Korano eilutė): 2

قُمۡ فَأَنذِرۡ

tumindig ka at magpangamba ka sa pagdurusang dulot ni Allāh.

Aja (Korano eilutė): 3

وَرَبَّكَ فَكَبِّرۡ

Dumakila ka sa Panginoon mo.

Aja (Korano eilutė): 4

وَثِيَابَكَ فَطَهِّرۡ

Magdalisay ka sa sarili mo mula sa mga pagkakasala at sa mga kasuutan mo mula sa mga karumihan.

Aja (Korano eilutė): 5

وَٱلرُّجۡزَ فَٱهۡجُرۡ

Lumayo ka sa pagsamba sa mga diyus-diyusan.

Aja (Korano eilutė): 6

وَلَا تَمۡنُن تَسۡتَكۡثِرُ

Huwag kang magmagandang-loob sa Panginoon mo sa pamamagitan ng paghiling mo na dumami ng gawa mong maayos.

Aja (Korano eilutė): 7

وَلِرَبِّكَ فَٱصۡبِرۡ

Magtiis ka alang-alang kay Allāh sa anumang nakahaharap mo na pasakit.

Aja (Korano eilutė): 8

فَإِذَا نُقِرَ فِي ٱلنَّاقُورِ

Kaya kapag nagpatunog sa sungay sa ikalawang pag-ihip,

Aja (Korano eilutė): 9

فَذَٰلِكَ يَوۡمَئِذٖ يَوۡمٌ عَسِيرٌ

ang Araw na iyon ay isang araw na matindi,

Aja (Korano eilutė): 10

عَلَى ٱلۡكَٰفِرِينَ غَيۡرُ يَسِيرٖ

sa mga tagatangging sumampalataya kay Allāh at sa mga sugo Niya ay hindi magaan.

Aja (Korano eilutė): 11

ذَرۡنِي وَمَنۡ خَلَقۡتُ وَحِيدٗا

Hayaan mo Ako, O Sugo, at ang nilikha Ko nang mag-isa sa tiyan ng ina niya nang walang yaman o anak. (Siya ay si Al-Walīd bin Al-Mughīrah.)

Aja (Korano eilutė): 12

وَجَعَلۡتُ لَهُۥ مَالٗا مَّمۡدُودٗا

Gumawa Ako para sa kanya ng isang yamang marami

Aja (Korano eilutė): 13

وَبَنِينَ شُهُودٗا

Gumawa Ako para sa kanya ng mga anak na nakadalo sa kanya at sumasaksi sa mga pagdiriwang kasama sa kanya, na hindi humihiwalay sa kanya para sa isang paglalakbay dahil sa dami ng yaman niya.

Aja (Korano eilutė): 14

وَمَهَّدتُّ لَهُۥ تَمۡهِيدٗا

Nagpasagana Ako sa kanya sa pamumuhay, panustos, at anak sa isang pagpapasagana.

Aja (Korano eilutė): 15

ثُمَّ يَطۡمَعُ أَنۡ أَزِيدَ

Pagkatapos naghahangad siya sa kabila ng kawalang-pananampalataya niya sa Akin na magdagdag Ako sa kanya matapos na magbigay Ako sa kanya niyon sa kabuuan niyon.

Aja (Korano eilutė): 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Ang usapin ay hindi gaya ng ginuguniguni niya! Tunay na siya dati ay nakikipagmatigasan sa mga tanda Naming ibinaba Namin sa Sugo Namin, na nagpapasinungaling sa mga ito.

Aja (Korano eilutė): 17

سَأُرۡهِقُهُۥ صَعُودًا

Mag-aatang Ako sa kanya ng isang pahirap mula sa pagdurusa, na hindi siya makakakaya sa pagbabata niyon.

Aja (Korano eilutė): 18

إِنَّهُۥ فَكَّرَ وَقَدَّرَ

Tunay na ang tagatangging sumampalataya na ito na nagbiyaya Ako sa kanya ng mga biyayang iyon ay nag-isip hinggil sa sasabihin niya hinggil sa Qur'ān para sa pagpapabula rito, at nagtakda niyon sa sarili niya.

Šiame puslapyje pateiktų ajų nauda:

• المشقة تجلب التيسير.

Ang pahirap ay humahatak ng pagpapagaan.

• وجوب الطهارة من الخَبَث الظاهر والباطن.

Ang pagkatungkulin ng kadalisayan mula sa karumihang panlabas at panloob.

• الإنعام على الفاجر استدراج له وليس إكرامًا.

Ang pagbibiyaya sa masamang-loob ay isang pagpapain para sa kanya at hindi isang pagpaparangal.