പരിഭാഷ അദ്ധ്യായം മുഅ്മിനൂൻ - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ - വിശുദ്ധ ഖുർആൻ വിജ്ഞാനകോശം

Al-Mu’minun

ആയത്ത്: 1

قَدۡ أَفۡلَحَ ٱلۡمُؤۡمِنُونَ

Saben-sabenal a nakauntung su manga mu'min.

ആയത്ത്: 2

ٱلَّذِينَ هُمۡ فِي صَلَاتِهِمۡ خَٰشِعُونَ

Silan kanu kapedsambayang nilan na gilek silan sa Allah.

ആയത്ത്: 3

وَٱلَّذِينَ هُمۡ عَنِ ٱللَّغۡوِ مُعۡرِضُونَ

Endu silan na di nilan amungan i da kataganin.

ആയത്ത്: 4

وَٱلَّذِينَ هُمۡ لِلزَّكَوٰةِ فَٰعِلُونَ

Endu ibagenggay nilan su zakat ilan.

ആയത്ത്: 5

وَٱلَّذِينَ هُمۡ لِفُرُوجِهِمۡ حَٰفِظُونَ

Endu pedtuldun nilan su sangulan nilan.

ആയത്ത്: 6

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Ya tabiya na kaluma nilan, atawa su kamilikan nilan a di silan matila.

ആയത്ത്: 7

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Na entayn i mangilay sa subla pan sa nya ba na entuba su manga law a matibaba.

ആയത്ത്: 8

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

Endu pedtuldun nilan su salig sa kanilan endu su pasad ilan.

ആയത്ത്: 9

وَٱلَّذِينَ هُمۡ عَلَىٰ صَلَوَٰتِهِمۡ يُحَافِظُونَ

Endu pedtuganulen nilan i langun nu manga sambayangilan.

ആയത്ത്: 10

أُوْلَٰٓئِكَ هُمُ ٱلۡوَٰرِثُونَ

Na silan i pakawaris.

ആയത്ത്: 11

ٱلَّذِينَ يَرِثُونَ ٱلۡفِرۡدَوۡسَ هُمۡ فِيهَا خَٰلِدُونَ

Kanu surga a firdaws sa di den silan makaliyu.

ആയത്ത്: 12

وَلَقَدۡ خَلَقۡنَا ٱلۡإِنسَٰنَ مِن سُلَٰلَةٖ مِّن طِينٖ

Endu saben-sabenal a binaluy nami si Adam a yanin tupu na lupa.

ആയത്ത്: 13

ثُمَّ جَعَلۡنَٰهُ نُطۡفَةٗ فِي قَرَارٖ مَّكِينٖ

Mawli na binaluy nami su muli-a-taw sa nutfah (midsimbul a ig nu mama-babay) sya kanu tiyan nu babay.

ആയത്ത്: 14

ثُمَّ خَلَقۡنَا ٱلنُّطۡفَةَ عَلَقَةٗ فَخَلَقۡنَا ٱلۡعَلَقَةَ مُضۡغَةٗ فَخَلَقۡنَا ٱلۡمُضۡغَةَ عِظَٰمٗا فَكَسَوۡنَا ٱلۡعِظَٰمَ لَحۡمٗا ثُمَّ أَنشَأۡنَٰهُ خَلۡقًا ءَاخَرَۚ فَتَبَارَكَ ٱللَّهُ أَحۡسَنُ ٱلۡخَٰلِقِينَ

Mawli na pinambaluy nami su nutfah sa lugu, pinambaluy nami su lugu sa mana sa kemel, pinambaluy sa tulan, na binawsan nami sa sapu, mawli na iniyupan nami (atawa tinaguwan sa ngyawa), mahasuti su Allah a mapiya gayd i kapamaluy nin.

ആയത്ത്: 15

ثُمَّ إِنَّكُم بَعۡدَ ذَٰلِكَ لَمَيِّتُونَ

Mawli na sekanu na matay kanu bun.

ആയത്ത്: 16

ثُمَّ إِنَّكُمۡ يَوۡمَ ٱلۡقِيَٰمَةِ تُبۡعَثُونَ

Mawli na sekanu na (makawma) kanu sa gay a mawli sa makambuat sa kubur.

ആയത്ത്: 17

وَلَقَدۡ خَلَقۡنَا فَوۡقَكُمۡ سَبۡعَ طَرَآئِقَ وَمَا كُنَّا عَنِ ٱلۡخَلۡقِ غَٰفِلِينَ

Endu saben-sabenal a binaluy nami kanu pulu nu i pitu lapis a langit, endu dala sa lekami i makadtalipenda nami su langun u binaluy.

ആയത്ത്: 18

وَأَنزَلۡنَا مِنَ ٱلسَّمَآءِ مَآءَۢ بِقَدَرٖ فَأَسۡكَنَّٰهُ فِي ٱلۡأَرۡضِۖ وَإِنَّا عَلَىٰ ذَهَابِۭ بِهِۦ لَقَٰدِرُونَ

Endu pinatulun nami ebpun sa langit su ig sa na-ukul bu, na pinadtakena (pinasenep) nami sa lupa, endu magaga nami i mailang su langun a ig sa dunya.

ആയത്ത്: 19

فَأَنشَأۡنَا لَكُم بِهِۦ جَنَّٰتٖ مِّن نَّخِيلٖ وَأَعۡنَٰبٖ لَّكُمۡ فِيهَا فَوَٰكِهُ كَثِيرَةٞ وَمِنۡهَا تَأۡكُلُونَ

Na pinambuwat nami sa lekanu kanu ig i manga pamulanu, kayu kulma endu inab, aden lekanu a manga unga na kayu a madakel, endu entuba i pegken nu.

ആയത്ത്: 20

وَشَجَرَةٗ تَخۡرُجُ مِن طُورِ سَيۡنَآءَ تَنۢبُتُ بِٱلدُّهۡنِ وَصِبۡغٖ لِّلۡأٓكِلِينَ

Endu kayu a lu bagetu’ kanu palaw a (Sina'i) sa entuba a kayu na aden lana nin, kaped lun na pegkenu (namba su zaitun).

ആയത്ത്: 21

وَإِنَّ لَكُمۡ فِي ٱلۡأَنۡعَٰمِ لَعِبۡرَةٗۖ نُّسۡقِيكُم مِّمَّا فِي بُطُونِهَا وَلَكُمۡ فِيهَا مَنَٰفِعُ كَثِيرَةٞ وَمِنۡهَا تَأۡكُلُونَ

Endu aden kanu manga binatang i manga indawan, banginumen su gatasin endu madakel i papedtagan lun, endu pegken nu pan su (kaped kanu) binatang.

ആയത്ത്: 22

وَعَلَيۡهَا وَعَلَى ٱلۡفُلۡكِ تُحۡمَلُونَ

Endu bagedan nu sya sa kapuluwan (pegkudan nu), sya menem sa ig su kapal.

ആയത്ത്: 23

وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ

Endu sinugu nami su Nuh lu kanu manga taw nin, ya nin pidtalu: simba nu su Allah, ka da kadenan nu a salakaw sa lekanin, na ngintu ka di nu ikagilek?

ആയത്ത്: 24

فَقَالَ ٱلۡمَلَؤُاْ ٱلَّذِينَ كَفَرُواْ مِن قَوۡمِهِۦ مَا هَٰذَآ إِلَّا بَشَرٞ مِّثۡلُكُمۡ يُرِيدُ أَن يَتَفَضَّلَ عَلَيۡكُمۡ وَلَوۡ شَآءَ ٱللَّهُ لَأَنزَلَ مَلَٰٓئِكَةٗ مَّا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ

Ya pidtalu nu manga gangaunutan nu manga kafir kanu manga taw nin na: da inan (si Nuh) ka manusya a pagidsan tanu bun, ya nin kiyugan na kalabiyan kanu nin, u pegkiyug su Allah (sa matutulu tanu) na yanin patulunen i malaikat, ka dala nami makineg inan sa kalukesan nami.

ആയത്ത്: 25

إِنۡ هُوَ إِلَّا رَجُلُۢ بِهِۦ جِنَّةٞ فَتَرَبَّصُواْ بِهِۦ حَتَّىٰ حِينٖ

Benal a mama inan (su Nuh) a buneg, angati nu ka matay bun.

ആയത്ത്: 26

قَالَ رَبِّ ٱنصُرۡنِي بِمَا كَذَّبُونِ

Tig nu Nuh: Kadenan ku tabangi aku sabap sa papendaelbuten aku nilan.

ആയത്ത്: 27

فَأَوۡحَيۡنَآ إِلَيۡهِ أَنِ ٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا فَإِذَا جَآءَ أَمۡرُنَا وَفَارَ ٱلتَّنُّورُ فَٱسۡلُكۡ فِيهَا مِن كُلّٖ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ مِنۡهُمۡۖ وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ

Ini-wahi nami sa lekanin i umbal ka sa awang sa parihala nami endu suguwan nami, na amayka mawma su kahanda nami na edsebu su pugun (bagaluganan) na papageda ka i embiyasan sa enggaga-duwa (babay-mama) endu su kaluma nengka ya tabiya na su na-ukul den sa maka amung mabinasa, endu di aku imbityala pantag kanu manga kafir ka makageled silan tanan.

ആയത്ത്: 28

فَإِذَا ٱسۡتَوَيۡتَ أَنتَ وَمَن مَّعَكَ عَلَى ٱلۡفُلۡكِ فَقُلِ ٱلۡحَمۡدُ لِلَّهِ ٱلَّذِي نَجَّىٰنَا مِنَ ٱلۡقَوۡمِ ٱلظَّٰلِمِينَ

Amayka nakapageda kanu den sa awang endu su manga tagapeda nengka na edtalu ka: langun a pugi na kanu Allah ka linepas kami nin kanu manga salimbuten.

ആയത്ത്: 29

وَقُل رَّبِّ أَنزِلۡنِي مُنزَلٗا مُّبَارَكٗا وَأَنتَ خَيۡرُ ٱلۡمُنزِلِينَ

Endu edtalu ka i kadenan ku pambeken aku sa katumpan a barakat, endu seka i mapiya gayd a mapagkaleben.

ആയത്ത്: 30

إِنَّ فِي ذَٰلِكَ لَأٓيَٰتٖ وَإِن كُنَّا لَمُبۡتَلِينَ

Benal a nadalem lu ba su tanda a kapegkagaga nu Allah, endu nabatalu su Nuh endu su manga taw nin.

ആയത്ത്: 31

ثُمَّ أَنشَأۡنَا مِنۢ بَعۡدِهِمۡ قَرۡنًا ءَاخَرِينَ

Mawli na pinambuwat ami sa ulyan nilan i manga taw a nauli kanilan (tupu nilan).

ആയത്ത്: 32

فَأَرۡسَلۡنَا فِيهِمۡ رَسُولٗا مِّنۡهُمۡ أَنِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ

Na sinugu nami kanilan i sinugu ebpun bun kanilan (ya nin pedtalun): paka-isa nu su Allah a simban ka dala kadenan nu a salakaw sa lekanin, na ngintu di nu ikagilek?

ആയത്ത്: 33

وَقَالَ ٱلۡمَلَأُ مِن قَوۡمِهِ ٱلَّذِينَ كَفَرُواْ وَكَذَّبُواْ بِلِقَآءِ ٱلۡأٓخِرَةِ وَأَتۡرَفۡنَٰهُمۡ فِي ٱلۡحَيَوٰةِ ٱلدُّنۡيَا مَا هَٰذَآ إِلَّا بَشَرٞ مِّثۡلُكُمۡ يَأۡكُلُ مِمَّا تَأۡكُلُونَ مِنۡهُ وَيَشۡرَبُ مِمَّا تَشۡرَبُونَ

Endu pidtalu nu manga kasaligan kanu kawmin a kafir endu napandalbut sa kabaratemu sa Allah sa gay a mawli endu inenggan nami sa limu sya sa dunya: dala bun inan ka manusya a pagidsan tanu nu, ya nilan bun pegken na pegken tanu endu ya nilan bun baginumen na su baginumen tanu.

ആയത്ത്: 34

وَلَئِنۡ أَطَعۡتُم بَشَرٗا مِّثۡلَكُمۡ إِنَّكُمۡ إِذٗا لَّخَٰسِرُونَ

Amayka paginugutan nu i manusya a pagidsan nu bun na sekanu den i manga taw a nangalugi.

ആയത്ത്: 35

أَيَعِدُكُمۡ أَنَّكُمۡ إِذَا مِتُّمۡ وَكُنتُمۡ تُرَابٗا وَعِظَٰمًا أَنَّكُم مُّخۡرَجُونَ

Inibpasad in sa lekanu i amayka minatay kanu den endu libubuk kanu den endu nangalupet den su tulan nu na makambuwat pamun?

ആയത്ത്: 36

۞ هَيۡهَاتَ هَيۡهَاتَ لِمَا تُوعَدُونَ

Mawatan-mawatan a manggula i langun a pedtalunin i namba a mama.

ആയത്ത്: 37

إِنۡ هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا نَحۡنُ بِمَبۡعُوثِينَ

Da galebek ka baguyag tanu bu sya sa dunya, matay tanu endu embibyag tanu, endu da den kambuwat tanu ebpaluman (dala den siksa, atawa gay a mawli).

ആയത്ത്: 38

إِنۡ هُوَ إِلَّا رَجُلٌ ٱفۡتَرَىٰ عَلَى ٱللَّهِ كَذِبٗا وَمَا نَحۡنُ لَهُۥ بِمُؤۡمِنِينَ

Namba sekanin na mama a pedtebuwanin su Allah sa kalebut, endu da sa lekitanu i kapangimbenal sa lekanin.

ആയത്ത്: 39

قَالَ رَبِّ ٱنصُرۡنِي بِمَا كَذَّبُونِ

Ya nin nadtalu; Kadenan ku tabangi aku kagina pinandalbut aku nilan.

ആയത്ത്: 40

قَالَ عَمَّا قَلِيلٖ لَّيُصۡبِحُنَّ نَٰدِمِينَ

Tig nu Allah: paydu bu a timpu i nasama kanilan ka makadsendit silan langun.

ആയത്ത്: 41

فَأَخَذَتۡهُمُ ٱلصَّيۡحَةُ بِٱلۡحَقِّ فَجَعَلۡنَٰهُمۡ غُثَآءٗۚ فَبُعۡدٗا لِّلۡقَوۡمِ ٱلظَّٰلِمِينَ

Na sinayab silan na kilat, minatay silan, na binaluy nami silan sa mana utan a nagangu sa mawatan den kanu limu nu Allah su manga taw a salimbuten.

ആയത്ത്: 42

ثُمَّ أَنشَأۡنَا مِنۢ بَعۡدِهِمۡ قُرُونًا ءَاخَرِينَ

Mawli na pinambuwat nami sa ulyan nilan i manga taw a nakasukeli.

ആയത്ത്: 43

مَا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ

Di makawna kanu taw su ajal nin, endu di bun makadtatangguli.

ആയത്ത്: 44

ثُمَّ أَرۡسَلۡنَا رُسُلَنَا تَتۡرَاۖ كُلَّ مَا جَآءَ أُمَّةٗ رَّسُولُهَا كَذَّبُوهُۖ فَأَتۡبَعۡنَا بَعۡضَهُم بَعۡضٗا وَجَعَلۡنَٰهُمۡ أَحَادِيثَۚ فَبُعۡدٗا لِّقَوۡمٖ لَّا يُؤۡمِنُونَ

Mawli na sinugu nami su manga sinugu sa namakadtutundug, uman makawma kanu manga taw su sinugu na pandalbuten nu nawman nilan, endu midtutundug bun i kinabinasa kanilan, binaluy nami silan a bityala a mawag (tarsilan), mawatan su lima kanu manga taw a di bangimbenal.

ആയത്ത്: 45

ثُمَّ أَرۡسَلۡنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلۡطَٰنٖ مُّبِينٍ

Mawli na sinugu nami si Musa endu su suledin a si Harun kanu manga ayatan nami endu tindeg a mapayag.

ആയത്ത്: 46

إِلَىٰ فِرۡعَوۡنَ وَمَلَإِيْهِۦ فَٱسۡتَكۡبَرُواْ وَكَانُواْ قَوۡمًا عَالِينَ

Lu kani Fir’awn endu su kadakelin, na mimamasla silan, na silan i manga taw a mibpapulu.

ആയത്ത്: 47

فَقَالُوٓاْ أَنُؤۡمِنُ لِبَشَرَيۡنِ مِثۡلِنَا وَقَوۡمُهُمَا لَنَا عَٰبِدُونَ

Ya nilan pidtalu na di tanu mangimbenal sa pagidsan tanu bun, su taw nilan na namba su bangulipenen tanu.

ആയത്ത്: 48

فَكَذَّبُوهُمَا فَكَانُواْ مِنَ ٱلۡمُهۡلَكِينَ

Pinandalbut nilan, na nabinasa silan.

ആയത്ത്: 49

وَلَقَدۡ ءَاتَيۡنَا مُوسَى ٱلۡكِتَٰبَ لَعَلَّهُمۡ يَهۡتَدُونَ

Saben-sabenal a inenggay nami kani Musa su kitab, ka basi matutulu silan.

ആയത്ത്: 50

وَجَعَلۡنَا ٱبۡنَ مَرۡيَمَ وَأُمَّهُۥٓ ءَايَةٗ وَءَاوَيۡنَٰهُمَآ إِلَىٰ رَبۡوَةٖ ذَاتِ قَرَارٖ وَمَعِينٖ

Endu binaluy nami su wata a mama ni Maryam (Eisa) endu si ina nin a tanda, endu tinuganul nami silan lu kanu mapulu a lupa sa aden buwalin.

ആയത്ത്: 51

يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٞ

Sekanu a manga sinugu kan kanu kanu mapiya, endu enggalebek kanu sa mapiya, ka benal a katawan ku i galebek nu.

ആയത്ത്: 52

وَإِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱتَّقُونِ

Endu nya ba i agama nu na satiman bu, na saki bu i Kadenan nu, na ikagilek aku nu.

ആയത്ത്: 53

فَتَقَطَّعُوٓاْ أَمۡرَهُم بَيۡنَهُمۡ زُبُرٗاۖ كُلُّ حِزۡبِۭ بِمَا لَدَيۡهِمۡ فَرِحُونَ

Na nakabpipitas silan sa madakel i lumpukan nilan, umani-isa kanu pegkamalanin na entuba i kalilinyanin.

ആയത്ത്: 54

فَذَرۡهُمۡ فِي غَمۡرَتِهِمۡ حَتَّىٰ حِينٍ

Pasagadi ka silan kanu kapendusa nilan, ka makawma bun kanilan su kapatay.

ആയത്ത്: 55

أَيَحۡسَبُونَ أَنَّمَا نُمِدُّهُم بِهِۦ مِن مَّالٖ وَبَنِينَ

(Ngintu) bagantapen nilan i kabagenggay nami kanilan sa tamuk endu wata?

ആയത്ത്: 56

نُسَارِعُ لَهُمۡ فِي ٱلۡخَيۡرَٰتِۚ بَل لَّا يَشۡعُرُونَ

Na bamagayasan nami silan sa mapaya, na di nilan egkagedam (na kanarakan nilan).

ആയത്ത്: 57

إِنَّ ٱلَّذِينَ هُم مِّنۡ خَشۡيَةِ رَبِّهِم مُّشۡفِقُونَ

Benal a ya mapiya a taw na su di gapinda kanu ginawa nin i gilekin sa Allah.

ആയത്ത്: 58

وَٱلَّذِينَ هُم بِـَٔايَٰتِ رَبِّهِمۡ يُؤۡمِنُونَ

Endu silan a nangimbenal kanu manga ayatan u kadenan nilan.

ആയത്ത്: 59

وَٱلَّذِينَ هُم بِرَبِّهِمۡ لَا يُشۡرِكُونَ

Endu di silan pedsakutu sa kadenan nilan.

ആയത്ത്: 60

وَٱلَّذِينَ يُؤۡتُونَ مَآ ءَاتَواْ وَّقُلُوبُهُمۡ وَجِلَةٌ أَنَّهُمۡ إِلَىٰ رَبِّهِمۡ رَٰجِعُونَ

Endu inggay nilan pamun su inenggay kanilan a tamuk atawa sadaqah, endu atay nilan na magilek, endu lu silan pembalingan sa Allah.

ആയത്ത്: 61

أُوْلَٰٓئِكَ يُسَٰرِعُونَ فِي ٱلۡخَيۡرَٰتِ وَهُمۡ لَهَا سَٰبِقُونَ

Entuba i bamagayas sa mapiya endu silan i nawna (enggula) sa mapiya.

ആയത്ത്: 62

وَلَا نُكَلِّفُ نَفۡسًا إِلَّا وُسۡعَهَاۚ وَلَدَيۡنَا كِتَٰبٞ يَنطِقُ بِٱلۡحَقِّ وَهُمۡ لَا يُظۡلَمُونَ

Endu da inibpaliyugat nami ya tabiya na su magaga nu, endu sya sa lekami su kitab a pedtalu sa bantang, endu di silan madsalimbut.

ആയത്ത്: 63

بَلۡ قُلُوبُهُمۡ فِي غَمۡرَةٖ مِّنۡ هَٰذَا وَلَهُمۡ أَعۡمَٰلٞ مِّن دُونِ ذَٰلِكَ هُمۡ لَهَا عَٰمِلُونَ

Ugayda atay nilan na tading sya sa nya ba (Qur’ an) endu aden pan manga galebek ilan a kaped a penggalebeken nilan a kasiksan.

ആയത്ത്: 64

حَتَّىٰٓ إِذَآ أَخَذۡنَا مُتۡرَفِيهِم بِٱلۡعَذَابِ إِذَا هُمۡ يَجۡـَٔرُونَ

Taman sa bininasa nami su gangaunutan nilan (lu sa Bad'r) umani-isa kanilan na mimbukasu.

ആയത്ത്: 65

لَا تَجۡـَٔرُواْ ٱلۡيَوۡمَۖ إِنَّكُم مِّنَّا لَا تُنصَرُونَ

Da kanu pembukasu kanu nya a gay, ka sekanu na di kanu katabangan.

ആയത്ത്: 66

قَدۡ كَانَتۡ ءَايَٰتِي تُتۡلَىٰ عَلَيۡكُمۡ فَكُنتُمۡ عَلَىٰٓ أَعۡقَٰبِكُمۡ تَنكِصُونَ

Ka saben-sabenal a pembatyan sa lekanu su manga ayatan ku na sekanu na semunud kanu a semalilit kanu.

ആയത്ത്: 67

مُسۡتَكۡبِرِينَ بِهِۦ سَٰمِرٗا تَهۡجُرُونَ

Pemamasla kanu, namagumpung (sa mawag) kanu magabi sa tagaken nilan (su Qur’an).

ആയത്ത്: 68

أَفَلَمۡ يَدَّبَّرُواْ ٱلۡقَوۡلَ أَمۡ جَآءَهُم مَّا لَمۡ يَأۡتِ ءَابَآءَهُمُ ٱلۡأَوَّلِينَ

Ngintu ka di nilan pangangasipen (Qur’an) aden nakawma kanilan a dala makawma kanu kalukesan nilan a nangawna?

ആയത്ത്: 69

أَمۡ لَمۡ يَعۡرِفُواْ رَسُولَهُمۡ فَهُمۡ لَهُۥ مُنكِرُونَ

Atawa da nilan katawi su sinugu (Muhammad) ka bagungkiren nilan?

ആയത്ത്: 70

أَمۡ يَقُولُونَ بِهِۦ جِنَّةُۢۚ بَلۡ جَآءَهُم بِٱلۡحَقِّ وَأَكۡثَرُهُمۡ لِلۡحَقِّ كَٰرِهُونَ

Atawa ya nilan pedtalun na buneg? Kena! ka nakawma kanilan su bantang (ugayda) ya madakel kanilan i mabensi sa bantang.

ആയത്ത്: 71

وَلَوِ ٱتَّبَعَ ٱلۡحَقُّ أَهۡوَآءَهُمۡ لَفَسَدَتِ ٱلسَّمَٰوَٰتُ وَٱلۡأَرۡضُ وَمَن فِيهِنَّۚ بَلۡ أَتَيۡنَٰهُم بِذِكۡرِهِمۡ فَهُمۡ عَن ذِكۡرِهِم مُّعۡرِضُونَ

Amayka su bantang ka edtatanggunut kanu kiyug u ginawa nilan na mabinasa su manga langit endu su lupa endu su pageletan nilan, tembu inenggay nami kanilan su Qur’an, (ugayd) na tinaligkudan nilan.

ആയത്ത്: 72

أَمۡ تَسۡـَٔلُهُمۡ خَرۡجٗا فَخَرَاجُ رَبِّكَ خَيۡرٞۖ وَهُوَ خَيۡرُ ٱلرَّٰزِقِينَ

Di kena ka pegkuwa kanilan sa buwis, ka su buwis nu kadenan nengka na ya pan labi i kapiya nin, endu sekanin i mapiya a pe-rizki.

ആയത്ത്: 73

وَإِنَّكَ لَتَدۡعُوهُمۡ إِلَىٰ صِرَٰطٖ مُّسۡتَقِيمٖ

Endu seka (Muhammad) na bagenggaten nengka silan lu sa matidu a lalan.

ആയത്ത്: 74

وَإِنَّ ٱلَّذِينَ لَا يُؤۡمِنُونَ بِٱلۡأٓخِرَةِ عَنِ ٱلصِّرَٰطِ لَنَٰكِبُونَ

Endu benal su manga taw a di bangimbenal sa gay a mawli, na sinemibay sa kanu lalan a matidtu. (agama Islam)

ആയത്ത്: 75

۞ وَلَوۡ رَحِمۡنَٰهُمۡ وَكَشَفۡنَا مَا بِهِم مِّن ضُرّٖ لَّلَجُّواْ فِي طُغۡيَٰنِهِمۡ يَعۡمَهُونَ

Amayka inikalimu nami silan endu iyawa nami su pakagkayd kanilan na mananalusan silan sa kadupangan nilan.

ആയത്ത്: 76

وَلَقَدۡ أَخَذۡنَٰهُم بِٱلۡعَذَابِ فَمَا ٱسۡتَكَانُواْ لِرَبِّهِمۡ وَمَا يَتَضَرَّعُونَ

Endu saben-sabenal a bininasa nami silan sa siksa, na dabun silan embaba kanu kadenan nilan, endu dala silan pangumpaya sa Allah.

ആയത്ത്: 77

حَتَّىٰٓ إِذَا فَتَحۡنَا عَلَيۡهِم بَابٗا ذَا عَذَابٖ شَدِيدٍ إِذَا هُمۡ فِيهِ مُبۡلِسُونَ

Taman sa amayka bukatan nami su bengawan nu naraka nilan a sangati kapasangin, na natebped kanilan su inam sa mapiya.

ആയത്ത്: 78

وَهُوَ ٱلَّذِيٓ أَنشَأَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ

Sekanin a Allah i minumbal sa lekanu sa kakineg endu kailay endu atay, na paydu gayd i kadsukur nu (sa Allah).

ആയത്ത്: 79

وَهُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ

Endu sekanin (Allah) i minaluy sa lekanu sya sa lupa, endu lu kanu bun tanan mabulig sa lekanin.

ആയത്ത്: 80

وَهُوَ ٱلَّذِي يُحۡيِۦ وَيُمِيتُ وَلَهُ ٱخۡتِلَٰفُ ٱلَّيۡلِ وَٱلنَّهَارِۚ أَفَلَا تَعۡقِلُونَ

Endu sekanin (Allah) i bangimatay endu banguyag, endu lekanin su kambidayan nu magabi endu malamag, na ngintu ka di kanu bagungangen?

ആയത്ത്: 81

بَلۡ قَالُواْ مِثۡلَ مَا قَالَ ٱلۡأَوَّلُونَ

Kena! ka ya nilan kadtalu na mana bun su nadtalu nu nangawna.

ആയത്ത്: 82

قَالُوٓاْ أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Tig nilan: u matay tanu na nabaluy tanu a libubuk a nangalupet su manga tulan tanu na (ngintu) makambuwat tanu pon?

ആയത്ത്: 83

لَقَدۡ وُعِدۡنَا نَحۡنُ وَءَابَآؤُنَا هَٰذَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ

Saben-sabenal a inibpasad sa lekami endu su kalukesan nami i namba sa dapan makawma (si Muhammad) na (da) inan ya tabiya na kalbutan a nangawna a manga taw.

ആയത്ത്: 84

قُل لِّمَنِ ٱلۡأَرۡضُ وَمَن فِيهَآ إِن كُنتُمۡ تَعۡلَمُونَ

Edtalu ka kanilan (Muhammad): entayn i kigkuwan sa lupa endu su dalemin amayka katawan nu?

ആയത്ത്: 85

سَيَقُولُونَ لِلَّهِۚ قُلۡ أَفَلَا تَذَكَّرُونَ

Ya nilan edtalun na: kanu Allah, na edtalu ka kanilan i ngintu ka di kanu ma-indaw?

ആയത്ത്: 86

قُلۡ مَن رَّبُّ ٱلسَّمَٰوَٰتِ ٱلسَّبۡعِ وَرَبُّ ٱلۡعَرۡشِ ٱلۡعَظِيمِ

Edtalu ka kanilan u entayn i kadenan nu manga langit a pitu lapis endu entayn i Kadenan nu Arsh a masla?

ആയത്ത്: 87

سَيَقُولُونَ لِلَّهِۚ قُلۡ أَفَلَا تَتَّقُونَ

Ya nilan edtalun na: kanu Allah, na edtalu ka kanilan i: ngintu ka di silan kagilekan?

ആയത്ത്: 88

قُلۡ مَنۢ بِيَدِهِۦ مَلَكُوتُ كُلِّ شَيۡءٖ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ

Edtalu ka kanilan: entayn i pakamilik kanu masulen u enggaga-isa na sekanin i pedtuldu? Di kena ba sekanin i pedtuldu lun amayka katawan nu?

ആയത്ത്: 89

سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ

Ya nilan edtalun na: kanu Allah, edtalu ka kanilan: ngintu ka pedsibay kanu?

ആയത്ത്: 90

بَلۡ أَتَيۡنَٰهُم بِٱلۡحَقِّ وَإِنَّهُمۡ لَكَٰذِبُونَ

Kena! Ka initingguma nami kanilan su bantang, endu silan i manga malbut.

ആയത്ത്: 91

مَا ٱتَّخَذَ ٱللَّهُ مِن وَلَدٖ وَمَا كَانَ مَعَهُۥ مِنۡ إِلَٰهٍۚ إِذٗا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعۡضُهُمۡ عَلَىٰ بَعۡضٖۚ سُبۡحَٰنَ ٱللَّهِ عَمَّا يَصِفُونَ

Dala wata nu Allah endu dala kapedin a kadenan, u naduwa timan bu i kadenan na umani-isa na tyakapanin i binaluy nin, endu ebpapuluwan a isa i kaped in, mahasuti su Allah kanu pedtalun nu manga mushrik.

ആയത്ത്: 92

عَٰلِمِ ٱلۡغَيۡبِ وَٱلشَّهَٰدَةِ فَتَعَٰلَىٰ عَمَّا يُشۡرِكُونَ

Katawan nu Allah su gayb endu su mapayag, mahasuti su Allah kanu ipedsakutu nilan a manga mushrik.

ആയത്ത്: 93

قُل رَّبِّ إِمَّا تُرِيَنِّي مَا يُوعَدُونَ

Edtalu ka (Muhammad): Kadenan ku u ipailay nengka sa laki su kasiksan nilan.

ആയത്ത്: 94

رَبِّ فَلَا تَجۡعَلۡنِي فِي ٱلۡقَوۡمِ ٱلظَّٰلِمِينَ

Kadenan ku di aku lumagit kanu manga salimbuten.

ആയത്ത്: 95

وَإِنَّا عَلَىٰٓ أَن نُّرِيَكَ مَا نَعِدُهُمۡ لَقَٰدِرُونَ

Endu benal a sekami na magaga nami mapailay sa leka i siksa nilan.

ആയത്ത്: 96

ٱدۡفَعۡ بِٱلَّتِي هِيَ أَحۡسَنُ ٱلسَّيِّئَةَۚ نَحۡنُ أَعۡلَمُ بِمَا يَصِفُونَ

Ya nengka isuli kanu mawag a pakaydan nilan sa leka na mapiya sa taman a magaga nengka, ka katawan nami su langun u kapendalbut ilan.

ആയത്ത്: 97

وَقُل رَّبِّ أَعُوذُ بِكَ مِنۡ هَمَزَٰتِ ٱلشَّيَٰطِينِ

Endu edtalu ka (Muhammad): Kadenan ku lumindung aku sa leka kanu sasat nu Shaytan.

ആയത്ത്: 98

وَأَعُوذُ بِكَ رَبِّ أَن يَحۡضُرُونِ

Endu lumindung aku sa leka kadenan ku kanu dalpa nu Shaytan.

ആയത്ത്: 99

حَتَّىٰٓ إِذَا جَآءَ أَحَدَهُمُ ٱلۡمَوۡتُ قَالَ رَبِّ ٱرۡجِعُونِ

Taman sa amayka nawma na kapatay su isa sa kanilan (manga kafir), na tigilan: pambalingan aku pan kadenan ku.

ആയത്ത്: 100

لَعَلِّيٓ أَعۡمَلُ صَٰلِحٗا فِيمَا تَرَكۡتُۚ كَلَّآۚ إِنَّهَا كَلِمَةٌ هُوَ قَآئِلُهَاۖ وَمِن وَرَآئِهِم بَرۡزَخٌ إِلَىٰ يَوۡمِ يُبۡعَثُونَ

Ka basi manggalebek ku i mapiya a dinadag ku, dala kambalinganin, namba a kadtalu na da kataganin kanu midtalu, endu aden dalinding sa di nilan kambalingan sa dunya (namba su barzakh) taman sa kambuwat ilan sa kubur (kagkukum).

ആയത്ത്: 101

فَإِذَا نُفِخَ فِي ٱلصُّورِ فَلَآ أَنسَابَ بَيۡنَهُمۡ يَوۡمَئِذٖ وَلَا يَتَسَآءَلُونَ

Na amayka yupen su sanggakala na dala den su kapamagandagay sa bangsa, endu di silan makapamidsaya.

ആയത്ത്: 102

فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ

Su taw a ya mawgat sa timbangan su mapiya nin na silan a manga taw i namakauntung.

ആയത്ത്: 103

وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ فِي جَهَنَّمَ خَٰلِدُونَ

Su taw a ya mawgat sa timbangan su marat na entuba i manga taw a linugi nilan i ginawa nilan, a di silan makaliyu sa naraka.

ആയത്ത്: 104

تَلۡفَحُ وُجُوهَهُمُ ٱلنَّارُ وَهُمۡ فِيهَا كَٰلِحُونَ

Ka galupang nu apuy i manga biyas nilan, endu silan i mawag a benal i mabpalas nilan.

ആയത്ത്: 105

أَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَكُنتُم بِهَا تُكَذِّبُونَ

Di kena ba pembatyan bun sa lekanu su manga ayatan ku na sekanu na papendalbuten nu su manga ayatan ku?

ആയത്ത്: 106

قَالُواْ رَبَّنَا غَلَبَتۡ عَلَيۡنَا شِقۡوَتُنَا وَكُنَّا قَوۡمٗا ضَآلِّينَ

Ya nilan madtalu na: kadenan nami tinalaw kami nu makabinasa sa lekami, na sekami i manga taw a nangatading.

ആയത്ത്: 107

رَبَّنَآ أَخۡرِجۡنَا مِنۡهَا فَإِنۡ عُدۡنَا فَإِنَّا ظَٰلِمُونَ

Kadenan nami paliyu kami sa naraka, ka amayka ebpaluman kami na sekami i manga dupang.

ആയത്ത്: 108

قَالَ ٱخۡسَـُٔواْ فِيهَا وَلَا تُكَلِّمُونِ

Tig nu Allah: san kanu den ba egkaleben, da kanu mangeni-magingalap.

ആയത്ത്: 109

إِنَّهُۥ كَانَ فَرِيقٞ مِّنۡ عِبَادِي يَقُولُونَ رَبَّنَآ ءَامَنَّا فَٱغۡفِرۡ لَنَا وَٱرۡحَمۡنَا وَأَنتَ خَيۡرُ ٱلرَّٰحِمِينَ

Su kaped kanu manga ulipen ku na yanilan edtalun na: kadenan nami nangimbenal kami na ampun ka sa lekami (su dusa) endu ikalimu kami nengka endu seka i labi a mapiya a malimu.

ആയത്ത്: 110

فَٱتَّخَذۡتُمُوهُمۡ سِخۡرِيًّا حَتَّىٰٓ أَنسَوۡكُمۡ ذِكۡرِي وَكُنتُم مِّنۡهُمۡ تَضۡحَكُونَ

Ya nu pinakaidan kanilan na bagungaten nu, taman sa tinagak nu su Qur’an endu pedtatawan nu silan.

ആയത്ത്: 111

إِنِّي جَزَيۡتُهُمُ ٱلۡيَوۡمَ بِمَا صَبَرُوٓاْ أَنَّهُمۡ هُمُ ٱلۡفَآئِزُونَ

Benal a saki na saguna na binalasan ku silan kanu kinadsabar nilan, ka silan i manga taw a namaka-untung a nambadtug sa mapiya.

ആയത്ത്: 112

قَٰلَ كَمۡ لَبِثۡتُمۡ فِي ٱلۡأَرۡضِ عَدَدَ سِنِينَ

(Tig nu Allah): ngin i kinawget u sa lupa kanu tilenduwan na lagun?

ആയത്ത്: 113

قَالُواْ لَبِثۡنَا يَوۡمًا أَوۡ بَعۡضَ يَوۡمٖ فَسۡـَٔلِ ٱلۡعَآدِّينَ

Tig nilan: nakasampay kami bu sa dunya sa sagay bu atawa seged bu sa gay, idsanu kanu pedtuldu sa manga galebek (malaikat).

ആയത്ത്: 114

قَٰلَ إِن لَّبِثۡتُمۡ إِلَّا قَلِيلٗاۖ لَّوۡ أَنَّكُمۡ كُنتُمۡ تَعۡلَمُونَ

(Tig nu Allah): da kanu matangen sa dunya ya tabiya na paidu bu gayd umana bu ka katawanu (ya mawget i ka naraka).

ആയത്ത്: 115

أَفَحَسِبۡتُمۡ أَنَّمَا خَلَقۡنَٰكُمۡ عَبَثٗا وَأَنَّكُمۡ إِلَيۡنَا لَا تُرۡجَعُونَ

Ya nu ga-antap na kinabaluy sa lekanu na dala hikmah (sabapin), endu di kanu makambalingan sa lekami?

ആയത്ത്: 116

فَتَعَٰلَى ٱللَّهُ ٱلۡمَلِكُ ٱلۡحَقُّۖ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡكَرِيمِ

Mahasuti su Allah a dait a bantang, da Kadenan a pedsimban a wagib ya tabiya na sekanin a Kadenan nu Ar'sh a masla.

ആയത്ത്: 117

وَمَن يَدۡعُ مَعَ ٱللَّهِ إِلَٰهًا ءَاخَرَ لَا بُرۡهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓۚ إِنَّهُۥ لَا يُفۡلِحُ ٱلۡكَٰفِرُونَ

Endu su taw a semimba pamun sa salakaw sa Allah a dala tindegin, na benal su balasin na lubun kanu kadenanin, endu benal su manga kafir na da silan makauntung.

ആയത്ത്: 118

وَقُل رَّبِّ ٱغۡفِرۡ وَٱرۡحَمۡ وَأَنتَ خَيۡرُ ٱلرَّٰحِمِينَ

Endu edtalu ka (Muhammad): Kadenan ku ampun ka, ka malimu ka, seka i mapiya a malimu.