പരിഭാഷ അദ്ധ്യായം ഫുർഖാൻ - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ - വിശുദ്ധ ഖുർആൻ വിജ്ഞാനകോശം

Al-Furqan

ആയത്ത്: 1

تَبَارَكَ ٱلَّذِي نَزَّلَ ٱلۡفُرۡقَانَ عَلَىٰ عَبۡدِهِۦ لِيَكُونَ لِلۡعَٰلَمِينَ نَذِيرًا

Mahasuti su Allah a pinatulun nin su Qur’an kanu ulipen nin (Muhammad) ka endu nin makapangenggat kanu manga inaden sya sa dunya.

ആയത്ത്: 2

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِ وَلَمۡ يَتَّخِذۡ وَلَدٗا وَلَمۡ يَكُن لَّهُۥ شَرِيكٞ فِي ٱلۡمُلۡكِ وَخَلَقَ كُلَّ شَيۡءٖ فَقَدَّرَهُۥ تَقۡدِيرٗا

Lekanin su pitu ka lapis a langit endu su lupa endu dala wata nin, endu dala kaped nin kanu kadatu nin endu binaluy nin su langun na enggaga-isa sa inukul nin tanan.

ആയത്ത്: 3

وَٱتَّخَذُواْ مِن دُونِهِۦٓ ءَالِهَةٗ لَّا يَخۡلُقُونَ شَيۡـٔٗا وَهُمۡ يُخۡلَقُونَ وَلَا يَمۡلِكُونَ لِأَنفُسِهِمۡ ضَرّٗا وَلَا نَفۡعٗا وَلَا يَمۡلِكُونَ مَوۡتٗا وَلَا حَيَوٰةٗ وَلَا نُشُورٗا

Silan a minumbal sa kadenan a salakaw sa Allah na dala gabaluy nin (su barahala) apiya paydu a silan pan i bagumabalen na dala magaga nilan sa ginawa nilan a makagkayd endu dala magaga nilan a ka-imatay endu kawyag endu dala magaga nilan a kapambuwat sa taw.

ആയത്ത്: 4

وَقَالَ ٱلَّذِينَ كَفَرُوٓاْ إِنۡ هَٰذَآ إِلَّآ إِفۡكٌ ٱفۡتَرَىٰهُ وَأَعَانَهُۥ عَلَيۡهِ قَوۡمٌ ءَاخَرُونَۖ فَقَدۡ جَآءُو ظُلۡمٗا وَزُورٗا

Endu pidtalu nu manga kafir dala inan (Qur’an) ya tabiya na kalbutan bu ni (Muhammad) inidtebu nin endu tinabangan sekanin a ped a taw, saben- sabenal a silan i migkafir a mindalbut.

ആയത്ത്: 5

وَقَالُوٓاْ أَسَٰطِيرُ ٱلۡأَوَّلِينَ ٱكۡتَتَبَهَا فَهِيَ تُمۡلَىٰ عَلَيۡهِ بُكۡرَةٗ وَأَصِيلٗا

Endu pidtalu nilan inamba (Qur’an) na kalbutan nu nangawna a inisulat nin na pambatyan sa lekanin sa mapita-malulem.

ആയത്ത്: 6

قُلۡ أَنزَلَهُ ٱلَّذِي يَعۡلَمُ ٱلسِّرَّ فِي ٱلسَّمَٰوَٰتِ وَٱلۡأَرۡضِۚ إِنَّهُۥ كَانَ غَفُورٗا رَّحِيمٗا

Edtalu ka (Muhammad) sa kanilan: su (Qur’an) na pinatulu nu Allah a katawanin i masulen kanu manga langit endu su lupa, su Allah na mangampun a malimu.

ആയത്ത്: 7

وَقَالُواْ مَالِ هَٰذَا ٱلرَّسُولِ يَأۡكُلُ ٱلطَّعَامَ وَيَمۡشِي فِي ٱلۡأَسۡوَاقِ لَوۡلَآ أُنزِلَ إِلَيۡهِ مَلَكٞ فَيَكُونَ مَعَهُۥ نَذِيرًا

Endu pidtalu nilan i: ngin i man a sinugu ka yanin pegken na su pad bun a pegken tanu endu balalakaw sya sa padyan? U namba ka initulun sa lekanin i malaikat a mabaluy a makatabang sa lekanin.

ആയത്ത്: 8

أَوۡ يُلۡقَىٰٓ إِلَيۡهِ كَنزٌ أَوۡ تَكُونُ لَهُۥ جَنَّةٞ يَأۡكُلُ مِنۡهَاۚ وَقَالَ ٱلظَّٰلِمُونَ إِن تَتَّبِعُونَ إِلَّا رَجُلٗا مَّسۡحُورًا

Ataw ka namba ka inenggan sa ginadung (kakawasan) ataw ka pamulan sa lu ba kumwa sa kanen nin, endu pidtalu nu manga kafir kanu manga bamaginugut i dala inan a mama (Muhammad) a bagunutan nu anan ya tabya na nasugat na sih’r.

ആയത്ത്: 9

ٱنظُرۡ كَيۡفَ ضَرَبُواْ لَكَ ٱلۡأَمۡثَٰلَ فَضَلُّواْ فَلَا يَسۡتَطِيعُونَ سَبِيلٗا

Ilay ka (Muhammad) su upaman nilan sa leka ka natading silan, na di nilan magaga i makatuntul silan sa agama.

ആയത്ത്: 10

تَبَارَكَ ٱلَّذِيٓ إِن شَآءَ جَعَلَ لَكَ خَيۡرٗا مِّن ذَٰلِكَ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ وَيَجۡعَل لَّكَ قُصُورَۢا

Mahasuti su Allah u yanin kyug i baluyan kanin sa muna pan i kapya nin a surga a belagilay sa kababan i manga ig ataw ka baluyan kanin sa maligay na magaga nin.

ആയത്ത്: 11

بَلۡ كَذَّبُواْ بِٱلسَّاعَةِۖ وَأَعۡتَدۡنَا لِمَن كَذَّبَ بِٱلسَّاعَةِ سَعِيرًا

Ugayd na pinandalbut nilan su gay a mawli, endu pinagadilan ami kanu di bangimbenal sa gay a mawli i naraka a pagkaleg.

ആയത്ത്: 12

إِذَا رَأَتۡهُم مِّن مَّكَانِۭ بَعِيدٖ سَمِعُواْ لَهَا تَغَيُّظٗا وَزَفِيرٗا

Amayka mailay nilan sa mawatan pan na makineg nilan i bula-bula nin a lipunget i gabales nin endu swara a mapasang.

ആയത്ത്: 13

وَإِذَآ أُلۡقُواْ مِنۡهَا مَكَانٗا ضَيِّقٗا مُّقَرَّنِينَ دَعَوۡاْ هُنَالِكَ ثُبُورٗا

Amayka iyulug den silan kanu bengawan nin a masimpit sa pinawik su lima nilan kanu tengu nilan, mananawag sa nabinasa tanu.

ആയത്ത്: 14

لَّا تَدۡعُواْ ٱلۡيَوۡمَ ثُبُورٗا وَٰحِدٗا وَٱدۡعُواْ ثُبُورٗا كَثِيرٗا

Edtalun nu Allah: da kanu banawag sa nabinasa kanu sa maka-isa bu, ugayd na ya nu edtalu na nabina-binasa kami den.

ആയത്ത്: 15

قُلۡ أَذَٰلِكَ خَيۡرٌ أَمۡ جَنَّةُ ٱلۡخُلۡدِ ٱلَّتِي وُعِدَ ٱلۡمُتَّقُونَۚ كَانَتۡ لَهُمۡ جَزَآءٗ وَمَصِيرٗا

Edtalu ka (Muhammad) ka nilan: ngintu entuba i mapya (na siksa antu) ataw ka su surga a tatap? Entuba i inibpasad kanu magilek sa Allah na su surga i kanilan a balas endu kawliyan.

ആയത്ത്: 16

لَّهُمۡ فِيهَا مَا يَشَآءُونَ خَٰلِدِينَۚ كَانَ عَلَىٰ رَبِّكَ وَعۡدٗا مَّسۡـُٔولٗا

Kanilan kanu surga endaw a kalilinyan nilan, sa da kaliyu nilan, na aden kanu kadenan nengka i pasad a mapanuntul.

ആയത്ത്: 17

وَيَوۡمَ يَحۡشُرُهُمۡ وَمَا يَعۡبُدُونَ مِن دُونِ ٱللَّهِ فَيَقُولُ ءَأَنتُمۡ أَضۡلَلۡتُمۡ عِبَادِي هَٰٓؤُلَآءِ أَمۡ هُمۡ ضَلُّواْ ٱلسَّبِيلَ

Endu su gay a buligen silan nu Allah endu su pedsimban nilan a salakaw sa Allah (barahala) nadtalu nu Allah sa kanilan i: ngintu sekanu i tinumading kanu manga ulipen ku a namba ataw ka silan bun i midtadingan sa lalan (Islam).

ആയത്ത്: 18

قَالُواْ سُبۡحَٰنَكَ مَا كَانَ يَنۢبَغِي لَنَآ أَن نَّتَّخِذَ مِن دُونِكَ مِنۡ أَوۡلِيَآءَ وَلَٰكِن مَّتَّعۡتَهُمۡ وَءَابَآءَهُمۡ حَتَّىٰ نَسُواْ ٱلذِّكۡرَ وَكَانُواْ قَوۡمَۢا بُورٗا

Ya nilan edtalun: mahasuti ka, ka di dayt sa lekami i mumbal kami sa salakaw sa leka a manga kadenan, ugayd na inikalimu nengka silan sa mapya a katamanan nilan endu su manga lukes nilan, taman sa nalimpangan nilan su Qur’an na silan i manga taw a nangabinasa.

ആയത്ത്: 19

فَقَدۡ كَذَّبُوكُم بِمَا تَقُولُونَ فَمَا تَسۡتَطِيعُونَ صَرۡفٗا وَلَا نَصۡرٗاۚ وَمَن يَظۡلِم مِّنكُمۡ نُذِقۡهُ عَذَابٗا كَبِيرٗا

Na pinandalbut kanu pedsimban nu (barahala) kanu pedtalun nu, na dala magaga nu a katulak nu sa siksa endu makasapal sa ka-naraka nu, entayn sa lekanu igkafir na pananamen nami sa siksa a masla.

ആയത്ത്: 20

وَمَآ أَرۡسَلۡنَا قَبۡلَكَ مِنَ ٱلۡمُرۡسَلِينَ إِلَّآ إِنَّهُمۡ لَيَأۡكُلُونَ ٱلطَّعَامَ وَيَمۡشُونَ فِي ٱلۡأَسۡوَاقِۗ وَجَعَلۡنَا بَعۡضَكُمۡ لِبَعۡضٖ فِتۡنَةً أَتَصۡبِرُونَۗ وَكَانَ رَبُّكَ بَصِيرٗا

Endu dala sinugu nami a nawna sa leka (Muhammad) a manga sinugu ya tabya na pegkan bun silan endu belalakaw bun sa padiyan endu binaluy nami su sabad sa lekanu sa mafitnah nin su kaped nin, ngintu makadsabar kanu? Endu su kadenan nengka na pedtulik.

ആയത്ത്: 21

۞ وَقَالَ ٱلَّذِينَ لَا يَرۡجُونَ لِقَآءَنَا لَوۡلَآ أُنزِلَ عَلَيۡنَا ٱلۡمَلَٰٓئِكَةُ أَوۡ نَرَىٰ رَبَّنَاۗ لَقَدِ ٱسۡتَكۡبَرُواْ فِيٓ أَنفُسِهِمۡ وَعَتَوۡ عُتُوّٗا كَبِيرٗا

Endu pidtalu nu manga taw a di gatagu sa ginawa nilan su ka-adap nin sa lekami: U nya ba ka ya pinatulun sa lekami i malaikat ataw ka ya nami mailay su kadenan nami, na saben-sabenal a mimamasla su ginawa nilan endu mibpapulu silan sa masla a kinabpapulu.

ആയത്ത്: 22

يَوۡمَ يَرَوۡنَ ٱلۡمَلَٰٓئِكَةَ لَا بُشۡرَىٰ يَوۡمَئِذٖ لِّلۡمُجۡرِمِينَ وَيَقُولُونَ حِجۡرٗا مَّحۡجُورٗا

Gay a mailay nilan i malaikat (edtalun nu malaikat) i: da mapya kanu manga kafir endu lumindung silan kanu manga malaikat.

ആയത്ത്: 23

وَقَدِمۡنَآ إِلَىٰ مَا عَمِلُواْ مِنۡ عَمَلٖ فَجَعَلۡنَٰهُ هَبَآءٗ مَّنثُورًا

(Tig nu Allah): ini-una nami su galebek nilan sa dunya, na binaluy nami sa gay a mawli na matag nilan mailay na dala besen (balas nin).

ആയത്ത്: 24

أَصۡحَٰبُ ٱلۡجَنَّةِ يَوۡمَئِذٍ خَيۡرٞ مُّسۡتَقَرّٗا وَأَحۡسَنُ مَقِيلٗا

Su taw sa surga kanu gay a kaludep nilan na mapya gayd a kadtakenan nilan endu mapya gayd i papedsalidepan nilan.

ആയത്ത്: 25

وَيَوۡمَ تَشَقَّقُ ٱلسَّمَآءُ بِٱلۡغَمَٰمِ وَنُزِّلَ ٱلۡمَلَٰٓئِكَةُ تَنزِيلًا

Endu su gay a malundus i uman i langit (na mangawlug) i dadtem a maputi endu tumulun su manga malaaikat magubal den su dunya.

ആയത്ത്: 26

ٱلۡمُلۡكُ يَوۡمَئِذٍ ٱلۡحَقُّ لِلرَّحۡمَٰنِۚ وَكَانَ يَوۡمًا عَلَى ٱلۡكَٰفِرِينَ عَسِيرٗا

Su kadatu sa entuba a gay a bantang na kanu Allah endu entuba a gay na sangat i kapasangin kanu manga kafir.

ആയത്ത്: 27

وَيَوۡمَ يَعَضُّ ٱلظَّالِمُ عَلَىٰ يَدَيۡهِ يَقُولُ يَٰلَيۡتَنِي ٱتَّخَذۡتُ مَعَ ٱلرَّسُولِ سَبِيلٗا

Endu su gay a mabut nu kafir su duwa a lima nin sa ya nin madtalu na kanugunin (ka entuba) ka ya ku den mun napaginugutan na su rasul.

ആയത്ത്: 28

يَٰوَيۡلَتَىٰ لَيۡتَنِي لَمۡ أَتَّخِذۡ فُلَانًا خَلِيلٗا

Duwan-duwan ku den ya ku tumu i da ku mabpakat si kwana.

ആയത്ത്: 29

لَّقَدۡ أَضَلَّنِي عَنِ ٱلذِّكۡرِ بَعۡدَ إِذۡ جَآءَنِيۗ وَكَانَ ٱلشَّيۡطَٰنُ لِلۡإِنسَٰنِ خَذُولٗا

Saben-sabenal a tinadin aku nin kanu Qur’an sa ulyan na kinawma nin sa laki endu su Shaytan na ibalusak nin su manusya.

ആയത്ത്: 30

وَقَالَ ٱلرَّسُولُ يَٰرَبِّ إِنَّ قَوۡمِي ٱتَّخَذُواْ هَٰذَا ٱلۡقُرۡءَانَ مَهۡجُورٗا

Endu ya kadtalu nu sinugu: Kadenan ku su manga taw ku tinagak nilan su Qur’an sa dala pinatagan nilan lun kanu panduwanin.

ആയത്ത്: 31

وَكَذَٰلِكَ جَعَلۡنَا لِكُلِّ نَبِيٍّ عَدُوّٗا مِّنَ ٱلۡمُجۡرِمِينَۗ وَكَفَىٰ بِرَبِّكَ هَادِيٗا وَنَصِيرٗا

Endu mamba i kinabaluy nami kanu uman i nabi na aden satru nin kanu manga baradusa, endu natabwan kanu kadenan nengka i tumutulu endu tumabang.

ആയത്ത്: 32

وَقَالَ ٱلَّذِينَ كَفَرُواْ لَوۡلَا نُزِّلَ عَلَيۡهِ ٱلۡقُرۡءَانُ جُمۡلَةٗ وَٰحِدَةٗۚ كَذَٰلِكَ لِنُثَبِّتَ بِهِۦ فُؤَادَكَۖ وَرَتَّلۡنَٰهُ تَرۡتِيلٗا

Endu pidtalu nu manga kafir: u namba ka naka-isa bu nakatulun sa lekanin su Qur’an, (tig nu Allah): mamba i kadtakena nin kanu atay nengka (Muhammad) na paydu-paydu i kinabatya nami lun sa leka.

ആയത്ത്: 33

وَلَا يَأۡتُونَكَ بِمَثَلٍ إِلَّا جِئۡنَٰكَ بِٱلۡحَقِّ وَأَحۡسَنَ تَفۡسِيرًا

Endu da pambuwaten nilan a manga upaman a di kena lawanan nami sa bantang endu ya pan labi i kapya na kapayag nin.

ആയത്ത്: 34

ٱلَّذِينَ يُحۡشَرُونَ عَلَىٰ وُجُوهِهِمۡ إِلَىٰ جَهَنَّمَ أُوْلَٰٓئِكَ شَرّٞ مَّكَانٗا وَأَضَلُّ سَبِيلٗا

Entuba i manga taw a bagulugen sa patuy lu sa naraka endu silan i mawag i kandalpanin endu tading sa lalan sya sa dunya.

ആയത്ത്: 35

وَلَقَدۡ ءَاتَيۡنَا مُوسَى ٱلۡكِتَٰبَ وَجَعَلۡنَا مَعَهُۥٓ أَخَاهُ هَٰرُونَ وَزِيرٗا

Endu saben-sabenal a inenggay nami kanu Musa su kitab (Taurat) endu binaluy nami su suled nin a si Harun a pedtabang sa lekanin.

ആയത്ത്: 36

فَقُلۡنَا ٱذۡهَبَآ إِلَى ٱلۡقَوۡمِ ٱلَّذِينَ كَذَّبُواْ بِـَٔايَٰتِنَا فَدَمَّرۡنَٰهُمۡ تَدۡمِيرٗا

Na pidtalu nami sa: angay kanu (duwa) sa manga taw a pinandalbut nilan su manga ayatan nami, na bininasa nami silan guna su da silan pangimbenal.

ആയത്ത്: 37

وَقَوۡمَ نُوحٖ لَّمَّا كَذَّبُواْ ٱلرُّسُلَ أَغۡرَقۡنَٰهُمۡ وَجَعَلۡنَٰهُمۡ لِلنَّاسِ ءَايَةٗۖ وَأَعۡتَدۡنَا لِلظَّٰلِمِينَ عَذَابًا أَلِيمٗا

Endu su manga taw nu Nuh guna nilan pan dalbuta su manga sinugu na pina-geled ami silan endu binaluy nami a tanda kanu manga taw endu inipagadila nami kanu manga kafir su siksa a sangat i kasakit nin.

ആയത്ത്: 38

وَعَادٗا وَثَمُودَاْ وَأَصۡحَٰبَ ٱلرَّسِّ وَقُرُونَۢا بَيۡنَ ذَٰلِكَ كَثِيرٗا

(Endu labit ka Muhammad) su taw nu Aad endu su Thamud endu su taw nu Shu’aib endu madakel i manga taw sa pageletan nilan (bininasa ka dala pangimbenal).

ആയത്ത്: 39

وَكُلّٗا ضَرَبۡنَا لَهُ ٱلۡأَمۡثَٰلَۖ وَكُلّٗا تَبَّرۡنَا تَتۡبِيرٗا

Umani-isa na pinambuwatan nami sa upaman, na langun nilan na bininasa nami silan sa ulyan na kinawma na sinugu a da nilan pangimbenala.

ആയത്ത്: 40

وَلَقَدۡ أَتَوۡاْ عَلَى ٱلۡقَرۡيَةِ ٱلَّتِيٓ أُمۡطِرَتۡ مَطَرَ ٱلسَّوۡءِۚ أَفَلَمۡ يَكُونُواْ يَرَوۡنَهَاۚ بَلۡ كَانُواْ لَا يَرۡجُونَ نُشُورٗا

Endu saben-sabenal a nawma nilan su dalpa (ni Lut) a nasugat na ulan a makabinasa (watu endu apuy) na ngintu ka di silan ma-indaw sa kinailay nilan kanu dalpa a nabalikwat? Kagina dala sa kanilan i kabangimbenal sa mawyag pan i taw a minatay den.

ആയത്ത്: 41

وَإِذَا رَأَوۡكَ إِن يَتَّخِذُونَكَ إِلَّا هُزُوًا أَهَٰذَا ٱلَّذِي بَعَثَ ٱللَّهُ رَسُولًا

U nailay sa kanilan (Muhammad) na pagumpaken sa kanilan bu, ya nilan kadtalu na namba besen i pinambuwat nu Allah a sinugu?

ആയത്ത്: 42

إِن كَادَ لَيُضِلُّنَا عَنۡ ءَالِهَتِنَا لَوۡلَآ أَن صَبَرۡنَا عَلَيۡهَاۚ وَسَوۡفَ يَعۡلَمُونَ حِينَ يَرَوۡنَ ٱلۡعَذَابَ مَنۡ أَضَلُّ سَبِيلًا

Pabpagendan nin sa lekitanu su manga kadenan tanu? U di kena bu minanged kanu pamusungan tanu (na kadenan tanu), na di ebplis na katawan nilan kanu kailay nilan sa siksa nilan na natading silan sa lalan.

ആയത്ത്: 43

أَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ أَفَأَنتَ تَكُونُ عَلَيۡهِ وَكِيلًا

Su taw a ya nin sinimba su kyug na ginawa nin, na di nengka (Muhammad) magaga sa matutulu nengka.

ആയത്ത്: 44

أَمۡ تَحۡسَبُ أَنَّ أَكۡثَرَهُمۡ يَسۡمَعُونَ أَوۡ يَعۡقِلُونَۚ إِنۡ هُمۡ إِلَّا كَٱلۡأَنۡعَٰمِ بَلۡ هُمۡ أَضَلُّ سَبِيلًا

Ataw ka ma-antap nengka i madakel i banuliman sa kanilan a taw ka bagungangen? Na di kena! ka mana bun silan manga binatang endu muna pan silan sa binatang i kinatading nin.

ആയത്ത്: 45

أَلَمۡ تَرَ إِلَىٰ رَبِّكَ كَيۡفَ مَدَّ ٱلظِّلَّ وَلَوۡ شَآءَ لَجَعَلَهُۥ سَاكِنٗا ثُمَّ جَعَلۡنَا ٱلشَّمۡسَ عَلَيۡهِ دَلِيلٗا

Ngintu di nengka gailay su galbek nu Allah u panun i kapegka-aden nu alung-alung? Na u yanin kahanda i makatelen na entuba i manggula, mawli na binaluy nami su senang a tanda nu alung-alung.

ആയത്ത്: 46

ثُمَّ قَبَضۡنَٰهُ إِلَيۡنَا قَبۡضٗا يَسِيرٗا

Mawli na pegkwan nami so alung-alung sa paydu-paydu.

ആയത്ത്: 47

وَهُوَ ٱلَّذِي جَعَلَ لَكُمُ ٱلَّيۡلَ لِبَاسٗا وَٱلنَّوۡمَ سُبَاتٗا وَجَعَلَ ٱلنَّهَارَ نُشُورٗا

Sekanin (a Allah) i minaluy sa lekanu sa kanu magabi a dalinding nu endu su kapedtulug nu a ibangintelen nu endu su malamag a imbukakalu.

ആയത്ത്: 48

وَهُوَ ٱلَّذِيٓ أَرۡسَلَ ٱلرِّيَٰحَ بُشۡرَۢا بَيۡنَ يَدَيۡ رَحۡمَتِهِۦۚ وَأَنزَلۡنَا مِنَ ٱلسَّمَآءِ مَآءٗ طَهُورٗا

Endu sekanin i pedsugu sa sambel a lilini nu manga taw kanu limu nu Allah endu pinatulun nami ebpun sa langit su ig a suti maka-suti.

ആയത്ത്: 49

لِّنُحۡـِۧيَ بِهِۦ بَلۡدَةٗ مَّيۡتٗا وَنُسۡقِيَهُۥ مِمَّا خَلَقۡنَآ أَنۡعَٰمٗا وَأَنَاسِيَّ كَثِيرٗا

Ibaguyag nami kanu dalpa a minatay endu ipabpaginum nami kanu binaluy nami a manga binatang endu manga manusya a madakel.

ആയത്ത്: 50

وَلَقَدۡ صَرَّفۡنَٰهُ بَيۡنَهُمۡ لِيَذَّكَّرُواْ فَأَبَىٰٓ أَكۡثَرُ ٱلنَّاسِ إِلَّا كُفُورٗا

Endu saben-sabenal na pinapayapat nami kanu pamageletan nilan ka endu silan ma-indaw, na ya madakel sa taw na minenda (da talima) ya tabya na kinagkafir.

ആയത്ത്: 51

وَلَوۡ شِئۡنَا لَبَعَثۡنَا فِي كُلِّ قَرۡيَةٖ نَّذِيرٗا

U pigkahanda nami bu na uman i dalpa na aden rasul nin.

ആയത്ത്: 52

فَلَا تُطِعِ ٱلۡكَٰفِرِينَ وَجَٰهِدۡهُم بِهِۦ جِهَادٗا كَبِيرٗا

Na di ka baginuguti su manga kafir endu in-jihad engka silan sa masla (su Qur’an).

ആയത്ത്: 53

۞ وَهُوَ ٱلَّذِي مَرَجَ ٱلۡبَحۡرَيۡنِ هَٰذَا عَذۡبٞ فُرَاتٞ وَهَٰذَا مِلۡحٌ أُجَاجٞ وَجَعَلَ بَيۡنَهُمَا بَرۡزَخٗا وَحِجۡرٗا مَّحۡجُورٗا

Endu sekanin (Allah) i napendulug sa tabang (a ig) endu lagat, su isa a tabang na baginumen, su isa na matimus, aden pageletan nilan a pagalet endu makasapal sa di nilan kadsimbul.

ആയത്ത്: 54

وَهُوَ ٱلَّذِي خَلَقَ مِنَ ٱلۡمَآءِ بَشَرٗا فَجَعَلَهُۥ نَسَبٗا وَصِهۡرٗاۗ وَكَانَ رَبُّكَ قَدِيرٗا

Endu sekanin (Allah) i minaluy sa lekanu ebpun sa ig (ig nu babay-mama) endu binaluy nin i katupuwan nin endu kanggyagyamung nu, endu ya ka-aden nu kadenan nengka na pakagaga.

ആയത്ത്: 55

وَيَعۡبُدُونَ مِن دُونِ ٱللَّهِ مَا لَا يَنفَعُهُمۡ وَلَا يَضُرُّهُمۡۗ وَكَانَ ٱلۡكَافِرُ عَلَىٰ رَبِّهِۦ ظَهِيرٗا

Endu (silan) a pedsimban nilan i salakaw sa Allah a di pakangguna sa kanilan endu di bun makagkayd sa kanilan, su manga kafir na su kadenan nin a (barahala) na pedtabangan nu Shaytan kanu inugut nin (sa makasupak).

ആയത്ത്: 56

وَمَآ أَرۡسَلۡنَٰكَ إِلَّا مُبَشِّرٗا وَنَذِيرٗا

Endu dala sinugu nami a di kena papegkalilini ataw ka papegkagilek.

ആയത്ത്: 57

قُلۡ مَآ أَسۡـَٔلُكُمۡ عَلَيۡهِ مِنۡ أَجۡرٍ إِلَّا مَن شَآءَ أَن يَتَّخِذَ إِلَىٰ رَبِّهِۦ سَبِيلٗا

Edtalu ka sa kanilan i di aku papedsukay sa kapedsampay ku (kanu Islam) ya tabya na su taw a pambaranggyan nin i tamuk nin sa lalan sa Allah (ka di ku sapalan).

ആയത്ത്: 58

وَتَوَكَّلۡ عَلَى ٱلۡحَيِّ ٱلَّذِي لَا يَمُوتُ وَسَبِّحۡ بِحَمۡدِهِۦۚ وَكَفَىٰ بِهِۦ بِذُنُوبِ عِبَادِهِۦ خَبِيرًا

Endu salig ka kanu Allah a di matay endu tasbih ka sa pugi sa lekanin (Allah), su Allah i mataw sa kadusan nu manga ulipen nin.

ആയത്ത്: 59

ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ ٱلرَّحۡمَٰنُ فَسۡـَٔلۡ بِهِۦ خَبِيرٗا

Sekanin (Allah) i minaluy kanu manga langit endu su lupa, endu su pageletan nin sa nem gay, mawli na lu migkahanda kanu Arsh, na sekanin i minggungala sa Rahman, na idsa nengka (Muhammad) sa lekanin ka sekanin i mataw kanu langun.

ആയത്ത്: 60

وَإِذَا قِيلَ لَهُمُ ٱسۡجُدُواْۤ لِلرَّحۡمَٰنِ قَالُواْ وَمَا ٱلرَّحۡمَٰنُ أَنَسۡجُدُ لِمَا تَأۡمُرُنَا وَزَادَهُمۡ نُفُورٗا۩

Amayka pidtalu sa kanilan i sugyud kanu sa kanu Rahman, na ya nilan kadtalu: ngin i Rahman? Sumugyud kami sa suguwan nengka (Muhammad)? (di kami a benal sumugyud), naisegan i kinatangka nilan (sa Islam).

ആയത്ത്: 61

تَبَارَكَ ٱلَّذِي جَعَلَ فِي ٱلسَّمَآءِ بُرُوجٗا وَجَعَلَ فِيهَا سِرَٰجٗا وَقَمَرٗا مُّنِيرٗا

Mahasuti su Allah a binaluy nin sya sa langit i manga lalan nu bitun, endu binaluy nin i senang endu ulan-ulan a pedsigay.

ആയത്ത്: 62

وَهُوَ ٱلَّذِي جَعَلَ ٱلَّيۡلَ وَٱلنَّهَارَ خِلۡفَةٗ لِّمَنۡ أَرَادَ أَن يَذَّكَّرَ أَوۡ أَرَادَ شُكُورٗا

Endu binaluy nin su magabi endu malamag a pedsukelya kanu taw a myug makatadem ataw ka myug sa kadsukur.

ആയത്ത്: 63

وَعِبَادُ ٱلرَّحۡمَٰنِ ٱلَّذِينَ يَمۡشُونَ عَلَى ٱلۡأَرۡضِ هَوۡنٗا وَإِذَا خَاطَبَهُمُ ٱلۡجَٰهِلُونَ قَالُواْ سَلَٰمٗا

Endu su ulipen nu Allah na belakaw silan kanu lupa sa dala kasandag nin endu amayka imbityala nu manga jahil na mapya i kasumpat nin.

ആയത്ത്: 64

وَٱلَّذِينَ يَبِيتُونَ لِرَبِّهِمۡ سُجَّدٗا وَقِيَٰمٗا

Endu silan na kanu magabi nilan na sumugyud endu tumindeg ka banunuwat sa Allah.

ആയത്ത്: 65

وَٱلَّذِينَ يَقُولُونَ رَبَّنَا ٱصۡرِفۡ عَنَّا عَذَابَ جَهَنَّمَۖ إِنَّ عَذَابَهَا كَانَ غَرَامًا

Endu ya nilan kadtalu na: Kadenan ami iyawa nengka sa lekami i siksa nu jahannam ka su siksa nin na yanin ka aden na di gapinda sa taman sa taman.

ആയത്ത്: 66

إِنَّهَا سَآءَتۡ مُسۡتَقَرّٗا وَمُقَامٗا

Endu ngin den i kawag nin a kabetadan a kadtangenan.

ആയത്ത്: 67

وَٱلَّذِينَ إِذَآ أَنفَقُواْ لَمۡ يُسۡرِفُواْ وَلَمۡ يَقۡتُرُواْ وَكَانَ بَيۡنَ ذَٰلِكَ قَوَامٗا

Endu silan (mu'min) na amayka mimbaranggya sa Allah na da makasagad endu di kena menem da gaws, endaw i nasasangan.

ആയത്ത്: 68

وَٱلَّذِينَ لَا يَدۡعُونَ مَعَ ٱللَّهِ إِلَٰهًا ءَاخَرَ وَلَا يَقۡتُلُونَ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّ وَلَا يَزۡنُونَۚ وَمَن يَفۡعَلۡ ذَٰلِكَ يَلۡقَ أَثَامٗا

Endu di silan mangeni sa salakaw sa Allah ka dala kaduwa nin su Allah a pedsimban nilan endu di silan mimatay kanu nyawa a hinaram nu Allah, ya tabya na haqq endu di silan edzina, ka su taw enggulan nin intuba na madsemak nin i dusa a kanaraka nin.

ആയത്ത്: 69

يُضَٰعَفۡ لَهُ ٱلۡعَذَابُ يَوۡمَ ٱلۡقِيَٰمَةِ وَيَخۡلُدۡ فِيهِۦ مُهَانًا

Endu takepen sa lekanin i siksa sa gay a mawli endu tatap sa naraka sa nakalusak.

ആയത്ത്: 70

إِلَّا مَن تَابَ وَءَامَنَ وَعَمِلَ عَمَلٗا صَٰلِحٗا فَأُوْلَٰٓئِكَ يُبَدِّلُ ٱللَّهُ سَيِّـَٔاتِهِمۡ حَسَنَٰتٖۗ وَكَانَ ٱللَّهُ غَفُورٗا رَّحِيمٗا

Ya tabya na su midtawbat, nangimbenal a minggalebek sa mapya, ka sambyan nu Allah su kawagan nin sa mapiya, ka su Allah na sangat a bangampun a malimu.

ആയത്ത്: 71

وَمَن تَابَ وَعَمِلَ صَٰلِحٗا فَإِنَّهُۥ يَتُوبُ إِلَى ٱللَّهِ مَتَابٗا

Su taw a midtawbat endu minggalbek sa mapya na lu sa Allah edtawbat sa tidtu a kadtawbat.

ആയത്ത്: 72

وَٱلَّذِينَ لَا يَشۡهَدُونَ ٱلزُّورَ وَإِذَا مَرُّواْ بِٱللَّغۡوِ مَرُّواْ كِرَامٗا

Endu di silan edsaksi sa kalbutan endu amayka nasagadan nilan i mawag (a kambityala) na mapiya i kasagad nilan.

ആയത്ത്: 73

وَٱلَّذِينَ إِذَا ذُكِّرُواْ بِـَٔايَٰتِ رَبِّهِمۡ لَمۡ يَخِرُّواْ عَلَيۡهَا صُمّٗا وَعُمۡيَانٗا

Endu amayka linabit sa kanilan su manga ayatan nu kadenan nilan na di silan embisu-ebpisekan.

ആയത്ത്: 74

وَٱلَّذِينَ يَقُولُونَ رَبَّنَا هَبۡ لَنَا مِنۡ أَزۡوَٰجِنَا وَذُرِّيَّٰتِنَا قُرَّةَ أَعۡيُنٖ وَٱجۡعَلۡنَا لِلۡمُتَّقِينَ إِمَامًا

Endu kadtalu nilan: Kadenan ami enggi kami sya kanu manga kaluma nami sa manga mawli-a-taw a kalilinyan nu manga mata nami, endu baluy ka a kaunutan nu manga magilek sa Allah.

ആയത്ത്: 75

أُوْلَٰٓئِكَ يُجۡزَوۡنَ ٱلۡغُرۡفَةَ بِمَا صَبَرُواْ وَيُلَقَّوۡنَ فِيهَا تَحِيَّةٗ وَسَلَٰمًا

Silan i pembalasan sa pangkatan a mapulu (surga) sabap sa kinadsabar nilan endu mabaratamu nilan i mapya kadtalu.

ആയത്ത്: 76

خَٰلِدِينَ فِيهَاۚ حَسُنَتۡ مُسۡتَقَرّٗا وَمُقَامٗا

Dala sa kanilan i kalyu sa surga, mapya gayd a kabetadan a kadtangenan i kanilan.

ആയത്ത്: 77

قُلۡ مَا يَعۡبَؤُاْ بِكُمۡ رَبِّي لَوۡلَا دُعَآؤُكُمۡۖ فَقَدۡ كَذَّبۡتُمۡ فَسَوۡفَ يَكُونُ لِزَامَۢا

Edtalu ka (Muhammad) sa kanilan: da idan nu Kadenan ku sa lekanu u di kena bu su kapendu’a nu, ka pinandalbut nu su sinugu nin endu su Qur’an, na di ebplis na matatap su siksa.