പരിഭാഷ അദ്ധ്യായം അഅ്ലാ - സവാഹിലി പരിഭാഷ - അലി മുഹ്സിൻ അൽബർവാനി - പേജ് നമ്പർ 591 - വിശുദ്ധ ഖുർആൻ വിജ്ഞാനകോശം

Al-A'la

ആയത്ത്: 1

سَبِّحِ ٱسۡمَ رَبِّكَ ٱلۡأَعۡلَى

Litakase jina la Mola wako Mlezi aliye juu kabisa!

Litakase jina la Mola wako Mlezi lilio tukufu na kila kitu kisicho kuwa kinaelekeana nalo.

ആയത്ത്: 2

ٱلَّذِي خَلَقَ فَسَوَّىٰ

Aliye umba, na akaweka sawa!

Aliye umba kila kitu, na akajaalia uumbaji wote sawa sawa katika hukumu na kupangana.

ആയത്ത്: 3

وَٱلَّذِي قَدَّرَ فَهَدَىٰ

Na ambaye amekadiria na akaongoa,.

Na akakadiria kwa kila kitu kwa mujibu wa maslaha yake, na akakiongoza.

ആയത്ത്: 4

وَٱلَّذِيٓ أَخۡرَجَ ٱلۡمَرۡعَىٰ

Na aliye otesha malisho!

Na ambaye akatoa kwenye ardhi mimea namna mbali mbali ya kuwalisha wanyama.

ആയത്ത്: 5

فَجَعَلَهُۥ غُثَآءً أَحۡوَىٰ

Kisha akayafanya makavu, meusi.

Na akaifanya mimea hiyo baada ya kuwa kijani imestawi, ikakauka na imekuwa myeusi!

ആയത്ത്: 6

سَنُقۡرِئُكَ فَلَا تَنسَىٰٓ

Tutakusomesha wala hutasahau!

Ewe Muhammad! Sisi tutakujaalia uwe ni mwenye kuisoma Qur'ani kwa ufunuo kutoka kwetu, na wala hutosahau utacho kihifadhi.

ആയത്ത്: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Ila akipenda Mwenyezi Mungu. Hakika Yeye anayajua yaliyo dhaahiri na yaliyo fichikana.

Isipo kuwa anacho taka Mwenyezi Mungu ukisahau, kwani hakika Yeye Mtukufu anayajua wanayo yadhihirisha waja wake na wanayo yaficha, ikiwa maneno au vitendo.

ആയത്ത്: 8

وَنُيَسِّرُكَ لِلۡيُسۡرَىٰ

Na tutakusahilishia yawe mepesi.

Na tutakuwezesha kupita njia ya kufikilia kwa wepesi mambo yako yote.

ആയത്ത്: 9

فَذَكِّرۡ إِن نَّفَعَتِ ٱلذِّكۡرَىٰ

Basi kumbusha, kama kukumbusha kunafaa.

Basi wakumbushe watu ikiwa kukumbusha kutaleta manufaa, kwani inavyo faa ndio kuwanafiisha.

ആയത്ത്: 10

سَيَذَّكَّرُ مَن يَخۡشَىٰ

Atakumbuka mwenye kuogopa.

Watanafiika kwa ukumbusho wako wanao mwogopa Mwenyezi Mungu.