പരിഭാഷ അദ്ധ്യായം സൂറത്തുൽ മആരിജ് - യാഉ പരിഭാഷ - വിശുദ്ധ ഖുർആൻ വിജ്ഞാനകോശം

Al-Ma‘ârij

ആയത്ത്: 1

سَأَلَ سَآئِلُۢ بِعَذَابٖ وَاقِعٖ

Jwawusisye nkuwusya (mwachipongwe) yailagasyo yakupatikana (kuti: Tiyipatikane chakachi?).

ആയത്ത്: 2

لِّلۡكَٰفِرِينَ لَيۡسَ لَهُۥ دَافِعٞ

Kwa achimakafili pangali jwampaka ayisiŵilile.

ആയത്ത്: 3

مِّنَ ٱللَّهِ ذِي ٱلۡمَعَارِجِ

Yakuumila kwa Allah Nsyene Makwelelo.

ആയത്ത്: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Akasakwelaga Kukwakwe Achimalaika ni Jibulilu jwakwe. (Tiyichipatikana ilagasyoyo) mu lisiku (lya Kiyama) lyalili chipiimo chaulewu wakwe yaka yakwana masausande makumi nsano (50,000).

ആയത്ത്: 5

فَٱصۡبِرۡ صَبۡرٗا جَمِيلًا

Basi pililani kupilila kwambone.

ആയത്ത്: 6

إِنَّهُمۡ يَرَوۡنَهُۥ بَعِيدٗا

Chisimu ŵanganyao akuiwona (ilagasyoyo) kuti ili kwanaula (yangaŵa nkupatikana).

ആയത്ത്: 7

وَنَرَىٰهُ قَرِيبٗا

Nambo Uwwe tukuiwona kuti ili dusi (kupatikana).

ആയത്ത്: 8

يَوۡمَ تَكُونُ ٱلسَّمَآءُ كَٱلۡمُهۡلِ

Lisiku lya lichiŵa liwunde chisawu ntofu wenyelenyenduche.

ആയത്ത്: 9

وَتَكُونُ ٱلۡجِبَالُ كَٱلۡعِهۡنِ

Nombe matumbi gachiŵa chisawu litonji (pa kaululuche kakwe).

ആയത്ത്: 10

وَلَا يَسۡـَٔلُ حَمِيمٌ حَمِيمٗا

Soni nsyoŵe ngasaja kuwusya ya nsyoŵe jwakwe.

ആയത്ത്: 11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Namuno kuti tachipedwa lipesa lyakuonegana (mwanti mundu nikwaona babagwe, ŵanagwe ni ŵaulongo, nambo ngasakombola kwaŵechetekasya namuno kwaŵenda chikamuchisyo), jwakuleŵa tachilajila ali aliombwele ku ilagasyo ya lyele lisikulyo pakutola ŵanagwe.

ആയത്ത്: 12

وَصَٰحِبَتِهِۦ وَأَخِيهِ

Kwisa soni ŵankwakwe ni nchimwenegwe.

ആയത്ത്: 13

وَفَصِيلَتِهِ ٱلَّتِي تُـٔۡوِيهِ

Ni ŵalukosyo lwakwe ŵaŵaliji nkunsunga.

ആയത്ത്: 14

وَمَن فِي ٱلۡأَرۡضِ جَمِيعٗا ثُمَّ يُنجِيهِ

Ni yosope yayili pachilambo (kupeleka kwa Allah), kut in'jokole.

ആയത്ത്: 15

كَلَّآۖ إِنَّهَا لَظَىٰ

Nambo kwapi! (Nganikuŵa kun'jokwele kuliwombola kwakweko), chisimu walakweo ni Moto Wakolela (mwamachili).

ആയത്ത്: 16

نَزَّاعَةٗ لِّلشَّوَىٰ

Wakusupula mwanakamo lipende lyamuntwe.

ആയത്ത്: 17

تَدۡعُواْ مَنۡ أَدۡبَرَ وَتَوَلَّىٰ

Uchiŵa uli nkum'bilanga mundu jwa ŵachitundumalile chikulupi ni kunyosya.

ആയത്ത്: 18

وَجَمَعَ فَأَوۡعَىٰٓ

Ni ŵasonganganyisye (chipanje) ni kusalasya (mwakusalasya ata Zaka ngatola).

ആയത്ത്: 19

۞ إِنَّ ٱلۡإِنسَٰنَ خُلِقَ هَلُوعًا

Chisimu mundu agumbidwe kuŵa jwakupapamba kusyene (jwangapilila).

ആയത്ത്: 20

إِذَا مَسَّهُ ٱلشَّرُّ جَزُوعٗا

Pati impatile yakusakala akasaŵa jasajasa.

ആയത്ത്: 21

وَإِذَا مَسَّهُ ٱلۡخَيۡرُ مَنُوعًا

Nambo pati impatile yambone akasaŵa jwaugaga.

ആയത്ത്: 22

إِلَّا ٱلۡمُصَلِّينَ

Ikaŵeje ŵakuswali.

ആയത്ത്: 23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Aŵala ŵanya ŵaakuŵa pa swala syao ali nkwendelechela (kusiswaliswali).

ആയത്ത്: 24

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

Ni aŵala ŵamuli nchipanje chao mwana liunjili lyachimanyichile.

ആയത്ത്: 25

لِّلسَّآئِلِ وَٱلۡمَحۡرُومِ

Lyakumpa nkuŵenda ni nkwimidwa jwakwe (ligongo lyakulisiŵilila kuŵenda).

ആയത്ത്: 26

وَٱلَّذِينَ يُصَدِّقُونَ بِيَوۡمِ ٱلدِّينِ

Ni aŵala ŵaakwitichisya ya Lisiku Lyamalipilo.

ആയത്ത്: 27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

Ni aŵala ŵanya ŵaakuŵa nkuijogopa ilagasyo ya M’mbuje gwao.

ആയത്ത്: 28

إِنَّ عَذَابَ رَبِّهِمۡ غَيۡرُ مَأۡمُونٖ

Chisimu ilagasyo ya M’mbuje gwao nganiyiŵa yati kulupuka nayo (mundu jwakusakala).

ആയത്ത്: 29

وَٱلَّذِينَ هُمۡ لِفُرُوجِهِمۡ حَٰفِظُونَ

Ni aŵala ŵanya ŵaakuŵa ali nkuugosa utukani wao (pangatenda yansese).^[1]

(70:1) Akusimulila Sahl bin Sa‘d رضى الله عنه yanti : Ntenga jwa Allah ﷺ jwatite: “ Jwalijose jwatasunjile une malo gagali chilikati cha ndewu ni masharubu (pakamwa), ni malo gagaili chilikati changongolo syakwe (utukani), une tinansunjile Mbepo.” (Swahîh Al-Bukhârî, Hadith No.6109).

ആയത്ത്: 30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Ikaŵeje kwa achiŵammakwao kapena (mateeka) gagapatile magasa gao gakun'dyo; basi chisimu ŵanganyao (pa yalakweyo) nganaŵa agambidwe.

ആയത്ത്: 31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Nambo ŵatasache yangaŵaga yele, basi ŵanganyao niŵali ŵakusumba mpika.

ആയത്ത്: 32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

Ni aŵala ŵanya ŵaakuŵa ali nkusunga chenene amana syao kwisa soni ilanga yao.

ആയത്ത്: 33

وَٱلَّذِينَ هُم بِشَهَٰدَٰتِهِمۡ قَآئِمُونَ

Ni aŵala ŵanya ŵaakuŵa ali nkwimilichika pakupeleka umboni wao.

ആയത്ത്: 34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

Ni aŵala ŵanya ŵaakuŵa ali nkwendelechela kusigosa swala syao (pakusiswaliswali).

ആയത്ത്: 35

أُوْلَٰٓئِكَ فِي جَنَّٰتٖ مُّكۡرَمُونَ

Ŵanganyao tachiŵa m’Matimbe ga ku Mbepo ali nkupedwa uchimbichimbi.

ആയത്ത്: 36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Ana chipali chichi kwa aŵala ŵaakufuulu chaakukangamalila kukwenu (mmwe Muhammadi ﷺ ali atunjile meso)?

ആയത്ത്: 37

عَنِ ٱلۡيَمِينِ وَعَنِ ٱلشِّمَالِ عِزِينَ

(Ni kutama) nganyanganya chakun'dyo ni kunchiji (kwenu nambo ningakuuya yankwasalila)!

ആയത്ത്: 38

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

Ana jwalijose mwa jamanjao akukolaga tama janti takajinjisyidwe ku Litimbe Lyachindimba (ku Mbepo)?

ആയത്ത്: 39

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Ngwamba! Chisimu Uwwe twagumbile ŵanganyao kuumila mu yaakuimanyilila (gagali mesi).

ആയത്ത്: 40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Basi ngunnumbila M'mbuje jwa kungopoko ni kungapililo kosope (kwa lyuŵa, mwesi ni ndondwa), kuti chisimu Uwwe tuŵele Ŵakombola.

ആയത്ത്: 41

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

Kuti twagalausye (nikwikanao ŵane) ŵambone kwapunda ŵanganyao, sonitu Uwwe nganituŵa ŵanti nikupundidwa (ni chilichose).

ആയത്ത്: 42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Basi mwalekani agambeje kuweweta yangali mate ni kupita nching'anda, mpaka chasimangane nalyo Lisiku lyao alila lyaakuŵa ali nkupedwa chilanga (cha kwisa kwakwe).

ആയത്ത്: 43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Lisiku lyatachikopokangana m’malembe mwachitema chisawu ŵanganyao akuutuchila ku (isanamu yao) yaisimichidwe.

ആയത്ത്: 44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Meso gao gali gateteŵele, kwaluka kuli kwaunichile, lyalakwelyo ni Lisiku alila lyaŵaliji nkupedwa chilanga (cha kwisa kwakwe).