पवित्र कुरअानको अर्थको अनुवाद - कुर्दिश अनुवाद : सलाहुद्दीन । * - अनुवादहरूको सूची
إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلنَّصَٰرَىٰ وَٱلصَّٰبِـِٔينَ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَعَمِلَ صَٰلِحٗا فَلَهُمۡ أَجۡرُهُمۡ عِندَ رَبِّهِمۡ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
[ إِنَّ الَّذِينَ آمَنُوا وَالَّذِينَ هَادُوا ] ئه‌و كه‌سانه‌ی كه باوه‌ڕیان هێناوه به پێغه‌مبه‌ری خوا صلی الله علیه وسلم وه ئه‌وانه‌ی كه یه‌هودی بوونه، كه نسبه‌ته بۆ (یهودا) كه گه‌وره‌ترین كوڕی یه‌عقوب بووه، یان بۆیه پێیان وتراوه یه‌هود چونكه له كاتی ته‌ورات خوێندندا خۆیان جوڵاندۆته‌وه، یان وتراوه: (هَادُوا) واته: ئه‌وانه‌ی كه گه‌ڕاونه‌ته‌وه (هُدنا) ته‌وبه‌یان كردووه له په‌رستنی گوێره‌كه‌كه [ وَالنَّصَارَى ] وه ئه‌وانه‌ی كه نه‌صارا بوونه كه نسبه‌ته بۆ دێی ناصیره له فه‌له‌ستین كه عیسی صلی الله علیه وسلم له‌وێ بوو، یاخود له‌به‌ر ئه‌وه‌ی كاتی خۆی عیسایان سه‌رخستووه بۆیه پێیان وتراوه: نه‌صارا [ وَالصَّابِئِينَ ] ئه‌وانه‌ی كه مه‌لائیكه‌ت په‌رست یان ئه‌ستێره په‌رست بوونه، یان هیچ دینێكی دیاریكراویان نه‌بووه شوێنی بكه‌ون [ مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا ] هه‌ر كه‌سێك له‌مانه ئیمان بێنێ به‌خوای گه‌وره‌و به‌ڕۆژی دوایی وه كرده‌وه‌ی چاك بكه‌ن [ فَلَهُمْ أَجْرُهُمْ عِنْدَ رَبِّهِمْ ] ئه‌وه لای خوای گه‌وره ئه‌جرو پاداشتی خۆیان هه‌یه [ وَلَا خَوْفٌ عَلَيْهِمْ وَلَا هُمْ يَحْزَنُونَ (٦٢) ] وه ترسیان له‌سه‌ر نیه له ڕۆژی قیامه‌ت وه خه‌فه‌تیش ناخۆن بۆ دونیایان چونكه خوای گه‌وره باشتریان ده‌داتێ، ابن عباس ئه‌فه‌رمووێ: ئه‌مه بۆ ئه‌و سه‌رده‌مه بووه به‌ڵام له دوای ئه‌وه خوای گه‌وره ئه‌م ئایه‌ته‌ی دابه‌زاند [ وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ ] (آلِ عِمْرَانَ : ٨٥) واته: هه‌ر كه‌سێك جگه له ئیسلام دینێكی تر هه‌ڵبژێرێ وه داوا بكات ئه‌وه خوای گه‌وره لێی قه‌بوڵ ناكات وه له قیامه‌تدا له زه‌ره‌رمه‌ندانه
अरबी व्याख्याहरू:
وَإِذۡ أَخَذۡنَا مِيثَٰقَكُمۡ وَرَفَعۡنَا فَوۡقَكُمُ ٱلطُّورَ خُذُواْ مَآ ءَاتَيۡنَٰكُم بِقُوَّةٖ وَٱذۡكُرُواْ مَا فِيهِ لَعَلَّكُمۡ تَتَّقُونَ
[ وَإِذْ أَخَذْنَا مِيثَاقَكُمْ ] خوای گه‌وره دیسان به به‌نو ئیسرائیل به جووله‌كه ئه‌فه‌رمووێ: خوای گه‌وره عه‌هدو په‌یمان و به‌ڵێنی لێتان وه‌رگرت به‌وه‌ی كه له ته‌وراتدا بۆتان هاتبوو كه ئیمان بێنن به پێغه‌مبه‌رانی خوا [ وَرَفَعْنَا فَوْقَكُمُ الطُّورَ ] وه كێوی (طور)یشمان هه‌ڵگرت ئه‌و كێوه‌ی كه خوای گه‌وره قسه‌ی له‌گه‌ڵ موسی صلی الله علیه وسلم كرد له‌سه‌ری، كاتێك كه موسی ته‌وراتی هێنا بۆ به‌نی ئیسرائیل وتیان: وه‌ری ناگرین وه شوێنی ناكه‌وین تا خوای گه‌وره خۆی قسه‌مان له‌گه‌ڵدا نه‌كات چۆن قسه‌ی له‌گه‌ڵ تۆدا كردووه، خوای گه‌وره‌ش ئه‌مری كرد به مه‌لائیكه‌ت ئه‌و شاخه گه‌وره‌یه كێوی (طور) له فه‌له‌ستین كه ئه‌وترێ: درێژیه‌كه‌ی فه‌رسه‌خێ بووه زیاد له سێ میل بووه له زه‌ویه‌كه هه‌ڵیكێشاوه وه خستۆتیه بان سه‌ریان وه‌كو سێبه‌رێك سێبه‌ری بۆیان كردووه وه‌كو هه‌ور [ خُذُوا مَا آتَيْنَاكُمْ بِقُوَّةٍ وَاذْكُرُوا مَا فِيهِ ] ده‌ی ئێستا ئه‌وه‌ی كه بۆتان هاتووه به جددی و به ڕێكوپێكی وه‌ری بگرن و هیچی لێ مه‌فه‌وتێنن وه ئه‌وه‌ی كه تیایه‌تی با له یادتان بێت و پارێزراو بێت و ئیشی پێ بكه‌ن ئه‌گه‌ر نا شاخه‌كه به‌ر ئه‌ده‌ینه‌وه بان سه‌رتان ئه‌و كاته ته‌وبه‌یان كردو سوجده‌یان بۆ خوای گه‌وره برد [ لَعَلَّكُمْ تَتَّقُونَ (٦٣) ] به‌ڵكو ته‌قوای خوای گه‌وره بكه‌ن
अरबी व्याख्याहरू:
ثُمَّ تَوَلَّيۡتُم مِّنۢ بَعۡدِ ذَٰلِكَۖ فَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ لَكُنتُم مِّنَ ٱلۡخَٰسِرِينَ
[ ثُمَّ تَوَلَّيْتُمْ مِنْ بَعْدِ ذَلِكَ ] له دوای ئه‌م هه‌موو موعجیزه یه‌ك له دوای یه‌كانه دیسان پشتیان هه‌ڵكرد له‌و عه‌هدو به‌ڵێن و په‌یمانه‌ی كه دایان [ فَلَوْلَا فَضْلُ اللَّهِ عَلَيْكُمْ وَرَحْمَتُهُ لَكُنْتُمْ مِنَ الْخَاسِرِينَ (٦٤) ] كه ئه‌گه‌ر فه‌زڵ و ڕه‌حمه‌تی خوای گه‌وره نه‌بوایه‌و خوای گه‌وره به‌ڕه‌حمی خۆی ڕه‌حمی لێتان نه‌كردایه ئه‌وه ئێوه له زه‌ره‌رمه‌ندان ئه‌بوون
अरबी व्याख्याहरू:
وَلَقَدۡ عَلِمۡتُمُ ٱلَّذِينَ ٱعۡتَدَوۡاْ مِنكُمۡ فِي ٱلسَّبۡتِ فَقُلۡنَا لَهُمۡ كُونُواْ قِرَدَةً خَٰسِـِٔينَ
[ وَلَقَدْ عَلِمْتُمُ الَّذِينَ اعْتَدَوْا مِنْكُمْ فِي السَّبْتِ ] وه ئێوه (باوك و باپیرانتان) باش به‌سه‌رهات و رووداوی ئه‌و كه‌سانه ئه‌زانن كه له گوندی ئایله ده‌ستدرێژیان كردو سنووری خوای گه‌وره‌یان به‌زاند به‌وه‌ی كه خوای گه‌وره قه‌ده‌غه‌ی ڕاوی ماسی لی كردن له ڕۆژی شه‌ممه‌دا به‌ڵام ئه‌وان فێڵیان كردو ڕاوه‌كه‌یان كرد، له سووڕه‌تی (ئه‌عراف) دا (إن شاء الله) به درێژی ڕووداوه‌كه‌یان باس ئه‌كرێ له ئایه‌تی (١٦٢-١٦٦) [ فَقُلْنَا لَهُمْ كُونُوا قِرَدَةً خَاسِئِينَ (٦٥) ] خوای گه‌وره شێوه‌یانی گۆڕی بۆ مه‌یمونی زه‌لیل و ڕیسوا
अरबी व्याख्याहरू:
فَجَعَلۡنَٰهَا نَكَٰلٗا لِّمَا بَيۡنَ يَدَيۡهَا وَمَا خَلۡفَهَا وَمَوۡعِظَةٗ لِّلۡمُتَّقِينَ
[ فَجَعَلْنَاهَا نَكَالًا لِمَا بَيْنَ يَدَيْهَا وَمَا خَلْفَهَا ] وه به‌سه‌رهات و خه‌ڵكی ئه‌و دێیه‌مان كرد به په‌ندو عیبره‌ت بۆ دێیه‌كانی پێش و دوای خۆیان [ وَمَوْعِظَةً لِلْمُتَّقِينَ (٦٦) ] وه ببێ به په‌ندو ئامۆژگاری بۆ ئه‌و كه‌سانه‌ی كه ته‌قوای خوای گه‌وره ئه‌كه‌ن تا ڕۆژی قیامه‌ت
अरबी व्याख्याहरू:
وَإِذۡ قَالَ مُوسَىٰ لِقَوۡمِهِۦٓ إِنَّ ٱللَّهَ يَأۡمُرُكُمۡ أَن تَذۡبَحُواْ بَقَرَةٗۖ قَالُوٓاْ أَتَتَّخِذُنَا هُزُوٗاۖ قَالَ أَعُوذُ بِٱللَّهِ أَنۡ أَكُونَ مِنَ ٱلۡجَٰهِلِينَ
{بەسەرهاتی مانگاكەی بەنی ئیسرائیل} [ وَإِذْ قَالَ مُوسَى لِقَوْمِهِ إِنَّ اللَّهَ يَأْمُرُكُمْ أَنْ تَذْبَحُوا بَقَرَةً ] دوای ئه‌وه‌ی كه‌سێكی ده‌وڵه‌مه‌ند كه منداڵی نه‌بوو له‌ناو به‌نو ئیسرائیلدا كوژرا وه نه‌زانرا كه بكوژه‌كه‌ی كێیه هه‌ر كه‌سێك له‌سه‌ر خۆی لای ئه‌دا خوای گه‌وره ئه‌مری كرد به موسی پێیان بفه‌رمه با مانگایه‌ك سه‌ر ببڕن، موسی صلی الله علیه وسلم به قه‌ومه‌كه‌ی فه‌رموو په‌روه‌ردگار فه‌رمانتان پێ ئه‌كات كه مانگایه‌ك سه‌ر ببڕن [ قَالُوا أَتَتَّخِذُنَا هُزُوًا ] وتیان: ئه‌ی موسی تۆ گاڵته‌و سووكایه‌تی و یاریمان پێ ئه‌كه‌ی [ قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ (٦٧) ] موسی صلی الله علیه وسلم فه‌رمووی: په‌نا ئه‌گرم به‌خوای گه‌وره من له نه‌فام و نه‌زانان بم كه به‌ناو خوای گه‌وره‌وه قسه بكه‌م
अरबी व्याख्याहरू:
قَالُواْ ٱدۡعُ لَنَا رَبَّكَ يُبَيِّن لَّنَا مَا هِيَۚ قَالَ إِنَّهُۥ يَقُولُ إِنَّهَا بَقَرَةٞ لَّا فَارِضٞ وَلَا بِكۡرٌ عَوَانُۢ بَيۡنَ ذَٰلِكَۖ فَٱفۡعَلُواْ مَا تُؤۡمَرُونَ
[ قَالُوا ادْعُ لَنَا رَبَّكَ يُبَيِّنْ لَنَا مَا هِيَ ] وتیان: ئه‌ی موسی داوا له په‌روه‌ردگارت بكه بۆمان ڕوون بكاته‌وه چۆن مانگایه‌ك بێ [ قَالَ إِنَّهُ يَقُولُ إِنَّهَا بَقَرَةٌ لَا فَارِضٌ وَلاَ بِكْرٌ ] ئه‌گه‌ر سه‌ره‌تا هه‌ر مانگایه‌كیان بگرتایه‌و سه‌ریان بڕیبایه ئه‌بوو، به‌ڵام خۆیان له‌سه‌ر خۆیان قورس و گرانیان كرد خوای گه‌وره مه‌رجی بۆیان دانا كه ئه‌فه‌رمووێ: مانگایه‌ك بێت كه زۆر پیر نه‌بێت وه زۆر بچووكیش نه‌بێت كه نه‌زابێت و سكی نه‌كرد بێت [ عَوَانٌ بَيْنَ ذَلِكَ ] به‌ڵكو مام ناوه‌ند بێ واته سكێ دوانی كردبێت [ فَافْعَلُوا مَا تُؤْمَرُونَ (٦٨) ] ده‌ی ئه‌وه‌ی كه خوای گه‌وره ئه‌مرتان پێ ئه‌كات ئه‌مری خوای گه‌وره جێبه‌جێ بكه‌ن، دیسان جێبه‌جێیان نه‌كردو له‌سه‌ر خۆیان قورستریان كرد
अरबी व्याख्याहरू:
قَالُواْ ٱدۡعُ لَنَا رَبَّكَ يُبَيِّن لَّنَا مَا لَوۡنُهَاۚ قَالَ إِنَّهُۥ يَقُولُ إِنَّهَا بَقَرَةٞ صَفۡرَآءُ فَاقِعٞ لَّوۡنُهَا تَسُرُّ ٱلنَّٰظِرِينَ
[ قَالُوا ادْعُ لَنَا رَبَّكَ يُبَيِّنْ لَنَا مَا لَوْنُهَا ] وتیان: ئه‌ی موسی داوا بكه له په‌روه‌ردگارت با پێمان بڵێ ڕه‌نگی چۆن بێت، خوای گه‌وره داوای ڕه‌نگی نه‌كردبوو خۆیان زیادیان كرد [ قَالَ إِنَّهُ يَقُولُ إِنَّهَا بَقَرَةٌ صَفْرَاءُ ] فه‌رمووی: په‌روه‌ردگار ئه‌فه‌رمووێ: با مانگایه‌ك بێ كه ڕه‌نگی زه‌رد بێ [ فَاقِعٌ لَوْنُهَا ] به‌ڵام زه‌ردێكی تۆخ و زۆر جوان [ تَسُرُّ النَّاظِرِينَ (٦٩) ] ئه‌وه‌نده جوان بێ كه هه‌ر كه‌سێك سه‌یری بكات پێی سه‌رسام بێ وه ڕه‌نگه‌كه‌ی پێ جوان بێ وه دڵی خۆش بكات
अरबी व्याख्याहरू:
पवित्र कुरअानको अर्थको अनुवाद - कुर्दिश अनुवाद : सलाहुद्दीन । - अनुवादहरूको सूची
सलाहुद्दीन अब्दुलकरीमद्वारा अनुवाद ।