Vertaling van de betekenissen Edele Qur'an - De Koerdische vertaling - Salah al-Din * - Index van vertaling
سورەتی القیامة
لَآ أُقۡسِمُ بِيَوۡمِ ٱلۡقِيَٰمَةِ
سووره‌تی (قیامه) سووره‌تێكى مه‌ككى یه‌و (٤٠) ئایه‌ته بِسْمِ اللَّهِ الرَّحْمَنِ الرَّحِيمِ [ لَا أُقْسِمُ بِيَوْمِ الْقِيَامَةِ (١) ] خوای گه‌وره ئه‌فه‌رمووێ: سوێند ئه‌خۆم به ڕۆژی قیامه‌ت، ئه‌مه بۆ به‌گه‌وره زانینی ئه‌و ڕۆژه‌یه كه ڕۆژێكی گه‌وره‌یه، وه بۆ سه‌رنج ڕاكێشانه بۆ ئه‌وه‌ی گرنگی و بایه‌خی پێ بده‌ن و خۆتانی بۆ ئاماده بكه‌ن.
Arabische uitleg van de Qur'an:
وَلَآ أُقۡسِمُ بِٱلنَّفۡسِ ٱللَّوَّامَةِ
[ وَلَا أُقْسِمُ بِالنَّفْسِ اللَّوَّامَةِ (٢) ] وه سوێند ئه‌خۆم به نه‌فسی لۆمه‌كار، كه نه‌فسی مرۆڤی ئیمانداره له دونیادا لۆمه‌ی خۆی ئه‌كات، باوه‌ڕدار كاتێك كه تاوانێك ده‌كات لۆمه‌ى خۆى ده‌كات بۆ ئه‌م تاوانه‌ت كرد، یان ئه‌گه‌ر خێرو چاكه‌یه‌ك بكات لۆمه‌ى خۆى ده‌كات بۆچی كه‌مت كردو زیاترت ئه‌نجام نه‌دا، به‌ڵام كافر له دونیادا چه‌ندێك كوفرو تاوان بكات لۆمه‌ى خۆى ناكات، به‌ڵام له قیامه‌تدا كافر لۆمه‌ی خۆی ئه‌كات، هیچ كافرێك نیه ئیلا له ڕۆژی قیامه‌تدا لۆمه‌ی خۆی ئه‌كات بۆ له دونیادا ئیمانت نه‌هێناو كرده‌وه‌ی چاكت نه‌كردو په‌شیمان ده‌بێته‌وه.
Arabische uitleg van de Qur'an:
بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
{په‌نجه‌مۆرى مرۆڤ} [ بَلَى قَادِرِينَ عَلَى أَنْ نُسَوِّيَ بَنَانَهُ (٤) ] به‌ڵێ توانامان هه‌یه نه‌ك ئێسقانه‌كانی دروست بكه‌ینه‌وه به‌ڵكو ئه‌توانین په‌نجه‌كانی وه‌كو په‌نجه‌ی حوشتری لێ بكه‌ین هه‌مووی به‌یه‌كه‌وه بنووسێنین و بیكه‌ین به‌یه‌ك پارچه، یاخود ئاماژه‌یه بۆ په‌نجه‌مۆری مرۆڤ كه په‌نجه‌ی هیچ كه‌سێك له‌كه‌سی تر ناچێت.
Arabische uitleg van de Qur'an:
بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
[ بَلْ يُرِيدُ الْإِنْسَانُ لِيَفْجُرَ أَمَامَهُ (٥) ] به‌ڵكو مرۆڤ ئه‌یه‌وێ له پێش خۆیه‌وه تاوان پێش بخات و ته‌وبه دوا بخات، به‌وه‌ی كه ئه‌ڵێ: هێشتا مردن ماوێتی، یاخود مه‌به‌ست ئه‌وه‌یه هیواو ئومێدی زۆره، ئه‌ڵێ: دواتر ته‌وبه ئه‌كه‌م.
Arabische uitleg van de Qur'an:
وَخَسَفَ ٱلۡقَمَرُ
Arabische uitleg van de Qur'an:
يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
[ يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ (١٣) ] له‌و ڕۆژه‌دا مرۆڤ هه‌واڵی پێ ئه‌درێ سه‌باره‌ت به هه‌موو كرده‌وه‌یه‌ك كه له دونیادا كردوویه‌تی: بچووك و گه‌وره‌ی، كۆن و تازه‌ی، ئاشكراو نهێنی، سه‌ره‌تاو كۆتایی.
Arabische uitleg van de Qur'an:
بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ
[ بَلِ الْإِنْسَانُ عَلَى نَفْسِهِ بَصِيرَةٌ (١٤) ] به‌ڵكو مرۆڤ خۆی باشتر ئه‌ناسێ وه حه‌قیقه‌تی حاڵی خۆی ئه‌زانێ باوه‌ڕداره یان كافره، گوێڕایه‌ڵكاره یان سه‌رپێچیكار، دامه‌زراوه یان نا، یاخود له ڕۆژی قیامه‌تدا مرۆڤ خۆی ئه‌بێته شایه‌ت له‌سه‌ر خۆی، خۆی شایه‌تی له‌سه‌ر خۆی ئه‌دات.
Arabische uitleg van de Qur'an:
وَلَوۡ أَلۡقَىٰ مَعَاذِيرَهُۥ
Arabische uitleg van de Qur'an:
لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
[ لَا تُحَرِّكْ بِهِ لِسَانَكَ لِتَعْجَلَ بِهِ (١٦) ] ئه‌ى پێغه‌مبه‌ری خوا - صلی الله علیه وسلم - زمانت مه‌جوولێنه بۆ خێرایی خوێندنه‌وه‌ى قورئان، له‌به‌ر ئه‌وه‌ی پێغه‌مبه‌ری خوا - صلی الله علیه وسلم - سه‌ره‌تا كه جبریل وه‌حی بۆ هێنا له دوای جبریله‌وه له‌گه‌ڵیدا یه‌كسه‌ر قورئانه‌كه‌ی ئه‌وته‌وه‌و په‌له‌ی ئه‌كردو زمانی ئه‌جوولاند نه‌وه‌كو له بیری بچێت، خوای گه‌وره فه‌رمووی: زمان و لێوت مه‌جوولێنه‌وه به قورئان خوێندن، به‌ڵكو ته‌نها گوێ بگره.
Arabische uitleg van de Qur'an:
ثُمَّ إِنَّ عَلَيۡنَا بَيَانَهُۥ
[ ثُمَّ إِنَّ عَلَيْنَا بَيَانَهُ (١٩) ] پاشان به دڵنیایى ڕوون كردنه‌وه‌و ته‌فسیرو راڤه‌كه‌یشی هه‌ر له‌سه‌ر ئێمه‌یه هه‌موویت پێ ئه‌ڵێین، له دوای ئه‌وه كه جبریل وه‌حی بهێنایه پێغه‌مبه‌ر - صلی الله علیه وسلم - ته‌نها گوێی ئه‌گرت، وه له دوای ئه‌وه‌ى جبریل ده‌ڕۆیشت هه‌ر هه‌مووی وه‌كو خۆی ئه‌وته‌وه‌و په‌له‌ی نه‌ئه‌كرد له وتنه‌وه‌یدا.
Arabische uitleg van de Qur'an:
كَلَّا بَلۡ تُحِبُّونَ ٱلۡعَاجِلَةَ
[ كَلَّا بَلْ تُحِبُّونَ الْعَاجِلَةَ (٢٠) ] نه‌خێر ئێوه حه‌زتان له په‌له كردنه‌و په‌له ئه‌كه‌ن و مه‌به‌ستتان پێی دونیایه‌و بێئاگان له قیامه‌ت، وه له هه‌موو كارێكتاندا حه‌زتان له ئیشی په‌له‌یه، (نابێ مرۆڤ په‌له بكات به‌ڵكو فه‌رمانكراوه به له‌سه‌رخۆیی، وه په‌له‌كردن له شه‌یتانه‌وه‌یه، له‌سه‌رخۆیى له خواى گه‌وره‌وه‌یه) له‌به‌ر ئه‌وه‌ی مرۆڤ زۆر جار له په‌له كردندا هه‌ڵه ئه‌كات.
Arabische uitleg van de Qur'an:
إِلَىٰ رَبِّهَا نَاظِرَةٞ
[ إِلَى رَبِّهَا نَاظِرَةٌ (٢٣) ] له‌به‌ر ئه‌وه‌ی ته‌ماشای خوای گه‌وره ئه‌كه‌ن، كه ئه‌مه‌یش به‌ڵگه‌یه له‌سه‌ر بینینی خوای گه‌وره له ڕۆژی قیامه‌تدا، وه له به‌هه‌شتیشدا باوه‌ڕداران خوای گه‌وره ئه‌بینن وه‌كو فه‌رمووده‌كان موته‌واتیره له پێغه‌مبه‌ری خواوه - صلی الله علیه وسلم - وه ئیجماع و یه‌كده‌نگی صه‌حابه‌و تابعین و سه‌له‌فی ئه‌م ئوممه‌ته‌ی له‌سه‌ره كه خوای گه‌وره له ڕۆژی قیامه‌تدا وه له به‌هه‌شتیشدا ئه‌بینرێ له‌لایه‌ن باوه‌ڕدارانه‌وه، چۆن خۆرو مانگى چوارده كه هیچ په‌ڵه هه‌ورێك به ئاسمانه‌وه نه‌بێ به ئاسانی ئه‌بینرێن به‌و شێوازه‌یش خوای گه‌وره به ئاسانی له‌لایه‌ن باوه‌ڕدارانه‌وه ئه‌بینرێ، ئه‌مه‌ش ته‌شبیهی بینینه‌كه‌یه به بینینه‌كه نه‌ك ته‌شبیهی بینراوه‌كه بێت به بینراوه‌كه، وه فه‌رمووده له‌و باره‌یه‌وه موته‌واتیره‌و یه‌كجار زۆره له‌سه‌ر بینینی خوای گه‌وره.
Arabische uitleg van de Qur'an:
وَقِيلَ مَنۡۜ رَاقٖ
[ وَقِيلَ مَنْ رَاقٍ (٢٧) ] ئه‌و كه‌سه له سه‌ره‌مه‌رگدایه‌و ئه‌وانه‌ی ده‌وروبه‌رى ئه‌ڵێن: ئایا پزیشكێك هه‌یه چاره‌سه‌ری بكات، یاخود كه‌سێك ڕوقیه‌ی به‌سه‌ردا بخوێنێ تا چاك بێته‌وه، یاخود وتراوه: ئه‌مه قسه‌ی فریشته‌كانه ئایا كێ ڕوحه‌كه‌ی به‌رز ئه‌كاته‌وه: مه‌لائیكه‌تی ڕه‌حمه‌ت، یاخود مه‌لائیكه‌تی سزا.
Arabische uitleg van de Qur'an:
وَٱلۡتَفَّتِ ٱلسَّاقُ بِٱلسَّاقِ
[ وَالْتَفَّتِ السَّاقُ بِالسَّاقِ (٢٩) ] وه قاچه‌كانی ئه‌ئاڵێنه یه‌كدا ئه‌و قاچه‌ی كه له دونیادا پێی ئه‌ڕۆی ئێستا هه‌ڵی ناگرێت و ناتوانێ پێی بڕوات و قاچی ئاڵاوه‌ته یه‌كدا، وه خه‌ڵكی لاشه‌ی ئاماده ئه‌كه‌ن بۆ ناشتن، وه مه‌لائیكه‌تیش ڕوحه‌كه‌ی ئاماده ئه‌كه‌ن بۆ بردن، یاخود دوارۆژى دونیاو یه‌كه‌م رۆژى قیامه‌ت به‌یه‌ك گه‌یشتن و سه‌ختى به‌سه‌ختى ده‌گات.
Arabische uitleg van de Qur'an:
ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
[ ثُمَّ ذَهَبَ إِلَى أَهْلِهِ يَتَمَطَّى (٣٣) ] پاشان ڕۆیشتۆته‌وه بۆ ناو كه‌سوكاری خۆی به فه‌خرو شانازی كردن و له‌خۆبایی بوونه‌وه، یاخود له ته‌مبه‌ڵیدا وه‌ڵامی بانگخوازی خوای گه‌وره‌ی نه‌داوه‌ته‌وه‌و كارى چاكى نه‌كردووه.
Arabische uitleg van de Qur'an:
أَوۡلَىٰ لَكَ فَأَوۡلَىٰ
[ أَوْلَى لَكَ فَأَوْلَى (٣٤) ثُمَّ أَوْلَى لَكَ فَأَوْلَى (٣٥) ] ئه‌مه هه‌ڕه‌شه له‌سه‌ر هه‌ڕه‌شه‌یه كه پێغه‌مبه‌ری خوا - صلی الله علیه وسلم - وای به ئه‌بوجه‌هل فه‌رمووه‌و پێی فه‌رمووه: (أَوْلَى لَكَ فَأَوْلَى (٣٤) ثُمَّ أَوْلَى لَكَ فَأَوْلَى (٣٥)) خوای گه‌وره‌ش ئه‌م ئایه‌ته‌ی دابه‌زاندووه، واته: ئه‌مه هه‌ڕه‌شه‌یه‌كی سه‌خته له ئه‌بوجه‌هل و كافرانی تر، واته: هه‌ڕه‌شه بۆ تۆ وه هه‌ڕه‌شه‌ی سه‌خت چاوه‌ڕێت ئه‌كات.
Arabische uitleg van de Qur'an:
ثُمَّ أَوۡلَىٰ لَكَ فَأَوۡلَىٰٓ
[ أَوْلَى لَكَ فَأَوْلَى (٣٤) ثُمَّ أَوْلَى لَكَ فَأَوْلَى (٣٥) ] ئه‌مه هه‌ڕه‌شه له‌سه‌ر هه‌ڕه‌شه‌یه كه پێغه‌مبه‌ری خوا - صلی الله علیه وسلم - وای به ئه‌بوجه‌هل فه‌رمووه‌و پێی فه‌رمووه: (أَوْلَى لَكَ فَأَوْلَى (٣٤) ثُمَّ أَوْلَى لَكَ فَأَوْلَى (٣٥)) خوای گه‌وره‌ش ئه‌م ئایه‌ته‌ی دابه‌زاندووه، واته: ئه‌مه هه‌ڕه‌شه‌یه‌كی سه‌خته له ئه‌بوجه‌هل و كافرانی تر، واته: هه‌ڕه‌شه بۆ تۆ وه هه‌ڕه‌شه‌ی سه‌خت چاوه‌ڕێت ئه‌كات.
Arabische uitleg van de Qur'an:
أَيَحۡسَبُ ٱلۡإِنسَٰنُ أَن يُتۡرَكَ سُدًى
[ أَيَحْسَبُ الْإِنْسَانُ أَنْ يُتْرَكَ سُدًى (٣٦) ] ئایا مرۆڤ وا حساب ئه‌كات كه ئیهمال ئه‌كرێ له دونیادا فه‌رمانی پێ ناكرێ وه قه‌ده‌غه ناكرێ وه له‌ناو گۆڕیشدا زیندوو ناكرێته‌وه‌و لێپرسینه‌وه‌ی له‌گه‌ڵدا ناكرێ؟ به‌ڕاستی ئه‌گه‌ر وا حساب بكات ئه‌مه حسابێكی هه‌ڵه‌یه به‌ڵكو له دونیادا فه‌رمانی پێ ئه‌كرێ وه له ڕۆژی قیامه‌ت و ناو قه‌بریشدا لێپرسینه‌وه‌ی له‌گه‌ڵدا ئه‌كرێت له‌سه‌ر هه‌موو شتێك كه له دونیادا ئه‌نجامی دابێ.
Arabische uitleg van de Qur'an:
أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
[ أَلَيْسَ ذَلِكَ بِقَادِرٍ عَلَى أَنْ يُحْيِيَ الْمَوْتَى (٤٠) ] ئایا خوایه‌ك كه مرۆڤ سه‌ره‌تا به‌م شێوه‌یه له دڵۆپه ئاوێك دروست بكات دواتر كه مرۆڤه‌كه هه‌یه‌و ئه‌مرێ ناتوانێ ڕوح بكاته به‌ری و سه‌رله‌نوێ زیندووی بكاته‌وه؟ به‌ڵێ له‌به‌ر ئه‌وه‌ی گه‌ڕاندنه‌وه ئاسانتره له سه‌ره‌تای دروست كردن هه‌ر چه‌نده هه‌مووی بۆ خوای گه‌وره ئاسانه، پێغه‌مبه‌ری خوا - صلی الله علیه وسلم - ئه‌م ئایه‌ته‌ی بخوێندایه ئه‌یفه‌رموو: {سُبْحَانَكَ فَبَلَى} (سنن أبي داود: ٨٨٤ ، سنن البيهقي الكبرى: ٣٥٠٧، انظر تمام المنة (١/ ١٨٦)، أصل صفة صلاة النبي (١/ ٤٠٧)) .سوننه‌ته بڵێی (سُبْحَانَكَ فَبَلَى)، واته: پاك و مونه‌زه‌هی بۆ تۆ ئه‌ی په‌روه‌ردگار به‌ڵێ توانات هه‌یه له‌سه‌ر ئه‌وه‌ی كه سه‌رله‌نوێ مردووه‌كان زیندوو بكه‌یته‌وه، والله أعلم.
Arabische uitleg van de Qur'an:
Vertaling van de betekenissen Surah: Soerat Al-Qi'jaamah (De Resurrectie)
Vertaling van de betekenissen Edele Qur'an - De Koerdische vertaling - Salah al-Din - Index van vertaling
Vertaling van de betekenissen van de Heilige Koran naar het Koerdisch, vertaald door Salah al-Din Abdul Kareem