د معناګانو ژباړه سورت مدثر - د کینیاروانډا ژباړه - د روانډا د مسلمانانو ټولنه - د مخ نمبر 576 - د قرآن کریم دائرة المعارف

آیت: 19

فَقُتِلَ كَيۡفَ قَدَّرَ

Bityo, navumwe kubera umwanzuro yafashe!

آیت: 20

ثُمَّ قُتِلَ كَيۡفَ قَدَّرَ

Niyongere avumwe kubera umwanzuro yafashe!

آیت: 21

ثُمَّ نَظَرَ

Nuko (yubura amaso) areba (abari bamukikije),

آیت: 22

ثُمَّ عَبَسَ وَبَسَرَ

Maze azinga umunya, akambya agahanga,

آیت: 23

ثُمَّ أَدۡبَرَ وَٱسۡتَكۡبَرَ

Nuko atera umugongo (ukuri), maze aribona.

آیت: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Aravuga ati “Ibi (Muhamadi yigisha) nta kindi biri cyo uretse ko ari uburozi (akomora ku barozi bo hambere bakomeye)!”

آیت: 25

إِنۡ هَٰذَآ إِلَّا قَوۡلُ ٱلۡبَشَرِ

“Ibi (Muhamadi yigisha) nta kindi biri cyo uretse ko ari amagambo y’umuntu!”

آیت: 26

سَأُصۡلِيهِ سَقَرَ

Nzamutwikira mu muriro.

آیت: 27

وَمَآ أَدۡرَىٰكَ مَا سَقَرُ

N’iki cyakumenyesha uwo muriro?

آیت: 28

لَا تُبۡقِي وَلَا تَذَرُ

Nta cyo ureka ndetse nta n’icyo usigaza,

آیت: 29

لَوَّاحَةٞ لِّلۡبَشَرِ

Utwika imibiri ukanayishiririza.

آیت: 30

عَلَيۡهَا تِسۡعَةَ عَشَرَ

Urinzwe (n’abamalayika) cumi n’icyenda.

آیت: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Kandi nta bandi twagize abarinzi b’umuriro batari abamalayika. Ndetse twanashyizeho umubare wabo (cumi n’icyenda) kugira ngo tugerageze abahakanyi, no kugira ngo abahawe ibitabo bemere badashidikanya (ko Qur’an ari ukuri kuko ihuriye kuri uwo mubare wanditse mu bitabo byabo); ndetse no kugira ngo abemeramana barusheho kwemera, no kugira ngo abahawe igitabo n’abemeramana batagira ugushidikanya (ku byo bemeye), ndetse no kugira ngo abafite uburwayi (bw’uburyarya) mu mitima n’abahakanyi bavuge bati “Allah yari agamije iki mu gutanga uru rugero?” Uko ni ko Allah arekera mu buyobe uwo ashaka akanayobora uwo ashaka. Kandi nta wamenya ingabo za Nyagasani wawe utari We. Kandi uyu (muriro) nta kindi uri cyo usibye ko ari urwibutso ku bantu.

آیت: 32

كَلَّا وَٱلۡقَمَرِ

Oya si ko biri! Ndahiye ukwezi.

آیت: 33

وَٱلَّيۡلِ إِذۡ أَدۡبَرَ

N’ijoro igihe ricyeye.

آیت: 34

وَٱلصُّبۡحِ إِذَآ أَسۡفَرَ

N’igitondo igihe gitangaje.

آیت: 35

إِنَّهَا لَإِحۡدَى ٱلۡكُبَرِ

Mu by’ukuri uwo (muriro) ni kimwe mu (byago) bihambaye,

آیت: 36

نَذِيرٗا لِّلۡبَشَرِ

Ukaba n’umuburo ku bantu;

آیت: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Ku wo ari we wese muri mwe ushaka kujya imbere (yiyegereza Nyagasani we) cyangwa gusubira inyuma (amwigomekaho).

آیت: 38

كُلُّ نَفۡسِۭ بِمَا كَسَبَتۡ رَهِينَةٌ

Buri wese azafungirwa (mu muriro) bitewe n’ibibi yakoze.

آیت: 39

إِلَّآ أَصۡحَٰبَ ٱلۡيَمِينِ

Uretse abantu b’iburyo (b’abemera nyakuri),

آیت: 40

فِي جَنَّٰتٖ يَتَسَآءَلُونَ

Bazaba bari mu busitani (Ijuru), babazanya

آیت: 41

عَنِ ٱلۡمُجۡرِمِينَ

Ku byerekeye inkozi z’ibibi, (maze bazibaze bati)

آیت: 42

مَا سَلَكَكُمۡ فِي سَقَرَ

“Ni iki cyabateye kuba muri mu muriro?”

آیت: 43

قَالُواْ لَمۡ نَكُ مِنَ ٱلۡمُصَلِّينَ

(Izo nkozi z’ibibi) zizavuga ziti “Ntitwari bamwe mu basenga,”

آیت: 44

وَلَمۡ نَكُ نُطۡعِمُ ٱلۡمِسۡكِينَ

Nta n’ubwo twajyaga tugaburira abakene,

آیت: 45

وَكُنَّا نَخُوضُ مَعَ ٱلۡخَآئِضِينَ

Kandi twajyaga tugirana ibiganiro n’abavuga ibidafite umumaro,

آیت: 46

وَكُنَّا نُكَذِّبُ بِيَوۡمِ ٱلدِّينِ

Ndetse twajyaga duhinyura umunsi w’ibihembo (imperuka).

آیت: 47

حَتَّىٰٓ أَتَىٰنَا ٱلۡيَقِينُ

Kugeza ubwo ukuri kudashidikanywaho (urupfu) kutugezeho.