د معناګانو ژباړه سورت زخرف - لوهیا ژباړه - د نړیوالو علومو او کلتور ټولنه - د مخ نمبر 493 - د قرآن کریم دائرة المعارف

آیت: 48

وَمَا نُرِيهِم مِّنۡ ءَايَةٍ إِلَّا هِيَ أَكۡبَرُ مِنۡ أُخۡتِهَاۖ وَأَخَذۡنَٰهُم بِٱلۡعَذَابِ لَعَلَّهُمۡ يَرۡجِعُونَ

Ne shikhwabechesia eshimanyisio shiosishiosi tawe, halali neshikhongo muno okhushila eshindi shilia, mana nikhubatila khushinyasio khobanyoole okhukalukha.

آیت: 49

وَقَالُواْ يَٰٓأَيُّهَ ٱلسَّاحِرُ ٱدۡعُ لَنَا رَبَّكَ بِمَا عَهِدَ عِندَكَ إِنَّنَا لَمُهۡتَدُونَ

Nibaboola mbu: “Ewe omulosi, khusabile Nyasaye wuwo Omulesi indache yayakhulaka, (nakhurusiliaho eshinyasio shino luno), efwe toto khulalunjikha.”

آیت: 50

فَلَمَّا كَشَفۡنَا عَنۡهُمُ ٱلۡعَذَابَ إِذَا هُمۡ يَنكُثُونَ

Olwa khwabarusiliaho eshinyasio esho, lola habwene nahabwene nibafunaka indache.

آیت: 51

وَنَادَىٰ فِرۡعَوۡنُ فِي قَوۡمِهِۦ قَالَ يَٰقَوۡمِ أَلَيۡسَ لِي مُلۡكُ مِصۡرَ وَهَٰذِهِ ٱلۡأَنۡهَٰرُ تَجۡرِي مِن تَحۡتِيٓۚ أَفَلَا تُبۡصِرُونَ

Firauni nalaanga mubandu bebe nababoolela mbu: “Enywe Abandu banje, shendi Omwami welitokho lia Misri, ne emialo chino chiburanga hasi wanje. Koo, shimulolangakhwo tawe?

آیت: 52

أَمۡ أَنَا۠ خَيۡرٞ مِّنۡ هَٰذَا ٱلَّذِي هُوَ مَهِينٞ وَلَا يَكَادُ يُبِينُ

Nohomba esie shendi noluyali okhushila omuteshele uno, ulanyala okhwinoosia amakhuwa obulayi tawe?

آیت: 53

فَلَوۡلَآ أُلۡقِيَ عَلَيۡهِ أَسۡوِرَةٞ مِّن ذَهَبٍ أَوۡ جَآءَ مَعَهُ ٱلۡمَلَٰٓئِكَةُ مُقۡتَرِنِينَ

Ne shichila shina nalafwalwa ebifwalo bia mumakhono, bieyidhahabu, nohomba yetse nende Abamalaika halala ninaye (bokhumukhoonya)?”

آیت: 54

فَٱسۡتَخَفَّ قَوۡمَهُۥ فَأَطَاعُوهُۚ إِنَّهُمۡ كَانُواْ قَوۡمٗا فَٰسِقِينَ

Mana nabayila Abandu bebe mana nibamufuchilila, toto abo bali Abandu abakori.

آیت: 55

فَلَمَّآ ءَاسَفُونَا ٱنتَقَمۡنَا مِنۡهُمۡ فَأَغۡرَقۡنَٰهُمۡ أَجۡمَعِينَ

Kho olwa bakhusinyisia, khwabatila obutinyu mana nikhubasishia mumaatsi boosi.

آیت: 56

فَجَعَلۡنَٰهُمۡ سَلَفٗا وَمَثَلٗا لِّلۡأٓخِرِينَ

Ne nikhubakhola okhuba abaranjilili nende eshilolelo khubandu beyinyuma.

آیت: 57

۞ وَلَمَّا ضُرِبَ ٱبۡنُ مَرۡيَمَ مَثَلًا إِذَا قَوۡمُكَ مِنۡهُ يَصِدُّونَ

Ne olwa Omwana wa Mariam yachelasibwa (nende Adam), lola, Abandu bo boopa oluyoka khulwa elo.

آیت: 58

وَقَالُوٓاْ ءَأَٰلِهَتُنَا خَيۡرٌ أَمۡ هُوَۚ مَا ضَرَبُوهُ لَكَ إِلَّا جَدَلَۢاۚ بَلۡ هُمۡ قَوۡمٌ خَصِمُونَ

Mana nibaboola mbu: “Abanyasaye befu nibo abalayi nohomba Ye?” Ne shibakhuchelasilia bario tawe halali amayinji butswa. Ne abo ni Abandu bokhusolana butswa.

آیت: 59

إِنۡ هُوَ إِلَّا عَبۡدٌ أَنۡعَمۡنَا عَلَيۡهِ وَجَعَلۡنَٰهُ مَثَلٗا لِّبَنِيٓ إِسۡرَٰٓءِيلَ

Naye (Isa) shali nobunyali tawe halali yali Omusumba wakhwahelesia tsimbabaasi mana nikhumukhola eshilolelo khubana ba Israili.

آیت: 60

وَلَوۡ نَشَآءُ لَجَعَلۡنَا مِنكُم مَّلَٰٓئِكَةٗ فِي ٱلۡأَرۡضِ يَخۡلُفُونَ

Ne khwenyanga, khwakharerere Abamalaika khushialo nibaloondana.