د معناګانو ژباړه سورت معارج - پښتو ژباړه - رواد الترجمة مرکز - د مخ نمبر 568 - د قرآن کریم دائرة المعارف

معارج

آیت: 1

سَاَلَ سَآىِٕلٌۢ بِعَذَابٍ وَّاقِعٍ ۟ۙ

يو غوښتونكي د (هرومرو) پېښېدونكي عذاب غوښتنه وكړه.

آیت: 2

لِّلْكٰفِرِیْنَ لَیْسَ لَهٗ دَافِعٌ ۟ۙ

چې هغه د كافرانو لپاره دى (او) هيڅوك يې ايساروونکی نشته.

آیت: 3

مِّنَ اللّٰهِ ذِی الْمَعَارِجِ ۟ؕ

د مرتبو څښتن الله له لوري.

آیت: 4

تَعْرُجُ الْمَلٰٓىِٕكَةُ وَالرُّوْحُ اِلَیْهِ فِیْ یَوْمٍ كَانَ مِقْدَارُهٗ خَمْسِیْنَ اَلْفَ سَنَةٍ ۟ۚ

هغه ته پرېښتې او روح ورخېژي په هغه ورځ چې اندازه يې پنځوس زره كاله ده.

آیت: 5

فَاصْبِرْ صَبْرًا جَمِیْلًا ۟

نو ته صبر كوه، ښه صبر.

آیت: 6

اِنَّهُمْ یَرَوْنَهٗ بَعِیْدًا ۟ۙ

هغوى خو يې لېرې انګېري.

آیت: 7

وَّنَرٰىهُ قَرِیْبًا ۟ؕ

خو موږ يې نېږدې وينو.

آیت: 8

یَوْمَ تَكُوْنُ السَّمَآءُ كَالْمُهْلِ ۟ۙ

هغه ورځ چې اسمان ويلې شوې كلايي غوندې شي.

آیت: 9

وَتَكُوْنُ الْجِبَالُ كَالْعِهْنِ ۟ۙ

او غرونه به د ټكول شوې وړۍ غوندې وي.

آیت: 10

وَلَا یَسْـَٔلُ حَمِیْمٌ حَمِیْمًا ۟ۚۖ

او پوښتنه به نشې کولی یو دوست له بل دوست نه.