د معناګانو ژباړه سورت الشمس - پښتو ژباړ - مرکز رواد الترجمة - د قرآن کریم دائرة المعارف

الشمس

آیت: 1

وَالشَّمْسِ وَضُحٰىهَا ۟

قسم دی پر لمر او د هغه پر غرمو.

آیت: 2

وَالْقَمَرِ اِذَا تَلٰىهَا ۟

او پر سپوږمۍ قسم چې ور پسې راشي.

آیت: 3

وَالنَّهَارِ اِذَا جَلّٰىهَا ۟

او په ورځ قسم چې هغه (لمر) څرګند کړي.

آیت: 4

وَالَّیْلِ اِذَا یَغْشٰىهَا ۟

او په شپه قسم چې کله هغه وپوښي.

آیت: 5

وَالسَّمَآءِ وَمَا بَنٰىهَا ۟

او په اسمان قسم او په هغه ذات قسم چې جوړ کړی یې دی.

آیت: 6

وَالْاَرْضِ وَمَا طَحٰىهَا ۟

او په ځمكه او په هغه ذات چې غوړولې يې ده.

آیت: 7

وَنَفْسٍ وَّمَا سَوّٰىهَا ۟

او پر (انساني) نفس او هغه ذات قسم چې برابر کړی يې دی.

آیت: 8

فَاَلْهَمَهَا فُجُوْرَهَا وَتَقْوٰىهَا ۟

نو ښودلې یې ده هغه ته لار د بدۍ او د تقوا.

آیت: 9

قَدْ اَفْلَحَ مَنْ زَكّٰىهَا ۟

په رېښتيا هغه څوک بریالی شو چې پاک يې کړ(خپل ځان).

آیت: 10

وَقَدْ خَابَ مَنْ دَسّٰىهَا ۟ؕ

او په تحقيق سره نامراد زيانمن شو هغه څوك چې پټ يې كړ دغه (نفس په ګناهونو کې).

آیت: 11

كَذَّبَتْ ثَمُوْدُ بِطَغْوٰىهَاۤ ۟

ثموديانو په خپله سرکښۍ هغه درواغ وباله.

آیت: 12

اِذِ انْۢبَعَثَ اَشْقٰىهَا ۟

کله چې تر ټولو بدمرغه سړي يې ترپ کړل.

آیت: 13

فَقَالَ لَهُمْ رَسُوْلُ اللّٰهِ نَاقَةَ اللّٰهِ وَسُقْیٰهَا ۟ؕ

نو د الله رسول ورته وويل پرېږدئ د الله اوښه او د هغې د څښاک نوبت.

آیت: 14

فَكَذَّبُوْهُ فَعَقَرُوْهَا— فَدَمْدَمَ عَلَیْهِمْ رَبُّهُمْ بِذَنْۢبِهِمْ فَسَوّٰىهَا ۟

خو هغوی درواغجن وګڼلو او اوښه يې ووژله، بيا نو د هغوی پالونکي سخت عذاب پرې راکوز کړ د هغوی د ګناه له امله يې ټول سره يو برابر کړل.

آیت: 15

وَلَا یَخَافُ عُقْبٰهَا ۟۠

او هغه يې له پايلې څخه نه وېريږي.