د معناګانو ژباړه سورت مدثر - پښتو ژباړه - سرفراز - د مخ نمبر 575 - د قرآن کریم دائرة المعارف

مدثر

آیت: 1

یٰۤاَیُّهَا الْمُدَّثِّرُ ۟ۙ

ای ځان نغښتونکیه!.

آیت: 2

قُمْ فَاَنْذِرْ ۟ۙ

پورته شه او خلک وډاروه.

آیت: 3

وَرَبَّكَ فَكَبِّرْ ۟ۙ

خپل رب په لويي یاد کړه.

آیت: 4

وَثِیَابَكَ فَطَهِّرْ ۟ۙ

او لباس دې پاک کړه.

آیت: 5

وَالرُّجْزَ فَاهْجُرْ ۟ۙ

او ناپاکې پریږده.

آیت: 6

وَلَا تَمْنُنْ تَسْتَكْثِرُ ۟ۙ

او ښیګڼه مه کوه چې بدل یې ډير غواړې.

آیت: 7

وَلِرَبِّكَ فَاصْبِرْ ۟ؕ

او د خپل رب لپاره صبر وکړه.

آیت: 8

فَاِذَا نُقِرَ فِی النَّاقُوْرِ ۟ۙ

نو کله چې په شپیلۍ کې پو وشي.

آیت: 9

فَذٰلِكَ یَوْمَىِٕذٍ یَّوْمٌ عَسِیْرٌ ۟ۙ

دا خورا سخته ورځ ده.

آیت: 10

عَلَی الْكٰفِرِیْنَ غَیْرُ یَسِیْرٍ ۟

پر کافرانو اسانه نه ده.

آیت: 11

ذَرْنِیْ وَمَنْ خَلَقْتُ وَحِیْدًا ۟ۙ

ما او هغه سره پریږده چې ما یوازې په یو ځان پیدا کړي دي.

آیت: 12

وَّجَعَلْتُ لَهٗ مَالًا مَّمْدُوْدًا ۟ۙ

او ډیر زیات مال مې ور کړی دی.

آیت: 13

وَّبَنِیْنَ شُهُوْدًا ۟ۙ

او ملاتړي ځامن هم.

آیت: 14

وَّمَهَّدْتُّ لَهٗ تَمْهِیْدًا ۟ۙ

او هغه ته مې حالات برابر کړي دي.

آیت: 15

ثُمَّ یَطْمَعُ اَنْ اَزِیْدَ ۟ۙ

بیا هم هیله لري چې زه نوره زیاته پیرزوینه هم وکړم.

آیت: 16

كَلَّا ؕ— اِنَّهٗ كَانَ لِاٰیٰتِنَا عَنِیْدًا ۟ؕ

نه هیڅکله نه.بلکې زمونږ د ایتونو کلک دښمن دی.

آیت: 17

سَاُرْهِقُهٗ صَعُوْدًا ۟ؕ

ډیر ژر به یي د عذاب لوړې پوړۍ ته وخیژوم.

آیت: 18

اِنَّهٗ فَكَّرَ وَقَدَّرَ ۟ۙ

بې شکه چې هغه فکر وکړ او بیا یې اټکل.