د معناګانو ژباړه سورت مرسلات - پښتو ژباړه - سرفراز - د قرآن کریم دائرة المعارف

مرسلات

آیت: 1

وَالْمُرْسَلٰتِ عُرْفًا ۟ۙ

قسم په پرله پسې لیږلو شوو بادونو.

آیت: 2

فَالْعٰصِفٰتِ عَصْفًا ۟ۙ

نو قسم په تیزوالوتکو بادونو.

آیت: 3

وَّالنّٰشِرٰتِ نَشْرًا ۟ۙ

او قسم په هغو بادونو چې وریځې خپروي.

آیت: 4

فَالْفٰرِقٰتِ فَرْقًا ۟ۙ

او قسم په جلا کوونکو بادونو.

آیت: 5

فَالْمُلْقِیٰتِ ذِكْرًا ۟ۙ

نو قسم په پند راړونکو ملایکو.

آیت: 6

عُذْرًا اَوْ نُذْرًا ۟ۙ

چې د عذر د لرې کولو او یاد ډارولو لپاره یي راوړي.

آیت: 7

اِنَّمَا تُوْعَدُوْنَ لَوَاقِعٌ ۟ؕ

بیشکه چې له تاسې سره وعده شوی چې پیښه خامخا واقع کیږي.

آیت: 8

فَاِذَا النُّجُوْمُ طُمِسَتْ ۟ۙ

نو کله چې ستوري بې رڼا او تت شي.

آیت: 9

وَاِذَا السَّمَآءُ فُرِجَتْ ۟ۙ

او کله چې اسمان خیرې شي.

آیت: 10

وَاِذَا الْجِبَالُ نُسِفَتْ ۟ۙ

او کله چې غرونه والوزول شي.

آیت: 11

وَاِذَا الرُّسُلُ اُقِّتَتْ ۟ؕ

او کله چې د رسولانو د راټولولو لپاره نیټه وټاکلي شي.

آیت: 12

لِاَیِّ یَوْمٍ اُجِّلَتْ ۟ؕ

د کومې ورځې لپاره دا کار وروسته کړای شوی؟

آیت: 13

لِیَوْمِ الْفَصْلِ ۟ۚ

د پریکوونکې ورځې لپاره.

آیت: 14

وَمَاۤ اَدْرٰىكَ مَا یَوْمُ الْفَصْلِ ۟ؕ

ته څه پوه کړې چې د پریکړې ورځ څه ده؟

آیت: 15

وَیْلٌ یَّوْمَىِٕذٍ لِّلْمُكَذِّبِیْنَ ۟

پدې ورځ د درواغ ګڼونکو لپاره هلاکت دی.

آیت: 16

اَلَمْ نُهْلِكِ الْاَوَّلِیْنَ ۟ؕ

ایا مونږ پخواني ندي هلاک کړي؟

آیت: 17

ثُمَّ نُتْبِعُهُمُ الْاٰخِرِیْنَ ۟

او وروستني هم ور پسې کوو.

آیت: 18

كَذٰلِكَ نَفْعَلُ بِالْمُجْرِمِیْنَ ۟

مونږ له مجرمانو سره همدا ډول کړنه کوو.

آیت: 19

وَیْلٌ یَّوْمَىِٕذٍ لِّلْمُكَذِّبِیْنَ ۟

پدې ورځ د درواغ ګڼونکو لپاره هلاکت دی.

آیت: 20

اَلَمْ نَخْلُقْكُّمْ مِّنْ مَّآءٍ مَّهِیْنٍ ۟ۙ

ایا تاسې مو له سپکو اوبو څخه نه يې پیدا کړي؟

آیت: 21

فَجَعَلْنٰهُ فِیْ قَرَارٍ مَّكِیْنٍ ۟ۙ

دا اوبه مو په یو تم ځای کې تم کړي.

آیت: 22

اِلٰی قَدَرٍ مَّعْلُوْمٍ ۟ۙ

تر معلومې نيټې.

آیت: 23

فَقَدَرْنَا ۖۗ— فَنِعْمَ الْقٰدِرُوْنَ ۟

هلته مو ورته اندازه وټاکله او مونږ غوره اندازه کوونکي یو.

آیت: 24

وَیْلٌ یَّوْمَىِٕذٍ لِّلْمُكَذِّبِیْنَ ۟

په دې ورځ د درواغ ګڼونکو لپاره هلاکت دی.

آیت: 25

اَلَمْ نَجْعَلِ الْاَرْضَ كِفَاتًا ۟ۙ

ایا ځمکه مو راټولوونکې نده ګرځولې.

آیت: 26

اَحْیَآءً وَّاَمْوَاتًا ۟ۙ

د ژوندیو او مړو.

آیت: 27

وَّجَعَلْنَا فِیْهَا رَوَاسِیَ شٰمِخٰتٍ وَّاَسْقَیْنٰكُمْ مَّآءً فُرَاتًا ۟ؕ

او په ځمکه کې مو لری او دنګ غرونه ګرځولي او تاسې مې په خوږو او تنده ماتوونکو اوبو خړوبه کړي یئ.

آیت: 28

وَیْلٌ یَّوْمَىِٕذٍ لِّلْمُكَذِّبِیْنَ ۟

په دې ورځ د درواغ ګڼونکو لپاره هلاکت دی.

آیت: 29

اِنْطَلِقُوْۤا اِلٰی مَا كُنْتُمْ بِهٖ تُكَذِّبُوْنَ ۟ۚ

ای کافرانو! د هغه څه په لور ولاړ شئ چې تاسې به درواغ ګڼل.

آیت: 30

اِنْطَلِقُوْۤا اِلٰی ظِلٍّ ذِیْ ثَلٰثِ شُعَبٍ ۟ۙ

د هغه سیورې په لور ولاړ شئ چې دې څانګی به لري.

آیت: 31

لَّا ظَلِیْلٍ وَّلَا یُغْنِیْ مِنَ اللَّهَبِ ۟ؕ

نه سیوري کوي اونه له لمبو څخه ژغورنه.

آیت: 32

اِنَّهَا تَرْمِیْ بِشَرَرٍ كَالْقَصْرِ ۟ۚ

دا اور به د ماڼۍ په شان سپرغی بادوي.

آیت: 33

كَاَنَّهٗ جِمٰلَتٌ صُفْرٌ ۟ؕ

(ته به وايې)ګواکې ژیر اوښان دي.

آیت: 34

وَیْلٌ یَّوْمَىِٕذٍ لِّلْمُكَذِّبِیْنَ ۟

په همدې ورځ د درواغ ګڼونکو لپاره هلاکت دی.

آیت: 35

هٰذَا یَوْمُ لَا یَنْطِقُوْنَ ۟ۙ

پدې ورځ به خبرې نه کوي.

آیت: 36

وَلَا یُؤْذَنُ لَهُمْ فَیَعْتَذِرُوْنَ ۟

او نه به اجازه ورکړای شي چې عذرونه او بانې وړاندې کړي.

آیت: 37

وَیْلٌ یَّوْمَىِٕذٍ لِّلْمُكَذِّبِیْنَ ۟

په همدې ورځ د درواغ ګڼونکو لپاره هلاکت دی.

آیت: 38

هٰذَا یَوْمُ الْفَصْلِ ۚ— جَمَعْنٰكُمْ وَالْاَوَّلِیْنَ ۟

دا د پریکړی ورځ ده چې تاسې او پخواني ټول مې را ټول کړي يې.

آیت: 39

فَاِنْ كَانَ لَكُمْ كَیْدٌ فَكِیْدُوْنِ ۟

نو که تاسې سره له عذاب څخه د ژغورلو کوم چل او دسیسه وي نو ویي کړئ.

آیت: 40

وَیْلٌ یَّوْمَىِٕذٍ لِّلْمُكَذِّبِیْنَ ۟۠

په همدې ورځ د درواغ ګڼونکو لپاره هلاکت دی.

آیت: 41

اِنَّ الْمُتَّقِیْنَ فِیْ ظِلٰلٍ وَّعُیُوْنٍ ۟ۙ

بیشکه چې پرهیزګاران به په سیورو کې د چینو تر اړخ وي

آیت: 42

وَّفَوَاكِهَ مِمَّا یَشْتَهُوْنَ ۟ؕ

او د هیلو مطابق هر ډول میوې به يي په مخکې وي.

آیت: 43

كُلُوْا وَاشْرَبُوْا هَنِیْٓـًٔا بِمَا كُنْتُمْ تَعْمَلُوْنَ ۟

(او ورته به وویل شي چې)په خوند او لذت سره خوراک او څښاک وکړئ دا ستاسې د کړنو بدل دی.

آیت: 44

اِنَّا كَذٰلِكَ نَجْزِی الْمُحْسِنِیْنَ ۟

نو په همدې ډول نیکو کارانو ته بدل ورکوو.

آیت: 45

وَیْلٌ یَّوْمَىِٕذٍ لِّلْمُكَذِّبِیْنَ ۟

په دې ورځ د درواغ ګڼونکو لپاره هلاکت دی.

آیت: 46

كُلُوْا وَتَمَتَّعُوْا قَلِیْلًا اِنَّكُمْ مُّجْرِمُوْنَ ۟

ای درواغ ګڼونکو!د لږ وخت لپاره خوراک وکړئ او له دنیوي څیزونو څخه لږه ګټه واخلئ بیشکه چې تاسې مجرمان یئ.

آیت: 47

وَیْلٌ یَّوْمَىِٕذٍ لِّلْمُكَذِّبِیْنَ ۟

په دې ورځ د درواغ ګڼونکو لپاره هلاکت دی

آیت: 48

وَاِذَا قِیْلَ لَهُمُ ارْكَعُوْا لَا یَرْكَعُوْنَ ۟

او کله چې ورته وویل شو چې رکوع وکړئ رکوع نه کوي.

آیت: 49

وَیْلٌ یَّوْمَىِٕذٍ لِّلْمُكَذِّبِیْنَ ۟

په دې ورځ د درواغ ګڼونکو لپاره هلاکت دی.

آیت: 50

فَبِاَیِّ حَدِیْثٍ بَعْدَهٗ یُؤْمِنُوْنَ ۟۠

نو له دې قران څخه وروسته به په کومه خبره ایمان راوړي؟