د معناګانو ژباړه سورت فجر - پښتو ژباړه - سرفراز - د مخ نمبر 593 - د قرآن کریم دائرة المعارف

فجر

آیت: 1

وَالْفَجْرِ ۟ۙ

لوړه په سهار.

آیت: 2

وَلَیَالٍ عَشْرٍ ۟ۙ

او لسو شپو.

آیت: 3

وَّالشَّفْعِ وَالْوَتْرِ ۟ۙ

او پر جوړه او طاق.

آیت: 4

وَالَّیْلِ اِذَا یَسْرِ ۟ۚ

او پر شپه چې کله روانیږي.

آیت: 5

هَلْ فِیْ ذٰلِكَ قَسَمٌ لِّذِیْ حِجْرٍ ۟ؕ

ایا په دې کې د هوښیار لپاره د منلو قسم شته؟

آیت: 6

اَلَمْ تَرَ كَیْفَ فَعَلَ رَبُّكَ بِعَادٍ ۟

ایا تا ونه لیدل چې ستا رب له عادیانو سره څه وکړل؟

آیت: 7

اِرَمَ ذَاتِ الْعِمَادِ ۟

د لویو ستنو لرونکو ارم[۱۴]سره.

[۱۴] ـ دايي د نیکه یاد کومې واکمنې کورنۍ لقب دی.(کابلی تفسیر)

آیت: 8

الَّتِیْ لَمْ یُخْلَقْ مِثْلُهَا فِی الْبِلَادِ ۟

چې په هیوادونو کې یي انډول نه وو پیدا شوي.

آیت: 9

وَثَمُوْدَ الَّذِیْنَ جَابُوا الصَّخْرَ بِالْوَادِ ۟

او څه یې وکړل له هغو ثمودیانو سره چې په وادۍ کې یي سمڅې جوړولې؟

آیت: 10

وَفِرْعَوْنَ ذِی الْاَوْتَادِ ۟

او څه يي وکړل د میخونو له څښتن فرعون سره؟

آیت: 11

الَّذِیْنَ طَغَوْا فِی الْبِلَادِ ۟

چې په هیوادونو کې یې سرغړونه کړې وه.

آیت: 12

فَاَكْثَرُوْا فِیْهَا الْفَسَادَ ۟

او فساد یې پکې جوړ کړی و.

آیت: 13

فَصَبَّ عَلَیْهِمْ رَبُّكَ سَوْطَ عَذَابٍ ۟ۚۙ

نو بالاخره ستا رب پرې د عذاب دره او قمچینه راکوزه کړه.

آیت: 14

اِنَّ رَبَّكَ لَبِالْمِرْصَادِ ۟ؕ

حقیقت دادی چې ستا رب په څارنځی کې دی.

آیت: 15

فَاَمَّا الْاِنْسَانُ اِذَا مَا ابْتَلٰىهُ رَبُّهٗ فَاَكْرَمَهٗ وَنَعَّمَهٗ ۙ۬— فَیَقُوْلُ رَبِّیْۤ اَكْرَمَنِ ۟ؕ

مګر انسان چې کله یې خپل رب وازمايي نو ويي پالي او نعمت ورکړي نو وايې چې زما رب زما پالنه کړې ده.(ځکه چې په ما کې یي ځای شته).

آیت: 16

وَاَمَّاۤ اِذَا مَا ابْتَلٰىهُ فَقَدَرَ عَلَیْهِ رِزْقَهٗ ۙ۬— فَیَقُوْلُ رَبِّیْۤ اَهَانَنِ ۟ۚ

او کله يي چې بیا په سختۍ وازمايي نو روزي یي ورکمه کړي بیا وایې چې زه خپل رب سپک کړم.

آیت: 17

كَلَّا بَلْ لَّا تُكْرِمُوْنَ الْیَتِیْمَ ۟ۙ

نه:هیڅکله داسې نده بلکې تاسې يي چې د یتیم خیال نه ساتئ.

آیت: 18

وَلَا تَحٰٓضُّوْنَ عَلٰی طَعَامِ الْمِسْكِیْنِ ۟ۙ

او نه یو بل هڅوئ چې بې وسې ته خوراک ورکړي.

آیت: 19

وَتَاْكُلُوْنَ التُّرَاثَ اَكْلًا لَّمًّا ۟ۙ

او تاسې يي چې په میراث پاتې شوی مالونه په دواړو لاسونو راټولوئ.

آیت: 20

وَّتُحِبُّوْنَ الْمَالَ حُبًّا جَمًّا ۟ؕ

او له مال سره مو له اندازې ډيره مینه ده.

آیت: 21

كَلَّاۤ اِذَا دُكَّتِ الْاَرْضُ دَكًّا دَكًّا ۟ۙ

نه هیڅکله داسې نه ده کله چې ځمکه ټوټه،ټوټه وټکول شي.

آیت: 22

وَّجَآءَ رَبُّكَ وَالْمَلَكُ صَفًّا صَفًّا ۟ۚ

ستا رب راشي،او ملایکې لیکه په لیکه ودریږي.