د معناګانو ژباړه سورت شمس - پښتو ژباړه - سرفراز - د مخ نمبر 595 - د قرآن کریم دائرة المعارف

شمس

آیت: 1

وَالشَّمْسِ وَضُحٰىهَا ۟

قسم په لمر او د هغه په رڼا.

آیت: 2

وَالْقَمَرِ اِذَا تَلٰىهَا ۟

قسم په سپوږمۍ چې له لمر وروسته راوخیژي.

آیت: 3

وَالنَّهَارِ اِذَا جَلّٰىهَا ۟

قسم په ورځ چې لمر را ښکاره کړي.

آیت: 4

وَالَّیْلِ اِذَا یَغْشٰىهَا ۟

قسم په شپه چې لمر پټ کړي.

آیت: 5

وَالسَّمَآءِ وَمَا بَنٰىهَا ۟

قسم په اسمان او د هغه په جوړوونکي ذات.

آیت: 6

وَالْاَرْضِ وَمَا طَحٰىهَا ۟

قسم په ځمکه او د هغې په غوړوونکي ذات.

آیت: 7

وَنَفْسٍ وَّمَا سَوّٰىهَا ۟

قسم په نفس او د هغه په برابر وونکي ذات.

آیت: 8

فَاَلْهَمَهَا فُجُوْرَهَا وَتَقْوٰىهَا ۟

نو په زړه کې يي ورو اچوله بدي او نیکي.

آیت: 9

قَدْ اَفْلَحَ مَنْ زَكّٰىهَا ۟

په رښتیا چې بریمن شو هغه چې نفس يې پاک کړ.

آیت: 10

وَقَدْ خَابَ مَنْ دَسّٰىهَا ۟ؕ

او زیانمن شوهغه چې خپل نفس یې له ګناهونو څخه لاندې کړ.

آیت: 11

كَذَّبَتْ ثَمُوْدُ بِطَغْوٰىهَاۤ ۟

ثمودیانو د خپلې سرغړونې له کبله رسول درواغجن ګڼلی و.

آیت: 12

اِذِ انْۢبَعَثَ اَشْقٰىهَا ۟

پدې ډول چې کله یې بدبخته ورانکاری راپورته شو.

آیت: 13

فَقَالَ لَهُمْ رَسُوْلُ اللّٰهِ نَاقَةَ اللّٰهِ وَسُقْیٰهَا ۟ؕ

نو د الله رسول ورته وویل:د الله اوښې ته لاس ورنه وړئ.او نه یې له اوبو سره کار ولرئ.

آیت: 14

فَكَذَّبُوْهُ فَعَقَرُوْهَا— فَدَمْدَمَ عَلَیْهِمْ رَبُّهُمْ بِذَنْۢبِهِمْ فَسَوّٰىهَا ۟

خو هغوی درواغجن وګاڼه او اوښه یې زخمې کړه رب ئې پرې خپل قهر او غضب راښکته کړ او ټوله ځمکه يې پرې یو برابر کړه.

آیت: 15

وَلَا یَخَافُ عُقْبٰهَا ۟۠

او الله دخپلې کړنې له نتیجې څخه نه ډاریږي.