Tradução dos significados Surah An-Najm - Tradução Fula de interpretação abreviada do Nobre Alcorão. - Número de página 528 - Enciclopédia do Nobre Qur’an

Versículo: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

E wonnde O tagii nooneeji ɗin : gorel e deyel.

Versículo: 46

مِن نُّطۡفَةٍ إِذَا تُمۡنَىٰ

Immorde e toɓɓere maniiyu si rufaama e rennga.

Versículo: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

E wonnde ko Kanko woodani tagitugol ɗin ɗiɗi ɓaawo ɗi maayude.

Versículo: 48

وَأَنَّهُۥ هُوَ أَغۡنَىٰ وَأَقۡنَىٰ

E wonnde ko Kanko alɗiniri jeyaaɓe Makko ɓe yiɗani jawdi, O yeɗi ɓe jawle ɗe yimɓe ɗaɓɓata.

Versículo: 49

وَأَنَّهُۥ هُوَ رَبُّ ٱلشِّعۡرَىٰ

E wonnde ko Kanko woni Jeyɗo hoodere Si'iraa, nde yoga e sirkooɓe rewata kafida nde e Allah.

Versículo: 50

وَأَنَّهُۥٓ أَهۡلَكَ عَادًا ٱلۡأُولَىٰ

E wonnde ko Kanko halkunoo Aadi'en adinooɓe, ɓen woni yimɓe Huudi ɓen, fewndo ɓe haɓɓitinoo e keeferaaku ngun.

Versículo: 51

وَثَمُودَاْ فَمَآ أَبۡقَىٰ

O halki kadi Samuuda'en, yimɓe Saalih ɓen, O heddinaano hay gooto e maɓɓe.

Versículo: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Ko non kadi O hlkirnoo yimɓe Nuuhu ɓen ado Aadi'en e Samuuda'en. Pellet, yimɓe Nuuhu ɓen laatino ɓurɓe tooñude e tiiɗude bewre diini Aadi'en e Samuuda'en. Tawde Nuuhu wonnduno e maɓɓe duuɓi ujunere ŋakkirɗum cappanɗe jowi, himo nodda ɓe e wootinɗingol Allah, kono ɓe salii nootagol mo.

Versículo: 53

وَٱلۡمُؤۡتَفِكَةَ أَهۡوَىٰ

E ca'e yimɓe Luutu ɓen ɓen O wayliti haa ka kammu, refti O wayliti ɓe ka leydi.

Versículo: 54

فَغَشَّىٰهَا مَا غَشَّىٰ

O hippiri ɗe kaaƴe ɗen ɗe O hippi e maɓɓe ɓaawo O townude ɓe ka kammu, O liɓde ka leydi.

Versículo: 55

فَبِأَيِّ ءَالَآءِ رَبِّكَ تَتَمَارَىٰ

Ko honɗum e neemaaji Joomi maa tinndinayɗi e kattal Makko woni wennjata fii mun, ronkaa waajitorde ɗum, an oo neɗɗanke?

Versículo: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Awa oo Nulaaɗo immninaaɗo e mon, ko jeyaaɗo e Nulaaɓe adinooɓe.

Versículo: 57

أَزِفَتِ ٱلۡأٓزِفَةُ

Darngal hewtungal ngal ɓadike.

Versículo: 58

لَيۡسَ لَهَا مِن دُونِ ٱللَّهِ كَاشِفَةٌ

Duñoowo ngal itta, maa ƴellitotooɗo fii maggal, alaa si wanaa Allah.

Versículo: 59

أَفَمِنۡ هَٰذَا ٱلۡحَدِيثِ تَعۡجَبُونَ

E ko ndee yewtere Al*ur'aana janngeteende e dow mon, woni ko haawetoɗon wiide ko ka Allah nde iwri?

Versículo: 60

وَتَضۡحَكُونَ وَلَا تَبۡكُونَ

Hiɗon jala jalkita nde, on wullataa tuma nanuɗon waaju mayre?

Versículo: 61

وَأَنتُمۡ سَٰمِدُونَ

Hara ko on weldiiɓe, ɓe haajaaka e mayre?

Versículo: 62

فَٱسۡجُدُواْۤ لِلَّهِۤ وَٱعۡبُدُواْ۩

Koni sujjanee Allah, laɓɓinanon Mo dewal.

Das notas do versículo nesta página:

• عدم التأثر بالقرآن نذير شؤم.

Anngal battinorgol Alqur'aana no wa'i wa kiite.

• خطر اتباع الهوى على النفس في الدنيا والآخرة.

Aayeeje ɗen hollii fii bone jokkugol mbeleeɗe wonkii ka aduna e ka laakara.

• عدم الاتعاظ بهلاك الأمم صفة من صفات الكفار.

Anngal waajitorgol halkude mofte adinooɓe, ko jikku heeferɓe.