భావార్ధాల అనువాదం సూరహ్ అ-నజ్మ్ - ఫులాని అనువాదం - అల్ ఖుర్ఆన్ అల్ కరీమ్ యొక్క సంక్షిప్త తఫ్సీర్ వ్యాఖ్యానం - పేజీ నెంబరు 528 - పవిత్ర ఖుర్ఆన్ యొక్క ఎన్సైక్లోపీడియా

వచనం: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

E wonnde O tagii nooneeji ɗin : gorel e deyel.

వచనం: 46

مِن نُّطۡفَةٍ إِذَا تُمۡنَىٰ

Immorde e toɓɓere maniiyu si rufaama e rennga.

వచనం: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

E wonnde ko Kanko woodani tagitugol ɗin ɗiɗi ɓaawo ɗi maayude.

వచనం: 48

وَأَنَّهُۥ هُوَ أَغۡنَىٰ وَأَقۡنَىٰ

E wonnde ko Kanko alɗiniri jeyaaɓe Makko ɓe yiɗani jawdi, O yeɗi ɓe jawle ɗe yimɓe ɗaɓɓata.

వచనం: 49

وَأَنَّهُۥ هُوَ رَبُّ ٱلشِّعۡرَىٰ

E wonnde ko Kanko woni Jeyɗo hoodere Si'iraa, nde yoga e sirkooɓe rewata kafida nde e Allah.

వచనం: 50

وَأَنَّهُۥٓ أَهۡلَكَ عَادًا ٱلۡأُولَىٰ

E wonnde ko Kanko halkunoo Aadi'en adinooɓe, ɓen woni yimɓe Huudi ɓen, fewndo ɓe haɓɓitinoo e keeferaaku ngun.

వచనం: 51

وَثَمُودَاْ فَمَآ أَبۡقَىٰ

O halki kadi Samuuda'en, yimɓe Saalih ɓen, O heddinaano hay gooto e maɓɓe.

వచనం: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Ko non kadi O hlkirnoo yimɓe Nuuhu ɓen ado Aadi'en e Samuuda'en. Pellet, yimɓe Nuuhu ɓen laatino ɓurɓe tooñude e tiiɗude bewre diini Aadi'en e Samuuda'en. Tawde Nuuhu wonnduno e maɓɓe duuɓi ujunere ŋakkirɗum cappanɗe jowi, himo nodda ɓe e wootinɗingol Allah, kono ɓe salii nootagol mo.

వచనం: 53

وَٱلۡمُؤۡتَفِكَةَ أَهۡوَىٰ

E ca'e yimɓe Luutu ɓen ɓen O wayliti haa ka kammu, refti O wayliti ɓe ka leydi.

వచనం: 54

فَغَشَّىٰهَا مَا غَشَّىٰ

O hippiri ɗe kaaƴe ɗen ɗe O hippi e maɓɓe ɓaawo O townude ɓe ka kammu, O liɓde ka leydi.

వచనం: 55

فَبِأَيِّ ءَالَآءِ رَبِّكَ تَتَمَارَىٰ

Ko honɗum e neemaaji Joomi maa tinndinayɗi e kattal Makko woni wennjata fii mun, ronkaa waajitorde ɗum, an oo neɗɗanke?

వచనం: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Awa oo Nulaaɗo immninaaɗo e mon, ko jeyaaɗo e Nulaaɓe adinooɓe.

వచనం: 57

أَزِفَتِ ٱلۡأٓزِفَةُ

Darngal hewtungal ngal ɓadike.

వచనం: 58

لَيۡسَ لَهَا مِن دُونِ ٱللَّهِ كَاشِفَةٌ

Duñoowo ngal itta, maa ƴellitotooɗo fii maggal, alaa si wanaa Allah.

వచనం: 59

أَفَمِنۡ هَٰذَا ٱلۡحَدِيثِ تَعۡجَبُونَ

E ko ndee yewtere Al*ur'aana janngeteende e dow mon, woni ko haawetoɗon wiide ko ka Allah nde iwri?

వచనం: 60

وَتَضۡحَكُونَ وَلَا تَبۡكُونَ

Hiɗon jala jalkita nde, on wullataa tuma nanuɗon waaju mayre?

వచనం: 61

وَأَنتُمۡ سَٰمِدُونَ

Hara ko on weldiiɓe, ɓe haajaaka e mayre?

వచనం: 62

فَٱسۡجُدُواْۤ لِلَّهِۤ وَٱعۡبُدُواْ۩

Koni sujjanee Allah, laɓɓinanon Mo dewal.

ఈ పేజీలోని వచనాల ద్వారా లభించే ప్రయోజనాలు:

• عدم التأثر بالقرآن نذير شؤم.

Anngal battinorgol Alqur'aana no wa'i wa kiite.

• خطر اتباع الهوى على النفس في الدنيا والآخرة.

Aayeeje ɗen hollii fii bone jokkugol mbeleeɗe wonkii ka aduna e ka laakara.

• عدم الاتعاظ بهلاك الأمم صفة من صفات الكفار.

Anngal waajitorgol halkude mofte adinooɓe, ko jikku heeferɓe.