Tradução dos significados Surah Suratu An-Naazi'aat - tradução Hawsia - Abu Bakr Jumi - Enciclopédia do Nobre Qur’an

Suratu Al'nazi'at

Versículo: 1

وَٱلنَّٰزِعَٰتِ غَرۡقٗا

Ina rantsuwa da mala'iku mãsu fisgar rãyuka (na kafirai) da ƙarfi.

Versículo: 2

وَٱلنَّٰشِطَٰتِ نَشۡطٗا

Da mãsu ɗibar rãyuka (na mũminai) da sauƙi a cikin nishãɗi.

Versículo: 3

وَٱلسَّٰبِحَٰتِ سَبۡحٗا

Da mãsu sauka daga sama da umurnin Allah kamar suna iyo.

Versículo: 4

فَٱلسَّٰبِقَٰتِ سَبۡقٗا

Sa'an nan, su zama mãsu gaugãwa (da umarnin Allah) kamar suna tsẽre.

Versículo: 5

فَٱلۡمُدَبِّرَٰتِ أَمۡرٗا

Sa, an nan, su kasance masu shirya gudanar da umarni.

Versículo: 6

يَوۡمَ تَرۡجُفُ ٱلرَّاجِفَةُ

Rãnar da mai girgiza abũbuwa (bũsar farko) zã ta kaɗa.

Versículo: 7

تَتۡبَعُهَا ٱلرَّادِفَةُ

Mai biyar ta (bũsa ta biyu) nã biye.

Versículo: 8

قُلُوبٞ يَوۡمَئِذٖ وَاجِفَةٌ

Wasu zukãta, a rãnar nan, mãsu jin tsõro ne.

Versículo: 9

أَبۡصَٰرُهَا خَٰشِعَةٞ

Alhãli idãnunsu na ƙasƙantattu.

Versículo: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Sunã cẽwa "Ashe lalle zã a iya mayar da mu a kan sãwunmu?

Versículo: 11

أَءِذَا كُنَّا عِظَٰمٗا نَّخِرَةٗ

"Ashe, idan muka zama ƙasusuwa rududdugaggu?"

Versículo: 12

قَالُواْ تِلۡكَ إِذٗا كَرَّةٌ خَاسِرَةٞ

Suka ce: "Waccan kam kõmãwa ce, tãɓaɓɓiya!"

Versículo: 13

فَإِنَّمَا هِيَ زَجۡرَةٞ وَٰحِدَةٞ

To, ita kam, tsãwa guda kawai ce.

Versículo: 14

فَإِذَا هُم بِٱلسَّاهِرَةِ

Sai kawai gã su a bãyan ƙasa.

Versículo: 15

هَلۡ أَتَىٰكَ حَدِيثُ مُوسَىٰٓ

Shin, lãbãrin Mũsã ya zo maka?

Versículo: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

A lõkacin da Ubangijinsa Ya kirãye shi, a cikin kwari mai tsarki, wato Duwã?

Versículo: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Ka tafi zuwa ga Fir'auna, lalle ne shi, ya ƙẽtare haddi.

Versículo: 18

فَقُلۡ هَل لَّكَ إِلَىٰٓ أَن تَزَكَّىٰ

"Sai ka ce masa, Kõ zã ka so ka tsarkaka.

Versículo: 19

وَأَهۡدِيَكَ إِلَىٰ رَبِّكَ فَتَخۡشَىٰ

"Kuma in shiryar da kai zuwa ga Ubangijinka domin ka ji tsoron Sa?"

Versículo: 20

فَأَرَىٰهُ ٱلۡأٓيَةَ ٱلۡكُبۡرَىٰ

Sai ya nũna masa ãyar* nan mafi girma.

* Ãyar Mũsã da ta fi girma ita ce sandarsa mai zama maciji ko hannunsa mai haske kamar tõcila idan yã sanya cikin hammata yã fitar.

Versículo: 21

فَكَذَّبَ وَعَصَىٰ

Sai ya ƙaryata, kuma ya sãɓa (umurni),

Versículo: 22

ثُمَّ أَدۡبَرَ يَسۡعَىٰ

Sa'an nan ya jũya bãya, yanã tafiya da sauri.

Versículo: 23

فَحَشَرَ فَنَادَىٰ

Sai ya yi gayya, sa'an nan ya yi kira.

Versículo: 24

فَقَالَ أَنَا۠ رَبُّكُمُ ٱلۡأَعۡلَىٰ

Sai ya ce: "Nĩ ne Ubangijinku mafi ɗaudaka."

Versículo: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Sabõda haka Allah Ya kama shi, dõmin azãbar maganar ƙarshe da ta farko.

Versículo: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Lalle ne, a cikin wannan haƙiƙa akwai abin kula ga wanda yake tsõron Allah.

Versículo: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Shin, kũ ne mafi wuyar halitta ko sama? Allah Ya gina ta.

Versículo: 28

رَفَعَ سَمۡكَهَا فَسَوَّىٰهَا

Ya ɗaukaka rufinta, sa'an nan Ya daidaita ta.

Versículo: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Kuma Ya duhuntar da darenta, kuma Ya fitar da hantsinta.

Versículo: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Kuma, ƙasa a bayan haka Ya mulmula ta.

Versículo: 31

أَخۡرَجَ مِنۡهَا مَآءَهَا وَمَرۡعَىٰهَا

Ya fitar da ruwanta daga gare ta da makiyãyarta.

Versículo: 32

وَٱلۡجِبَالَ أَرۡسَىٰهَا

Da duwatsu, Yã kafe ta.

Versículo: 33

مَتَٰعٗا لَّكُمۡ وَلِأَنۡعَٰمِكُمۡ

Domin jiyarwa dãɗi a gare ku, kuma ga dabbõbinku.

Versículo: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

To, idan uwar masĩfu, mafi girma, ta zo.

Versículo: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Rãnar da mutum zai yi tunãnin abin da ya aikata.

Versículo: 36

وَبُرِّزَتِ ٱلۡجَحِيمُ لِمَن يَرَىٰ

Kuma, a bayyana Jahĩm ga mai gani.

Versículo: 37

فَأَمَّا مَن طَغَىٰ

To, amma wanda ya yi girman kai.

Versículo: 38

وَءَاثَرَ ٱلۡحَيَوٰةَ ٱلدُّنۡيَا

Kuma, ya zãɓi rãyuwa ta kusa, (wato dũniya).

Versículo: 39

فَإِنَّ ٱلۡجَحِيمَ هِيَ ٱلۡمَأۡوَىٰ

To, lalle ne Jahĩm, ita ce makõma.

Versículo: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Kuma, amma wanda ya ji tsõron tsayi a gaba ga Ubangijinsa, kuma ya kange kansa daga son rai.

Versículo: 41

فَإِنَّ ٱلۡجَنَّةَ هِيَ ٱلۡمَأۡوَىٰ

To, lalle ne Aljanna ita ce makõma.

Versículo: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Sunã tambayar ka game da sa'a, wai yaushe ne matabbatarta?

Versículo: 43

فِيمَ أَنتَ مِن ذِكۡرَىٰهَآ

Me ya haɗã ka da ambatonta?

Versículo: 44

إِلَىٰ رَبِّكَ مُنتَهَىٰهَآ

Zuwa ga Ubangijinka ƙarshen al'amarinta yake.

Versículo: 45

إِنَّمَآ أَنتَ مُنذِرُ مَن يَخۡشَىٰهَا

Kai mai gargaɗi kawai ne ga mai tsõron ta.

Versículo: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Kamar sũ a rãnar da zã su gan ta, ba su zauna ba fãce a lõkacin marẽce ko hantsinsa.