Ibisobanuro by'amagambo Isura Abasa (Yazinze Umunya) - Ibisobanuro mu kiashanti - ububiko bwa qor'an yejejwe

Abasa

Umurongo: 1

عَبَسَ وَتَوَلَّىٰٓ

(Nkͻmhyεni) anim sesaae, na ͻdanee ne ho.

Umurongo: 2

أَن جَآءَهُ ٱلۡأَعۡمَىٰ

Efirisε onifirani no baa ne hͻ,

Umurongo: 3

وَمَا يُدۡرِيكَ لَعَلَّهُۥ يَزَّكَّىٰٓ

Na εdeεn na εbεkyerε wo sε ebia (saa onifirani no) bεyε kronkron,

Umurongo: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Anaasε ͻde afutuo no bεto n’adwene mu ama afutuo no ho aba no mfasoͻ?

Umurongo: 5

أَمَّا مَنِ ٱسۡتَغۡنَىٰ

Obi a ͻhwε ne ho sε ͻsom bo no,

Umurongo: 6

فَأَنتَ لَهُۥ تَصَدَّىٰ

Ɔno mmom na wotie no.

Umurongo: 7

وَمَا عَلَيۡكَ أَلَّا يَزَّكَّىٰ

Sε wannyε kronkron a, εho asεm nna wo so.

Umurongo: 8

وَأَمَّا مَن جَآءَكَ يَسۡعَىٰ

Obi a wabͻ mmͻden aba wo hͻ,

Umurongo: 9

وَهُوَ يَخۡشَىٰ

Na osuro (Nyankopͻn no)

Umurongo: 10

فَأَنتَ عَنۡهُ تَلَهَّىٰ

Ɔno mmom na wayi w’adwen afiri ne soͻ.

Umurongo: 11

كَلَّآ إِنَّهَا تَذۡكِرَةٞ

Daabi, εyε Afutusεm,

Umurongo: 12

فَمَن شَآءَ ذَكَرَهُۥ

Enti obi a ͻpε no, ͻmfa ntu (ne ho) fo.

Umurongo: 13

فِي صُحُفٖ مُّكَرَّمَةٖ

Ɛwͻ Animuonyam Nwoma (a εwͻ Nyankopͻn hͻ) no mu.

Umurongo: 14

مَّرۡفُوعَةٖ مُّطَهَّرَةِۭ

(Nwoma a) εkorͻn wͻ Animuonyam ne kronkron yε mu,

Umurongo: 15

بِأَيۡدِي سَفَرَةٖ

Wͻ (Soro abͻfoͻ) Atwerεfoͻ nsam,

Umurongo: 16

كِرَامِۭ بَرَرَةٖ

(Atwerεfoͻ) Animuonyamfoͻ apapafoͻ no.

Umurongo: 17

قُتِلَ ٱلۡإِنسَٰنُ مَآ أَكۡفَرَهُۥ

Due nka onipa. Sεdeε ne boniayε si teε

Umurongo: 18

مِنۡ أَيِّ شَيۡءٍ خَلَقَهُۥ

Ͻbͻͻ no fri adeε bεn mu?

Umurongo: 19

مِن نُّطۡفَةٍ خَلَقَهُۥ فَقَدَّرَهُۥ

Ɔbͻͻ no fri ahobae mu, εna Osiesiee no,

Umurongo: 20

ثُمَّ ٱلسَّبِيلَ يَسَّرَهُۥ

Afei Ɔyɛε ne kwan so dwoodwoo maa no.

Umurongo: 21

ثُمَّ أَمَاتَهُۥ فَأَقۡبَرَهُۥ

Afei na Wasan ama no awu na Wasie no wͻ adakamena mu.

Umurongo: 22

ثُمَّ إِذَا شَآءَ أَنشَرَهُۥ

Na sε Ɔpε nso a na Wanyane no (afri owuo mu).

Umurongo: 23

كَلَّا لَمَّا يَقۡضِ مَآ أَمَرَهُۥ

Daabi, nanso (onipa) nyε deε (Nyankopͻn) ahyε ( no sε ͻnyε).

Umurongo: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Enti onipa nhwε n’aduane (ahyε ase),

Umurongo: 25

أَنَّا صَبَبۡنَا ٱلۡمَآءَ صَبّٗا

Yɛhwie nsuo no ma ebuso paa,

Umurongo: 26

ثُمَّ شَقَقۡنَا ٱلۡأَرۡضَ شَقّٗا

Afei na Yɛama asaase no apaepae paa,

Umurongo: 27

فَأَنۢبَتۡنَا فِيهَا حَبّٗا

Na Yɛama nnuaba afifi wͻ so,

Umurongo: 28

وَعِنَبٗا وَقَضۡبٗا

Ne bobe ne wira ne mfudeε ahodoͻ,

Umurongo: 29

وَزَيۡتُونٗا وَنَخۡلٗا

Ne nku dua ne akyiresua dua;

Umurongo: 30

وَحَدَآئِقَ غُلۡبٗا

Ne Turo a yɛagye ho a nnua ateten ahyε mma,

Umurongo: 31

وَفَٰكِهَةٗ وَأَبّٗا

Ne nnuaba ne wira a mmoa weε.

Umurongo: 32

مَّتَٰعٗا لَّكُمۡ وَلِأَنۡعَٰمِكُمۡ

Ԑyԑ akᴐnhoma ma mo ne moayεmmoa.

Umurongo: 33

فَإِذَا جَآءَتِ ٱلصَّآخَّةُ

Na sε nteamu denden no ba a,

Umurongo: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Saa Da no onipa bɛdwane ne nua,

Umurongo: 35

وَأُمِّهِۦ وَأَبِيهِ

Ne ͻmaame ne ne papa,

Umurongo: 36

وَصَٰحِبَتِهِۦ وَبَنِيهِ

Ne ne yere ne ne mma.

Umurongo: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Saa Da no, wͻn mu nipa biara ani bεbere wͻ asεm a εfa ͻno ara ne ho a, obi deε mmfa ne ho.

Umurongo: 38

وُجُوهٞ يَوۡمَئِذٖ مُّسۡفِرَةٞ

Saa Da no, ebinom anim bεhyerεn,

Umurongo: 39

ضَاحِكَةٞ مُّسۡتَبۡشِرَةٞ

Asere wͻ anigyeε mu,

Umurongo: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Saa Da no, ebinom nso anim bεyε mfuturo,

Umurongo: 41

تَرۡهَقُهَا قَتَرَةٌ

Esum bεkata wͻn so, na animguaseε bεka wͻn,

Umurongo: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Saa nkorͻfoͻ no ne (Kaafirfoͻ) boniayεfoͻ nnipa bͻnefoͻ no.