Ibisobanuro by'amagambo Isura Ashuarau - Ibisobanuro bya Qur'an Ntagatifu mu rurimi rw'igifulani, bikaba ari incamacye y'ibisobanuro bya Qur'an Ntagatifu. - numero y'urupapuro 369 - ububiko bwa qor'an yejejwe

Umurongo: 40

لَعَلَّنَا نَتَّبِعُ ٱلسَّحَرَةَ إِن كَانُواْ هُمُ ٱلۡغَٰلِبِينَ

Jortagol wonnde men jokkay mbileeɓe ɓen ka diina maɓɓe, si tawii ko kamɓe fooli Muusaa.

Umurongo: 41

فَلَمَّا جَآءَ ٱلسَّحَرَةُ قَالُواْ لِفِرۡعَوۡنَ أَئِنَّ لَنَا لَأَجۡرًا إِن كُنَّا نَحۡنُ ٱلۡغَٰلِبِينَ

Tuma nde mbileeɓe ɓen arunoo ka Fir'awna fii yo ɓe foolotir e Muusaa ɓe wi'ani mo: "Yalli no woodani men njoɓdi jawdi maaɗum teddungal si tawii ko menen fooli Muusaa?"

Umurongo: 42

قَالَ نَعَمۡ وَإِنَّكُمۡ إِذٗا لَّمِنَ ٱلۡمُقَرَّبِينَ

Fir'awna wi'ani ɓe: "Eyyo, njoɓdi no woodani on, haray si on foolii mo, on wonay ɓaɗtiniraaɓe ka am jonnugol on darjaaji ɓamtiiɗi".

Umurongo: 43

قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ

Muusaa maakani ɓe tawi ko o hooliiɗo Ballal Alla ngal himo ɓanngina wonndema ko o jogii kon wanaa mbilew: "Liɓee ko liɓoton kon immorde e ɓokkoy mooɗon e cawoy mooɗon".

Umurongo: 44

فَأَلۡقَوۡاْ حِبَالَهُمۡ وَعِصِيَّهُمۡ وَقَالُواْ بِعِزَّةِ فِرۡعَوۡنَ إِنَّا لَنَحۡنُ ٱلۡغَٰلِبُونَ

Ɓe liɓi ɓokkoy maɓɓe e cawoy maɓɓe koy, ɓe wi'i ka liɓugol koy: "Sabu manngu Fir'awna ko menen woni foolooɓe ɓen, ko Muusaa woni foolaaɗo on".

Umurongo: 45

فَأَلۡقَىٰ مُوسَىٰ عَصَاهُ فَإِذَا هِيَ تَلۡقَفُ مَا يَأۡفِكُونَ

Muusaa liɓi tuggordu makko ndun, ndu waylii mboddi, tawi kayru hindu moɗa ko ɓe hulɓiniray-noo kon yimɓe ɓen immorde e mbilewu ngun.

Umurongo: 46

فَأُلۡقِيَ ٱلسَّحَرَةُ سَٰجِدِينَ

Tuma nde mbileeɓe ɓen yi'unoo tuggordu Muusaa ndun hindu moɗa ko ɓe liɓi kon immorde e mbilewu maɓɓe ɓe suuyi ɓe sujji.

Umurongo: 47

قَالُوٓاْ ءَامَنَّا بِرَبِّ ٱلۡعَٰلَمِينَ

Ɓe wi'i: "Men gomɗinii Jooma tageefooji ndin fow".

Umurongo: 48

رَبِّ مُوسَىٰ وَهَٰرُونَ

Jooma Muusaa e Haaruuna (yo ɓe his).

Umurongo: 49

قَالَ ءَامَنتُمۡ لَهُۥ قَبۡلَ أَنۡ ءَاذَنَ لَكُمۡۖ إِنَّهُۥ لَكَبِيرُكُمُ ٱلَّذِي عَلَّمَكُمُ ٱلسِّحۡرَ فَلَسَوۡفَ تَعۡلَمُونَۚ لَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفٖ وَلَأُصَلِّبَنَّكُمۡ أَجۡمَعِينَ

Fir'awna añiri mbileeɓe ɓen gomɗinal maɓɓe ngal, o wi'i: "Enee, on gomɗinay mo ko adii mi duŋanaa- de on ɗum?! Pellet, ko Muusaa woni mawɗo mooɗon anndinɗo on on mbilewu ngun. Hari on fow on haldiino fii yaltinngol yimɓe [saare] Misra nden e nder mayre, kono aray ka anndon ko mi fawata on kon immorde e lepte, mami taƴu sanne koyngal mo kala e junngo makko ngun mi luutindirira hakkunde majje taƴugol koyngal ñaamal ngal wonndude e junngo nano ngon maaɗum yunnitugol, mami fetu on sanne on fow mooɗon e julle tamaro, mi accataa hay e gooto e mooɗon".

Umurongo: 50

قَالُواْ لَا ضَيۡرَۖ إِنَّآ إِلَىٰ رَبِّنَا مُنقَلِبُونَ

Mbileeɓe ɓen wi'ani Fir'awna: "Tanaa alaa e kon ko kammbirantaa men taƴugol e fetugol ka aduna, lepte maaɗen iway, menen ko faade ka Joomi amen men ruttotoo, aray O naadoya men ka Yurmeende Makko Duumotoonde.

Umurongo: 51

إِنَّا نَطۡمَعُ أَن يَغۡفِرَ لَنَا رَبُّنَا خَطَٰيَٰنَآ أَن كُنَّآ أَوَّلَ ٱلۡمُؤۡمِنِينَ

Menen meɗen jortii nde Alla montanta men goopi amen feƴƴuɗi ɗi men waɗɗitii ɗum; sabu men wonii adiiɓe gomɗinnde Muusaa goongina mo.

Umurongo: 52

۞ وَأَوۡحَيۡنَآ إِلَىٰ مُوسَىٰٓ أَنۡ أَسۡرِ بِعِبَادِيٓ إِنَّكُم مُّتَّبَعُونَ

Men Wahayini e Muusaa Yamirgol mo yo o roƴidu e ɓiɗɓe Israa'iila ɓen jemma. Pellet, Fir'awna e wonnduɓe e makko ɓen ɓe jokkitay ɓe fii yo ɓe artir ɓe.

Umurongo: 53

فَأَرۡسَلَ فِرۡعَوۡنُ فِي ٱلۡمَدَآئِنِ حَٰشِرِينَ

Fir'awna nuli yoga e konunkeeɓe makko ɓen ka ca'e mooɓooɓe hiɓe mooɓa konu ngun fii yo ɓe ruttu ɓiɗɓe Israa'iila ɓen nde o anndunoo yaltugol maɓɓe Misra.

Umurongo: 54

إِنَّ هَٰٓؤُلَآءِ لَشِرۡذِمَةٞ قَلِيلُونَ

Fir'awna wi'i ka famɗinngol fiyaake ɓiɗɓe Israa'iila ɓen: "Pellet, ɓee ko ɓe fedde famɗunde".

Umurongo: 55

وَإِنَّهُمۡ لَنَا لَغَآئِظُونَ

Pellet, kamɓe hiɓe waɗude ko men tikkiranta ɓe.

Umurongo: 56

وَإِنَّا لَجَمِيعٌ حَٰذِرُونَ

Enen non ko en hebilaniiɓe ɓe, ko en finuɓe.

Umurongo: 57

فَأَخۡرَجۡنَٰهُم مِّن جَنَّٰتٖ وَعُيُونٖ

Men yaltini Fir'awna e yimɓe makko ɓen ka leydi Misra joomiraari gese alɗuɗe, e canɗi ilooji ndiyam.

Umurongo: 58

وَكُنُوزٖ وَمَقَامٖ كَرِيمٖ

E joomiraare ngaluuji jawdi, e koɗanɗe moƴƴe.

Umurongo: 59

كَذَٰلِكَۖ وَأَوۡرَثۡنَٰهَا بَنِيٓ إِسۡرَٰٓءِيلَ

Ko wano Men yaltiniri nii Fir'awna e yimɓe makko ɓen e ɗii neemaaji, Men waɗani noone ɗii neemaaji ɓaawo maɓɓe ɓiɗɓe Israa'iila ɓen ka leydi Saami.

Umurongo: 60

فَأَتۡبَعُوهُم مُّشۡرِقِينَ

Fir'awna e yimɓe mu'un ɓen yahi e batte [teppe] ɓiɗɓe Israa'iila ɓen ka waqtu puɗal naange.

Inyungu dukura muri ayat kuri Uru rupapuro:

• العلاقة بين أهل الباطل هي المصالح المادية.

Huuwondiral hakkunde yimɓe meere nden ɗum ko nafindiral jawdi.

• ثقة موسى بالنصر على السحرة تصديقًا لوعد ربه.

Hoolagol Muusaa foolugol mbileeɓe ɓen ka goonginngol fodoore Joomi makko.

• إيمان السحرة برهان على أن الله هو مُصَرِّف القلوب يصرفها كيف يشاء.

Gomɗinal mbileeɓe ɓen ko daliili wonnde Alla ko Kanko woni yiltindiroowo ɓerɗe ɗen hiMo yiltiraɗe no O Muuyiri.

• الطغيان والظلم من أسباب زوال الملك.

Bewre nden e tooñe ɗen no jeyaa e sabuuji liɓooji laamu.