Ibisobanuro by'amagambo Isura Aswafati - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. - numero y'urupapuro 446 - ububiko bwa qor'an yejejwe

As-Saaffat

Umurongo: 1

وَٱلصَّٰٓفَّٰتِ صَفّٗا

Nditsuba khubemaanga khulunyaali.

Umurongo: 2

فَٱلزَّٰجِرَٰتِ زَجۡرٗا

Nende khu balia bakaninjia amabii.

Umurongo: 3

فَٱلتَّٰلِيَٰتِ ذِكۡرًا

Nende khu balia basoomanga obwitsulisio.

Umurongo: 4

إِنَّ إِلَٰهَكُمۡ لَوَٰحِدٞ

Toto Nyasaye wenyu nimulala butswa.

Umurongo: 5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

Nyasaye Omulesi welikulu nende eshialo nende ebili hakari wabio. Ne ni Nyasaye Omulesi we ebukwe tsioosi.

Umurongo: 6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

Toto efwe khwarona likulu lia hambi (liokhushialo) khuburone bwetsing’ining’ini tsikhongo.

Umurongo: 7

وَحِفۡظٗا مِّن كُلِّ شَيۡطَٰنٖ مَّارِدٖ

Nende okhulilinda okhurulana nende buli shetani omukhayi.

Umurongo: 8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

Balanyoola okhuwulila ebilonje bioluyali bia hekulu muno tawe, ne balasungwayo okhurulila buli mumbeka.

Umurongo: 9

دُحُورٗاۖ وَلَهُمۡ عَذَابٞ وَاصِبٌ

Nibaloondungwa, ne bali nende eshinyasio shilaliwa tawe.

Umurongo: 10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

Halali ulia upusulanga eshindu eshititi, ne mana shimulondangakhwo eshichenga shiomulilo shimesamesanga.

Umurongo: 11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

Barebekhwo mbu: “Koo, abo ni baloongwa okhuloongwa okhutinyu muno okhushila ebilonje bindi biakhwaloonga?” Toto efwe khwabaloonga okhurula khuliloba litilanga.

Umurongo: 12

بَلۡ عَجِبۡتَ وَيَسۡخَرُونَ

Halali owukanga, nabo bakholanga omubayo sa.

Umurongo: 13

وَإِذَا ذُكِّرُواْ لَا يَذۡكُرُونَ

Ne nibetsulisibwa, shibetsulilanga tawe.

Umurongo: 14

وَإِذَا رَأَوۡاْ ءَايَةٗ يَسۡتَسۡخِرُونَ

Ne nibalola eshimanyisio, nibakhola omubayo sa.

Umurongo: 15

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

Ne baboola mbu: “Kano shini shiosishiosi tawe halali ni obulosi butswa buli habulafu.

Umurongo: 16

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Mbu olwa khulifwa mana khwamala khwaba liloba nende ebikumba, kho toto khulilamusibwa?

Umurongo: 17

أَوَءَابَآؤُنَا ٱلۡأَوَّلُونَ

Kata bapapa befu bakhale?”

Umurongo: 18

قُلۡ نَعَمۡ وَأَنتُمۡ دَٰخِرُونَ

Boola mbu: “Eeh! Nanyu nimuli batutuyibwe."

Umurongo: 19

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

Luliba sa oluyoka lulala butswa, ne hawo, lola, balichaka okhulengalenga.

Umurongo: 20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

Baliboola mbu: “Abayiee, ino niyo inyanga yomurungo.”

Umurongo: 21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

Ino niyo inyanga yeyindukho yamwakhayanga.

Umurongo: 22

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

Khung’asie boosi bakhola amabii nende abakhasi babu, nende balia boosi babalaamanga.

Umurongo: 23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

Abalali Nyasaye tawe. Mana bachomie khunjila yomulilo kwa Jahannam.

Umurongo: 24

وَقِفُوهُمۡۖ إِنَّهُم مَّسۡـُٔولُونَ

Mana beemie. Toto bo balarebwa.