Ibisobanuro by'amagambo Isura Attakaathur - Ibisobanuro mu kiuzbeki - alau ddin mansour - ububiko bwa qor'an yejejwe

Такосур сураси

Umurongo: 1

أَلۡهَىٰكُمُ ٱلتَّكَاثُرُ

1. (Эй инсонлар), сизларни (мол-дунё) тўплаб-кўпайтириш машғул қилди!

Umurongo: 2

حَتَّىٰ زُرۡتُمُ ٱلۡمَقَابِرَ

2. Сизлар то қабрларни зиёрат қилгунларингизча (яъни, ўлиб, қабрга киргунларингизча сизларни мол-дунё тўплаб-кўпайтириш машғул қилди!)

И з о ҳ. Дарҳақиқат, бутун ҳаётларида Аллоҳ таолога бирор кун ибодат қилмасдан мол-дунёга сиғиниб ўтадиган кимсалар жуда кўпдир. Бу хусусда Пайғамбаримизнинг Саҳиҳул-Бухорийда ривоят қилинган бир ҳадислари ўта ибратлидир: «Маййитнинг-ўликнинг ортидан уч нарса эргашиб боради ва кейин у учовидан иккиси қайтиб кетади, бири эса ўлик билан бирга қолади — унга бола-чақаси, мол-дунёси ва шу дунёда қилган амаллари эргашиб боради-да, сўнгра бола-чақаси ва мол-дунёси яна қайтиб кетади, қилиб ўтган амаллари эса у билан бирга қабрда қолади».

Umurongo: 3

كَلَّا سَوۡفَ تَعۡلَمُونَ

3. Йўқ, сизлар яқинда (бу қилмишларингизнинг оқибатини) билурсизлар!

Umurongo: 4

ثُمَّ كَلَّا سَوۡفَ تَعۡلَمُونَ

4. Яна бир бор йўқ, сизлар яқинда билурсизлар.

Umurongo: 5

كَلَّا لَوۡ تَعۡلَمُونَ عِلۡمَ ٱلۡيَقِينِ

5. Йўқ, агар сизлар (дунёга қул бўлиб қолишнинг оқибати нима эканлигини) аниқ билиш билан билсаларингиз эди, (унга қул бўлиб қолмас эдингизлар)!

Umurongo: 6

لَتَرَوُنَّ ٱلۡجَحِيمَ

6. Қасамки, албатта сизлар дўзахни кўрурсизлар!

Umurongo: 7

ثُمَّ لَتَرَوُنَّهَا عَيۡنَ ٱلۡيَقِينِ

7. Яна бир бор қасамки, сизлар уни аниқ кўриш билан кўрурсизлар!

Umurongo: 8

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

8. Сўнгра ана ўша Кунда албатта (ҳаёти дунёда сизларга ато этилган барча) неъматлар тўғрисида масъул бўлурсизлар.