Përkthimi i kuptimeve të Kuranit Fisnik - الترجمة الكردية - صلاح الدين * - Përmbajtja e përkthimeve
سورەتی الإنفطار
إِذَا ٱلسَّمَآءُ ٱنفَطَرَتۡ
سووره‌تی (ئينفيطار) (واته: له‌ت بوون) سووره‌تێكى مه‌ككى یه‌و (١٩) ئایه‌ته پێغه‌مبه‌ری خوا - صلی الله علیه وسلم - ئه‌فه‌رمووێ: [ هه‌ر كه‌سێك پێی خۆشه ته‌ماشای ڕۆژی قیامه‌ت بكات وه‌ك ئه‌وه‌ی به‌چاوی خۆی بیبینێ با (إِذَا الشَّمْسُ كُوِّرَتْ) و (إِذَا السَّمَاءُ انْفَطَرَتْ) و (إِذَا السَّمَاءُ انْشَقَّتْ) بخوێنێ ] چونكه دیمه‌نه‌كانی ڕۆژی قیامه‌ت له‌و سووره‌تانه‌دا زۆر به ئاشكرا و ڕوونی و جوانی باسكراوه، كاتێك كه ئه‌یخوێنی وه‌ك ئه‌وه وایه به چاوی خۆت قیامه‌ت ببینیت. بِسْمِ اللَّهِ الرَّحْمَنِ الرَّحِيمِ [ إِذَا السَّمَاءُ انْفَطَرَتْ (١) ] كاتێك كه ئاسمان شه‌ق و له‌ت ئه‌بێت بۆ دابه‌زینی فریشته‌كان.
Tefsiret në gjuhën arabe:
وَإِذَا ٱلۡكَوَاكِبُ ٱنتَثَرَتۡ
Tefsiret në gjuhën arabe:
وَإِذَا ٱلۡبِحَارُ فُجِّرَتۡ
[ وَإِذَا الْبِحَارُ فُجِّرَتْ (٣) ] وه كاتێك كه ده‌ریاكان هه‌ندێكیان ئه‌ته‌قێنه‌وه ناو هه‌ندێكیان و تێكه‌ڵ ئه‌كرێن و ئه‌بنه یه‌ك ده‌ریایه‌ك، وه وتراوه: ده‌ریای شۆر (سوێر) و ده‌ریای ئاوی شیرین و سازگار تێكه‌ڵ ئه‌كرێن به‌یه‌كدا، خوای گه‌وره هه‌ندێكی تێكه‌ڵ به هه‌ندێكی ئه‌كات، یاخود وتراوه: ئه‌ته‌قێنرێنه‌وه ناو یه‌كتری، واته: ئاویان تیادا نامێنێ و به‌تاڵ ئه‌بنه‌وه، یاخود تێكه‌ڵ به‌یه‌ك ئه‌كرێن و ئه‌بن به یه‌ك ده‌ریاو پڕ ئه‌بن.
Tefsiret në gjuhën arabe:
عَلِمَتۡ نَفۡسٞ مَّا قَدَّمَتۡ وَأَخَّرَتۡ
[ عَلِمَتْ نَفْسٌ مَا قَدَّمَتْ وَأَخَّرَتْ (٥) ] له‌م كاته‌دا كه ئه‌م شتانه ڕوو ئه‌دات هه‌موو كه‌سێك ئه‌زانێت كه چ كرده‌وه‌ی كردووه باش یاخود خراپ، ئه‌وه‌ی پێشی خستووه‌و ئه‌وه‌ی دوای خستووه هه‌ر هه‌مووی ئه‌زانێ و ئه‌یبینێ، له‌به‌ر ئه‌وه‌ی هه‌مووی نووسراوه‌و تۆمار كراوه‌و هیچی لێ نه‌فه‌وتێنراوه.
Tefsiret në gjuhën arabe:
يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
{چى مرۆڤى له‌خۆبایی كردووه؟} [ يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ (٦) ] ئه‌ی مرۆڤ چی تۆی له خشته بردووه به په‌روه‌ردگاری به‌ڕێزت، ئه‌مه هه‌ڕه‌شه‌یه‌كی قورسه له‌و كه‌سانه‌ی كه له خشته براون و له ڕێگای ڕاست ده‌رچوونه، واته: ئه‌ى مرۆڤ چی وای لێ كردووى كه ڕووبه‌ڕووی چاكه‌ی خوای گه‌وره ببیته‌وه به تاوان و خراپه‌كاری، (ئیمامی عومه‌ر) ئه‌م ئایه‌ته‌ی خوێنده‌وه‌و سوێندی خوارد به خوای گه‌وره‌و فه‌رمووی: نه‌زانی و نه‌فامی مرۆڤه وای لێ كردووه كه ڕووبه‌ڕووی ئه‌و هه‌موو چاكه‌یه‌ی خوای گه‌وره بێته‌وه به تاوان و سه‌رپێچى، وه (قه‌تاده) ئه‌فه‌رمووێ: ئه‌وه‌ی مرۆڤی له خشته بردووه ته‌نها بریتییه له شه‌یتان، یاخود وتراوه: ئه‌وه‌یه كه هه‌ر كه‌سێك تاوانێك بكات خوای گه‌وره ڕاسته‌وخۆ سزای نادات ئه‌مه وای له مرۆڤ كردووه كه له خشته ببرێ و به‌رامبه‌ر به چاكه‌كانی خوای گه‌وره كرده‌وه‌ی خراپ ئه‌نجام بدات، (موقاتیل) ئه‌فه‌رمووێ: ئه‌و ئایه‌ته له‌سه‌ر (ئه‌سوه‌دی كوڕی شوره‌یق) دابه‌زیوه.
Tefsiret në gjuhën arabe:
ٱلَّذِي خَلَقَكَ فَسَوَّىٰكَ فَعَدَلَكَ
[ الَّذِي خَلَقَكَ فَسَوَّاكَ فَعَدَلَكَ (٧) ] ئه‌و په‌روه‌ردگاره‌ی تۆ كه سه‌ره‌تا دروستى كردوویت له دڵۆپه ئاوێك، وه دواتر ڕێكی خستوویت و له‌سه‌ر پێی خۆت ئه‌ڕۆی، وه هه‌سته‌وه‌ره‌كانی بیستن و بینین و عه‌قڵی پێ به‌خشیویت، وه له جوانترین شێوه‌دا دروستى كردوویت.
Tefsiret në gjuhën arabe:
فِيٓ أَيِّ صُورَةٖ مَّا شَآءَ رَكَّبَكَ
[ فِي أَيِّ صُورَةٍ مَا شَاءَ رَكَّبَكَ (٨) ] له هه‌ر شێوه‌و وێنه‌یه‌ك خوای گه‌وره ویستی لێ بێت وێنه‌ی كێشاویت و شێوه‌ی دروست كردوویت، ئیتر یان ئه‌چیته‌وه سه‌ر باوك یان دایك یان خاڵۆ یان مام یان هه‌ر كه‌سێكی ترت، (عیكریمه) ئه‌فه‌رمووێ: (خوای گه‌وره ئه‌گه‌ر ویستی لێ بوایه له‌سه‌ر شێوه‌ی مه‌یمون یان به‌راز یان سه‌گ یان گوێدرێژ ئه‌یتوانی دروستت بكات، به‌ڵام خوای گه‌وره به‌ڕه‌حمه به‌م شێوه جوانه دروستى كردوویت و شێوه‌ی ئاژه‌ڵ و شێوه‌یه‌كی ناشیرینی پێ نه‌به‌خشیویت به‌ڵكو به‌جوانترین شێوه دروستى كردوویت).
Tefsiret në gjuhën arabe:
كَلَّا بَلۡ تُكَذِّبُونَ بِٱلدِّينِ
[ كَلَّا بَلْ تُكَذِّبُونَ بِالدِّينِ (٩) ] نه‌خێر نابێ ئێوه به‌م شێوه‌یه بن، ئه‌مه بۆ سه‌رزه‌نشت كردن و به‌رهه‌ڵستی كردنه نابێ له خشته ببرێن به‌هۆی چاكه‌كانی خوای گه‌وره، وه ئه‌وه‌ی له خشته‌ى بردوون ئه‌وه‌یه كه باوه‌ڕتان به ڕۆژی لێپرسینه‌وه‌و سزا نیه كه ڕۆژی قیامه‌ته.
Tefsiret në gjuhën arabe:
وَمَا هُمۡ عَنۡهَا بِغَآئِبِينَ
[ وَمَا هُمْ عَنْهَا بِغَائِبِينَ (١٦) ] وه هیچ كاتێك نیه ئاماده نه‌بن له‌ناو سزادا به‌ڵكو هه‌میشه‌و به‌رده‌وام له‌ناو سزای ئاگری دۆزه‌خدان، وه هیچ كاتێك سزاكه‌یان له‌سه‌ر سووك ناكرێ، یان مۆڵه‌تیان پێ نادرێ و نامرێندرێن هه‌ر چه‌نده داوا بكه‌ن به‌ڵكو هه‌میشه له سزادان.
Tefsiret në gjuhën arabe:
يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ
{رۆژى قیامه‌ت كه‌س سوود به‌كه‌س ناگه‌یه‌نێت } [ يَوْمَ لَا تَمْلِكُ نَفْسٌ لِنَفْسٍ شَيْئًا ] ڕۆژی قیامه‌ت ڕۆژێكه هیچ كه‌سێك توانای ئه‌وه‌ی نیه كه سوود به‌هیچ كه‌سێك بگه‌یه‌نێ مه‌گه‌ر به ئیزنی خوای گه‌وره بۆ كه‌سانێك كه خوا ویستی لێ بێت وه لێیان ڕازی بێت وه ئیزن بدات، ئه‌گه‌رنا به شێوازێكی گشتی كه‌س ناتوانێ سوود به كه‌س بگه‌یه‌نێ و كه‌س هیچی به‌ده‌ست نیه، پێغه‌مبه‌رى خوا - صلی الله علیه وسلم - ده‌فه‌رمێت: (ئه‌ى به‌نى هاشم به ئیمان هێنان خۆتان له ئاگرى دۆزه‌خ رزگار بكه‌ن، چونكه من ناتوانم هیچتان بۆ بكه‌م و هیچم به‌ده‌ست نیه، ئه‌ى فاتیمه‌ى كچم له ماڵه‌كه‌م داواى چى ده‌كه‌یت پێتده‌ده‌م، به‌ڵام له رۆژى قیامه‌ت ناتوانم هیچت بۆ بكه‌م و هیچم به‌ده‌ست نیه مه‌گه‌ر به كرده‌وه‌ى چاكى خۆت) [ وَالْأَمْرُ يَوْمَئِذٍ لِلَّهِ (١٩) ] به‌ڵكو له‌و ڕۆژه‌دا هه‌موو كارو فه‌رمان به‌ده‌ست خوای گه‌وره‌یه، به‌ڵكو له دونیایشدا هه‌موو شتێك ته‌نها به‌ده‌ست خوای گه‌وره‌یه به‌ڵام بۆچی به‌تایبه‌ت ئه‌فه‌رمووێ: له ڕۆژی قیامه‌تدا هه‌موو شتێك به‌ده‌ست خوای گه‌وره‌یه؟ له‌به‌ر ئه‌وه‌ی له‌و ڕۆژه‌دا هیچ كه‌سێك نیه بتوانێ قسه بكات، یاخود بانگه‌شه‌ی موڵك بكات، یان بانگه‌شه‌ی ده‌سه‌ڵات بكات وه‌كو له دونیادا هه‌ندێك كه‌س بانگه‌شه‌ی ئه‌م شتانه ئه‌كه‌ن، والله أعلم.
Tefsiret në gjuhën arabe:
Përkthimi i kuptimeve Surja: Suretu El Infitar
Përkthimi i kuptimeve të Kuranit Fisnik - الترجمة الكردية - صلاح الدين - Përmbajtja e përkthimeve
ترجمة معاني القرآن الكريم إلى اللغة الكردية، ترجمها صلاح الدين عبدالكريم.