Përkthimi i kuptimeve Surja Suretu Et Tarik - الترجمة القيرغيزية للمختصر في تفسير القرآن الكريم - Enciklopedia e Kuranit Fisnik

Таaрик

Qëllimet e sures:

بيان قدرة الله وإحاطته في خلق الإنسان وإعادته.

Инсанды жаратууда жана аны кайра кайтарууда Аллахтын кудуреттүүлүгү.

---

Ajeti: 1

وَٱلسَّمَآءِ وَٱلطَّارِقِ

Аллах асман менен ант берди жана түндөсү келүүчү жылдыз менен ант берди.

Ajeti: 2

وَمَآ أَدۡرَىٰكَ مَا ٱلطَّارِقُ

Оо, пайгамбар! Сен бул улуу жылдыздын абалы тууралуу кайдан билмек элең?

Ajeti: 3

ٱلنَّجۡمُ ٱلثَّاقِبُ

Ал жаркыраган жарыгы менен асманды тешип өткөн жылдыз.

Ajeti: 4

إِن كُلُّ نَفۡسٖ لَّمَّا عَلَيۡهَا حَافِظٞ

Кайсы гана жан болбосун, Аллах кыямат күнү сурак алуу үчүн анын кылган иш-аракеттерин сактоочу бир периштени анын үстүнөн жоопкер кылган.

Ajeti: 5

فَلۡيَنظُرِ ٱلۡإِنسَٰنُ مِمَّ خُلِقَ

Эми инсан ага Аллахтын кудуреттүүлүгү жана инсандын алсыздыгы анык болуш үчүн Аллах аны эмнеден жараткандыгы тууралуу ой жүгүртүп көрсүн.

Ajeti: 6

خُلِقَ مِن مَّآءٖ دَافِقٖ

Аллах аны атылып чыгып, жатынга куюлуучу суудан жараткан.

Ajeti: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Бул суу эркек кишинин омуртка сөөктөрү менен көкүрөк сөөктөрүнүн ортосунан чыгат.

Ajeti: 8

إِنَّهُۥ عَلَىٰ رَجۡعِهِۦ لَقَادِرٞ

Эгерде Ал аны ошол жийиркеничтүү суудан жараткан болсо, анда андан сурак алуу жана жаза же сыйлык берүү үчүн өлүмдөн кийин кайра тирилтүүгө кудуреттүү.

Ajeti: 9

يَوۡمَ تُبۡلَى ٱلسَّرَآئِرُ

Ал күнү катылган сырлар сыналып, жүрөктө жышырылган ниеттер, ишенимдер жана башка нерселер ачыкка чыгат жана түз жүргөн адам менен бузуку адам айырмаланып калат.

Ajeti: 10

فَمَا لَهُۥ مِن قُوَّةٖ وَلَا نَاصِرٖ

Ал күнү инсан үчүн Аллахтын азабынан коргонгон күч-кубат да, ага жардам берген жардамчы да болбойт.

Ajeti: 11

وَٱلسَّمَآءِ ذَاتِ ٱلرَّجۡعِ

Аллах жамгырлуу асман менен ант берди. Анткени ал ошол тараптан кайра-кайра түшүп турат.

Ajeti: 12

وَٱلۡأَرۡضِ ذَاتِ ٱلصَّدۡعِ

Ошондой эле өсүмдүктөр, мөмө-жемиштер жана бак-дарактар жарып чыккан Жер менен ант берди.

Ajeti: 13

إِنَّهُۥ لَقَوۡلٞ فَصۡلٞ

Чындыгында Мухаммадга түшкөн бул Куран – акыйкат менен жалганды ажыратуучу сөз.

Ajeti: 14

وَمَا هُوَ بِٱلۡهَزۡلِ

Ал оюн-тамаша же жалган эмес. Ал тамашасы жок чындык.

Ajeti: 15

إِنَّهُمۡ يَكِيدُونَ كَيۡدٗا

Чындыгында пайгамбар алып келген нерсени жалганга чыгаргандар анын дааватын токтотуу жана жокко чыгаруу максатта көптөгөн айла-амалдарды жасашат.

Ajeti: 16

وَأَكِيدُ كَيۡدٗا

Мен дагы динди үстөм кылып, жалганды жок кылыш үчүн айла-амал кыламын.

Ajeti: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Оо, пайгамбар! Ал каапырларды күтө тур, аларга бир аз мөөнөт бер. Алардын азабын жана кыйроосун шаштырба.

Dobitë e ajeteve të kësaj faqeje:

• تحفظ الملائكة الإنسان وأعماله خيرها وشرها ليحاسب عليها.

Периштелер адамды жана анын жакшы жана жаман иш-аракеттерин сурак берүүсү үчүн коргошот.

• ضعف كيد الكفار إذا قوبل بكيد الله سبحانه.

Аллахтын айла-амалынын жанында каапырлардын айла-амалынын алсыздыгы.

• خشية الله تبعث على الاتعاظ.

Аллахтан коркуу насааттан пайда алууга түрткү берет.