Përkthimi i kuptimeve Surja El Isra - Maguindanaonisht - Numri i faqes 285 - Enciklopedia e Kuranit Fisnik

Ajeti: 28

وَإِمَّا تُعۡرِضَنَّ عَنۡهُمُ ٱبۡتِغَآءَ رَحۡمَةٖ مِّن رَّبِّكَ تَرۡجُوهَا فَقُل لَّهُمۡ قَوۡلٗا مَّيۡسُورٗا

Amayka di nengka kanggan silan (a mga pagali) kanu limu abpun kanu kadnan nengka, na pagangap ka, sa edtaluka kanilan i owkadtaloa mapiya.

Ajeti: 29

وَلَا تَجۡعَلۡ يَدَكَ مَغۡلُولَةً إِلَىٰ عُنُقِكَ وَلَا تَبۡسُطۡهَا كُلَّ ٱلۡبَسۡطِ فَتَقۡعُدَ مَلُومٗا مَّحۡسُورًا

Dika kemegkem su lima nengka sa ibetadeng ka sa tengo nengka (sabap sakasingit) andu dika menem pembelat sa dala den masama lun, ka maka-ayang ka (makagkaya ka) satilang kana taw sa pangimbulatang ka.

Ajeti: 30

إِنَّ رَبَّكَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا

Saben-sabenal su kadnan nengka na belatenin i ridzqi nin kanu kagkahandanin, andu simpitanin, ka sekanina Allah kanu mga ulipenin na katawanin na gailainin.

Ajeti: 31

وَلَا تَقۡتُلُوٓاْ أَوۡلَٰدَكُمۡ خَشۡيَةَ إِمۡلَٰقٖۖ نَّحۡنُ نَرۡزُقُهُمۡ وَإِيَّاكُمۡۚ إِنَّ قَتۡلَهُمۡ كَانَ خِطۡـٔٗا كَبِيرٗا

Andu dinu pembunu su mga wata nu sa gilek sa ka-miskin ka sekami i pe-ridzqi kanilan andu sekanu, su kabununu kanilan na kadusan a masla.(sa Allah)

Ajeti: 32

وَلَا تَقۡرَبُواْ ٱلزِّنَىٰٓۖ إِنَّهُۥ كَانَ فَٰحِشَةٗ وَسَآءَ سَبِيلٗا

Dinu semikeni su kad-zina(dienggolan su ukit a makad-zina)ka su (kadzina) na sangat a maledsik, andu mawag a benal a ukit.(a kadtiwalay)

Ajeti: 33

وَلَا تَقۡتُلُواْ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّۗ وَمَن قُتِلَ مَظۡلُومٗا فَقَدۡ جَعَلۡنَا لِوَلِيِّهِۦ سُلۡطَٰنٗا فَلَا يُسۡرِف فِّي ٱلۡقَتۡلِۖ إِنَّهُۥ كَانَ مَنصُورٗا

Andu dinu pembunu su ngyawa a hinaram nu Allah-ya tabiya na haqq, (su pinamakay na islam a kabunu) ka su taw a binunu sa dinupang(pidtibaban sa dala kawagibin) nabinaloy nami kanu wali nin (lukesin-pagalinin) i bagel sa kakua (katuntotin) sa kawagib, na dinin pasagaden i galbekin (di padsublan su kasuli) ka sekanin na nanget i ped-tabangan nu Allah.

Ajeti: 34

وَلَا تَقۡرَبُواْ مَالَ ٱلۡيَتِيمِ إِلَّا بِٱلَّتِي هِيَ أَحۡسَنُ حَتَّىٰ يَبۡلُغَ أَشُدَّهُۥۚ وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسۡـُٔولٗا

Din semupegi su tamuk nu yateem (binasan atawa kwan sa dikena kawagib) ya tabiya na munapan i kapiya nin (sa pag- akadakelen) taman sa makasampay sa balig, andu tumanu i pasado a mapiya,kagina su pasad na ibagidsa (salta na siksa amaykadi matoman)

Ajeti: 35

وَأَوۡفُواْ ٱلۡكَيۡلَ إِذَا كِلۡتُمۡ وَزِنُواْ بِٱلۡقِسۡطَاسِ ٱلۡمُسۡتَقِيمِۚ ذَٰلِكَ خَيۡرٞ وَأَحۡسَنُ تَأۡوِيلٗا

Patidtunu i kapagasadu amaykanagasad kanu, andu edtimbang kanu sa bantang a matidto, kantoba i mapiya, andu mapiya i mauli nin.

Ajeti: 36

وَلَا تَقۡفُ مَا لَيۡسَ لَكَ بِهِۦ عِلۡمٌۚ إِنَّ ٱلسَّمۡعَ وَٱلۡبَصَرَ وَٱلۡفُؤَادَ كُلُّ أُوْلَٰٓئِكَ كَانَ عَنۡهُ مَسۡـُٔولٗا

Daka bagamong sa dala leka luna kataw (dala sabutengka lun) ka su tangila andu su mata na langona namba na pangingidsan(salta sa naraka).

Ajeti: 37

وَلَا تَمۡشِ فِي ٱلۡأَرۡضِ مَرَحًاۖ إِنَّكَ لَن تَخۡرِقَ ٱلۡأَرۡضَ وَلَن تَبۡلُغَ ٱلۡجِبَالَ طُولٗا

Andu daka belakao kanulupa sakasandagan, ka seka na di nengkamalesu su lupa sa kasandagakasangkad, andu di nengka kalpengan su palaw sa kapulo.

Ajeti: 38

كُلُّ ذَٰلِكَ كَانَ سَيِّئُهُۥ عِندَ رَبِّكَ مَكۡرُوهٗا

Languna entuba a nalabit na mawag a benal lusa kadnan nengka a ini-sapalin a nabensiyanin.