Përkthimi i kuptimeve Surja El Hakkah - Përkthimi suahilisht - Abdullah Muhammed dhe Nasir Khamis - Numri i faqes 566 - Enciklopedia e Kuranit Fisnik

Al-Haqqah

Ajeti: 1

ٱلۡحَآقَّةُ

Kiyama chenye kutukia kikweli ambacho ndani yake inahakikika ahadi ya Mwenyezi Mungu na onyo Lake.

Ajeti: 2

مَا ٱلۡحَآقَّةُ

Kiyama chenye kutukia kikweli ni zipi sifa zake na hali zake?

Ajeti: 3

وَمَآ أَدۡرَىٰكَ مَا ٱلۡحَآقَّةُ

Na kitu gani kilichokujulisha wewe, ewe Mtume, na kukueleza uhakika wa Kiyama na kikakupa wewe picha ya janga lake na shida zake?

Ajeti: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Thamūd, nao ni watu wa Ṣāliḥ, na ‘Ād, nao ni watu wa Hūd, walikikanusha Kiyama ambacho kinagonga nyoyo kwa vituko janga lake.

Ajeti: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Ama hao Thamūd waliangamizwa kwa ukelele mkubwa uliopita kiasi ukali wake,

Ajeti: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

na ama‘Ād waliangamizwa kwa upepo baridi unaovuma kwa nguvu.

Ajeti: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Mwenyezi Mungu Aliwasaliti nao masiku saba na michana minane yenye kufuatana, isiyokatika wala kusimama. Utawaona watu katika masiku hayo na michana wamekufa, kama kwamba wao ni vigogo mitende iliyo mibovu iliyolika ndani.

Ajeti: 8

فَهَلۡ تَرَىٰ لَهُم مِّنۢ بَاقِيَةٖ

Basi je utamuona mtu yoyote miongoni mwao mwenye kusalia bila kuangamia?