Përkthimi i kuptimeve Surja Edh Dharijat - Përkthimi filipinisht (tagalogisht) - Qendra

Ajeti: 7

وَٱلسَّمَآءِ ذَاتِ ٱلۡحُبُكِ

Sumpa man sa langit na may mga daanan,

Ajeti: 8

إِنَّكُمۡ لَفِي قَوۡلٖ مُّخۡتَلِفٖ

tunay na kayo ay talagang nasa isang pagsasabing nagkakaiba [tungkol sa Qur’ān na ito].

Ajeti: 9

يُؤۡفَكُ عَنۡهُ مَنۡ أُفِكَ

Nalilinlang palayo rito [sa Qur’ān] ang sinumang nalinlang.

Ajeti: 10

قُتِلَ ٱلۡخَرَّٰصُونَ

Napahamak ang mga palasapantaha,

Ajeti: 11

ٱلَّذِينَ هُمۡ فِي غَمۡرَةٖ سَاهُونَ

na sila sa isang pagkalubog [sa kamangmangan] ay mga nakaliligta.

Ajeti: 12

يَسۡـَٔلُونَ أَيَّانَ يَوۡمُ ٱلدِّينِ

Nagtatanong sila: “Kailan ang Araw ng Pagtutumbas?”

Ajeti: 13

يَوۡمَ هُمۡ عَلَى ٱلنَّارِ يُفۡتَنُونَ

[Ito ay] sa araw na sila sa ibabaw ng Apoy ay sinisilaban.

Ajeti: 14

ذُوقُواْ فِتۡنَتَكُمۡ هَٰذَا ٱلَّذِي كُنتُم بِهِۦ تَسۡتَعۡجِلُونَ

Lasapin ninyo ang pagsilab sa inyo; ito ay ang dati ninyong minamadali!

Ajeti: 15

إِنَّ ٱلۡمُتَّقِينَ فِي جَنَّٰتٖ وَعُيُونٍ

Tunay na ang mga tagapangilag magkasala ay nasa mga hardin at mga bukal,

Ajeti: 16

ءَاخِذِينَ مَآ ءَاتَىٰهُمۡ رَبُّهُمۡۚ إِنَّهُمۡ كَانُواْ قَبۡلَ ذَٰلِكَ مُحۡسِنِينَ

habang mga kumukuha ng anumang ibinigay sa kanila ng Panginoon nila. Tunay na sila dati bago niyon ay mga tagagawa ng maganda.

Ajeti: 17

كَانُواْ قَلِيلٗا مِّنَ ٱلَّيۡلِ مَا يَهۡجَعُونَ

Sila dati ay kaunti mula sa gabi ang iniidlip.^[2]

[2] dahil palagi sa mga kusang-loob na pagdarasal sa gabi

Ajeti: 18

وَبِٱلۡأَسۡحَارِ هُمۡ يَسۡتَغۡفِرُونَ

Sa mga huling bahagi ng gabi, sila ay humihingi ng tawad [kay Allāh].

Ajeti: 19

وَفِيٓ أَمۡوَٰلِهِمۡ حَقّٞ لِّلسَّآئِلِ وَٱلۡمَحۡرُومِ

Sa mga yaman nila ay may karapatan para sa nanghihingi at napagkakaitan.^[3] [na hindi nanghihingi].

[3] na hindi nanghihingi dahil sa pagkahiya.

Ajeti: 20

وَفِي ٱلۡأَرۡضِ ءَايَٰتٞ لِّلۡمُوقِنِينَ

Sa lupa ay may mga tanda para sa mga nakatitiyak,

Ajeti: 21

وَفِيٓ أَنفُسِكُمۡۚ أَفَلَا تُبۡصِرُونَ

at sa mga sarili ninyo. Kaya hindi ba kayo nakakikita?

Ajeti: 22

وَفِي ٱلسَّمَآءِ رِزۡقُكُمۡ وَمَا تُوعَدُونَ

Sa langit ay ang panustos ninyo at ang ipinangangako sa inyo.

Ajeti: 23

فَوَرَبِّ ٱلسَّمَآءِ وَٱلۡأَرۡضِ إِنَّهُۥ لَحَقّٞ مِّثۡلَ مَآ أَنَّكُمۡ تَنطِقُونَ

Kaya sumpa man sa Panginoon ng langit at lupa, tunay na ito ay talagang katotohanan tulad ng [katotohanan na] kayo ay bumibigkas [niyon].

Ajeti: 24

هَلۡ أَتَىٰكَ حَدِيثُ ضَيۡفِ إِبۡرَٰهِيمَ ٱلۡمُكۡرَمِينَ

Dumating kaya sa iyo ang salaysay ng mga panauhin ni Abraham, na mga pinarangalan?

Ajeti: 25

إِذۡ دَخَلُواْ عَلَيۡهِ فَقَالُواْ سَلَٰمٗاۖ قَالَ سَلَٰمٞ قَوۡمٞ مُّنكَرُونَ

Noong pumasok sila [na mga anghel] sa kanya saka nagsabi sila ng kapayapaan ay nagsabi naman siya: “Kapayapaan, mga taong di-kilala.”

Ajeti: 26

فَرَاغَ إِلَىٰٓ أَهۡلِهِۦ فَجَآءَ بِعِجۡلٖ سَمِينٖ

Kaya tumalilis siya sa mag-anak niya, saka naghatid ng isang [inihaw na] guyang mataba.

Ajeti: 27

فَقَرَّبَهُۥٓ إِلَيۡهِمۡ قَالَ أَلَا تَأۡكُلُونَ

Kaya naglapit siya nito sa kanila; nagsabi siya: “Hindi ba kayo kakain?”

Ajeti: 28

فَأَوۡجَسَ مِنۡهُمۡ خِيفَةٗۖ قَالُواْ لَا تَخَفۡۖ وَبَشَّرُوهُ بِغُلَٰمٍ عَلِيمٖ

Kaya nakadama siya mula sa kanila ng pangangamba. Nagsabi sila: “Huwag kang mangamba.” Nagbalita sila ng nakagagalak sa kanya hinggil sa [pagsilang ni Isaac na] isang batang lalaking maalam.

Ajeti: 29

فَأَقۡبَلَتِ ٱمۡرَأَتُهُۥ فِي صَرَّةٖ فَصَكَّتۡ وَجۡهَهَا وَقَالَتۡ عَجُوزٌ عَقِيمٞ

Kaya lumapit ang maybahay niya habang nasa paghihiyaw [sa tuwa] saka tinampal nito ang mukha nito [sa pagtataka] at nagsabi: “Matandang babaing baog [ako]!”

Ajeti: 30

قَالُواْ كَذَٰلِكِ قَالَ رَبُّكِۖ إِنَّهُۥ هُوَ ٱلۡحَكِيمُ ٱلۡعَلِيمُ

Nagsabi sila: “Gayon nagsabi ng Panginoon mo; tunay na Siya ay ang Marunong, ang Maalam.”