Përkthimi i kuptimeve Surja Suretu El A’la - الترجمة الياؤو - Enciklopedia e Kuranit Fisnik

Al-A‘lâ

Ajeti: 1

سَبِّحِ ٱسۡمَ رَبِّكَ ٱلۡأَعۡلَى

Liswejesyani lina lya Ambuje ŵenu (Allah) Ŵapenani kusyene.

Ajeti: 2

ٱلَّذِي خَلَقَ فَسَوَّىٰ

Aŵala ŵaŵagumbile (chilichose) ni kuchikolosya.

Ajeti: 3

وَٱلَّذِي قَدَّرَ فَهَدَىٰ

Soni Aŵala ŵaŵapimiile (chilichose mwachiichiŵeela) ni kuchijongolela (ku yaŵachipimileyo).

Ajeti: 4

وَٱلَّذِيٓ أَخۡرَجَ ٱلۡمَرۡعَىٰ

Soni Aŵala ŵaakumesya mopo.

Ajeti: 5

فَجَعَلَهُۥ غُثَآءً أَحۡوَىٰ

Ni kuwusyusya kuŵa wejumu ŵakupiililila.

Ajeti: 6

سَنُقۡرِئُكَ فَلَا تَنسَىٰٓ

Chitunsoomesye ni ngan'diŵalila.

Ajeti: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Ikaŵeje yasachile Allah, chisimu Jwalakwe jukumanyililaga yakuonechela ni yayikasasisika.

Ajeti: 8

وَنُيَسِّرُكَ لِلۡيُسۡرَىٰ

Ni chitun'jepepachisye litala lyakwalukangana (lyakutendela yambone).

Ajeti: 9

فَذَكِّرۡ إِن نَّفَعَتِ ٱلذِّكۡرَىٰ

Basi kumbusyani naga kumbusyako tikuŵe kwakamuchisya.

Ajeti: 10

سَيَذَّكَّرُ مَن يَخۡشَىٰ

Talikumbusye mundu jwaakun'jogopa (Allah).

Ajeti: 11

وَيَتَجَنَّبُهَا ٱلۡأَشۡقَى

Ni takuŵambale (mundu) jwakusakala nnope.

Ajeti: 12

ٱلَّذِي يَصۡلَى ٱلنَّارَ ٱلۡكُبۡرَىٰ

Ajula jwatakajinjile ku Moto Wekulungwa.

Ajeti: 13

ثُمَّ لَا يَمُوتُ فِيهَا وَلَا يَحۡيَىٰ

Soni ngachija kumpata chiwa mwalakwemo, nambo soni ngaaja kuŵa ni umi (wambone).

Ajeti: 14

قَدۡ أَفۡلَحَ مَن تَزَكَّىٰ

Pamasile paapundile mundu jwaliswejesye (ntima wakwe).

Ajeti: 15

وَذَكَرَ ٱسۡمَ رَبِّهِۦ فَصَلَّىٰ

Ni akuŵa ali nkulikumbuchila Lina lya Ambujegwe (pakulikolanga) aku achiswaliji.

Ajeti: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Nambo ŵanganyammwe nkulongosya umi wa duniya.

Ajeti: 17

وَٱلۡأٓخِرَةُ خَيۡرٞ وَأَبۡقَىٰٓ

Kutendaga Akhera ni jambone nnope soni jandamo.

Ajeti: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Chisimu yalakweyi yili mu ikalakala yandanda.

Ajeti: 19

صُحُفِ إِبۡرَٰهِيمَ وَمُوسَىٰ

Ikalakala ya Ibrahima ni Musa.