Përkthimi i kuptimeve Surja Suretu Et Tarik - الترجمة الياؤو - Enciklopedia e Kuranit Fisnik

At-Twâriq

Ajeti: 1

وَٱلسَّمَآءِ وَٱلطَّارِقِ

Ngulilumbila liwunde ni chakwisa chilo.

Ajeti: 2

وَمَآ أَدۡرَىٰكَ مَا ٱلطَّارِقُ

Ana ni chichi champaka chimmanyisye ya chakwisa chilo?

Ajeti: 3

ٱلنَّجۡمُ ٱلثَّاقِبُ

(Jalakwejo ni) ndondwa jakupowola (chipi ligongo lya kuŵala nnope).

Ajeti: 4

إِن كُلُّ نَفۡسٖ لَّمَّا عَلَيۡهَا حَافِظٞ

Pangali mundu jwalijose ikaŵeje kwa jwalakwejo kwana nkunnolela (jwaakusunga itendo yakwe).

Ajeti: 5

فَلۡيَنظُرِ ٱلۡإِنسَٰنُ مِمَّ خُلِقَ

Basi achetelele mundu, ana agumbidwe kuumila ku chichi?

Ajeti: 6

خُلِقَ مِن مَّآءٖ دَافِقٖ

Agumbidwe kuumila ku mesi gakusumbika.

Ajeti: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Gakopokaga kutyochela chilikati cha maupa ga n'gongo (wa ŵalume) ni maupa ga chidali (cha ŵakongwe).

Ajeti: 8

إِنَّهُۥ عَلَىٰ رَجۡعِهِۦ لَقَادِرٞ

Chisimu Jwalakwe (Allah) pakum'buchisya (kuwumi mundujo) aŵele Jwakombola kusyene.

Ajeti: 9

يَوۡمَ تُبۡلَى ٱلسَّرَآئِرُ

Lisiku lyasichionechela papaswela asili (syosope).

Ajeti: 10

فَمَا لَهُۥ مِن قُوَّةٖ وَلَا نَاصِرٖ

Ni ngasakola (mundujo) machili galigose namuno nkulupusyo.

Ajeti: 11

وَٱلسَّمَآءِ ذَاتِ ٱلرَّجۡعِ

Ngukulumbila kwinani kwagwisyagwisya wula.

Ajeti: 12

وَٱلۡأَرۡضِ ذَاتِ ٱلصَّدۡعِ

Ni ngulilumbila soni litaka lyaliganjikaga (pakoposya mmela).

Ajeti: 13

إِنَّهُۥ لَقَوۡلٞ فَصۡلٞ

Chisimu jalakwe (Qur’aniji) gaŵele maloŵe gakulekanganya (chilikati cha yakuona ni yaunami).

Ajeti: 14

وَمَا هُوَ بِٱلۡهَزۡلِ

Soni jalakweji nganijiŵa chindu chambenje.

Ajeti: 15

إِنَّهُمۡ يَكِيدُونَ كَيۡدٗا

Chisimu ŵanganyao akuŵa ali nkutenda malindi (kwa Asilamu).

Ajeti: 16

وَأَكِيدُ كَيۡدٗا

None ni ngwauchisya malindi (gaogo pangaapa ilagasyo chitema kuti alilechelele).

Ajeti: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Basi, mwalechelesyani achimakafili, mwalechelelani panandipe (chaiwone).