Маънолар таржимаси Сура Ториқ сураси - Йауча таржима - Қуръони Карим қомуси

At-Twâriq

Оят: 1

وَٱلسَّمَآءِ وَٱلطَّارِقِ

Ngulilumbila liwunde ni chakwisa chilo.

Оят: 2

وَمَآ أَدۡرَىٰكَ مَا ٱلطَّارِقُ

Ana ni chichi champaka chimmanyisye ya chakwisa chilo?

Оят: 3

ٱلنَّجۡمُ ٱلثَّاقِبُ

(Jalakwejo ni) ndondwa jakupowola (chipi ligongo lya kuŵala nnope).

Оят: 4

إِن كُلُّ نَفۡسٖ لَّمَّا عَلَيۡهَا حَافِظٞ

Pangali mundu jwalijose ikaŵeje kwa jwalakwejo kwana nkunnolela (jwaakusunga itendo yakwe).

Оят: 5

فَلۡيَنظُرِ ٱلۡإِنسَٰنُ مِمَّ خُلِقَ

Basi achetelele mundu, ana agumbidwe kuumila ku chichi?

Оят: 6

خُلِقَ مِن مَّآءٖ دَافِقٖ

Agumbidwe kuumila ku mesi gakusumbika.

Оят: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Gakopokaga kutyochela chilikati cha maupa ga n'gongo (wa ŵalume) ni maupa ga chidali (cha ŵakongwe).

Оят: 8

إِنَّهُۥ عَلَىٰ رَجۡعِهِۦ لَقَادِرٞ

Chisimu Jwalakwe (Allah) pakum'buchisya (kuwumi mundujo) aŵele Jwakombola kusyene.

Оят: 9

يَوۡمَ تُبۡلَى ٱلسَّرَآئِرُ

Lisiku lyasichionechela papaswela asili (syosope).

Оят: 10

فَمَا لَهُۥ مِن قُوَّةٖ وَلَا نَاصِرٖ

Ni ngasakola (mundujo) machili galigose namuno nkulupusyo.

Оят: 11

وَٱلسَّمَآءِ ذَاتِ ٱلرَّجۡعِ

Ngukulumbila kwinani kwagwisyagwisya wula.

Оят: 12

وَٱلۡأَرۡضِ ذَاتِ ٱلصَّدۡعِ

Ni ngulilumbila soni litaka lyaliganjikaga (pakoposya mmela).

Оят: 13

إِنَّهُۥ لَقَوۡلٞ فَصۡلٞ

Chisimu jalakwe (Qur’aniji) gaŵele maloŵe gakulekanganya (chilikati cha yakuona ni yaunami).

Оят: 14

وَمَا هُوَ بِٱلۡهَزۡلِ

Soni jalakweji nganijiŵa chindu chambenje.

Оят: 15

إِنَّهُمۡ يَكِيدُونَ كَيۡدٗا

Chisimu ŵanganyao akuŵa ali nkutenda malindi (kwa Asilamu).

Оят: 16

وَأَكِيدُ كَيۡدٗا

None ni ngwauchisya malindi (gaogo pangaapa ilagasyo chitema kuti alilechelele).

Оят: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Basi, mwalechelesyani achimakafili, mwalechelelani panandipe (chaiwone).