Përkthimi i kuptimeve Surja El Kadr - Përkthimi në gjuhën jao - Muhamed bin Abdulhamid Sulejka - Numri i faqes 598 - Enciklopedia e Kuranit Fisnik

Al-Qadr

Ajeti: 1

إِنَّآ أَنزَلۡنَٰهُ فِي لَيۡلَةِ ٱلۡقَدۡرِ

Chisimu Uwwe tujitulwisye jalakwe (Qur'aniji) m’Chilo Chakuchimbichika.

Ajeti: 2

وَمَآ أَدۡرَىٰكَ مَا لَيۡلَةُ ٱلۡقَدۡرِ

Ana ni chichi champaka chimmanyisye ya Chilo Chakuchimbichika?

Ajeti: 3

لَيۡلَةُ ٱلۡقَدۡرِ خَيۡرٞ مِّنۡ أَلۡفِ شَهۡرٖ

Chilo Chakuchimbichikachi chiŵele chambone nnope kupunda myesi jakwana sausande (1000).^[1]

[1] (97:3) Myesi sausande ikwana yaka 83 ni myesi 4.

Ajeti: 4

تَنَزَّلُ ٱلۡمَلَٰٓئِكَةُ وَٱلرُّوحُ فِيهَا بِإِذۡنِ رَبِّهِم مِّن كُلِّ أَمۡرٖ

Achimalaika akasatulukaga pamo ni Nsimu (Jibulilu) mu Chele (Chilochi) kwa lisosa lya M’mbuje gwao, kwisa kulondesya chindu chilichose (pakuchiŵika mu mpango wakwe).^[2]

[2] (97:4) “Mu chele (chilochi) chikasaŵichidwaga m’mangwakwe chindu chilichose chalunda lwakusokoka.” (44:4) Ichindu yalunda lwakusokoka yakwe mpela: kupagwa kwa ŵandu kwisa soni iwumbe yakulekanganalekangana, kuwa kwao, kupedwa malisiki, kupedwa makungu ni ine yosope yakwapata achiiwumbe mu chaka chosope chachikwika, mpela muŵapanjiile Allah kalakala.

Ajeti: 5

سَلَٰمٌ هِيَ حَتَّىٰ مَطۡلَعِ ٱلۡفَجۡرِ

Ntunjelele-tunjelelepe! Chele Chilocho, mpaka kumasikusiku.^[3]

[3] (97:5) Akusimulila Ȃishah رضي الله عنه yanti: Ntenga jwa Allah ﷺ jwatite: “N’jisosejesoseje Lailatul Qadr mu ilo ya chiŵalanjilo changakomboleka gaŵa ni 2 ni ngasigala kakusigala (mpela ilo ya 21, 23, 25, 27 ni 29), mu ilo likumi yambesi yamwesi wa Ramadhan.” (Swahîh Al-Bukhârî, Hadith No. 1913.