மொழிபெயர்ப்பு அத்தியாயம் அல்இஸ்ரா - பிலிப்பைன்ஸ் மொழிபெயர்ப்பு (மகிந்தனாவ்) - அர்ருவ்வாத் மொழிபெயர்ப்பு மையம் - பக்க எண் 290 - அல்குர்ஆன் கலைக்களஞ்சியம்

வசனம்: 76

وَإِن كَادُواْ لَيَسۡتَفِزُّونَكَ مِنَ ٱلۡأَرۡضِ لِيُخۡرِجُوكَ مِنۡهَاۖ وَإِذٗا لَّا يَلۡبَثُونَ خِلَٰفَكَ إِلَّا قَلِيلٗا

Endu sinupegan (panginggileken) ka nilan, ka endu ka nilan makapalyu sa kanu lupa (Makkah), ugayd na kiyug nu Allah i kinaganat nengka, endu dala bun kawgeti silan sa ulyan a kinaganat nengka. (nabunu silan sa Bad'r).

வசனம்: 77

سُنَّةَ مَن قَدۡ أَرۡسَلۡنَا قَبۡلَكَ مِن رُّسُلِنَاۖ وَلَا تَجِدُ لِسُنَّتِنَا تَحۡوِيلًا

Mamba i ukit nu Allah kanu sinugu nin a nawna sa leka (Muhammad) endu dala mapaluli nengka kanu ukit nami a makasibay.

வசனம்: 78

أَقِمِ ٱلصَّلَوٰةَ لِدُلُوكِ ٱلشَّمۡسِ إِلَىٰ غَسَقِ ٱلَّيۡلِ وَقُرۡءَانَ ٱلۡفَجۡرِۖ إِنَّ قُرۡءَانَ ٱلۡفَجۡرِ كَانَ مَشۡهُودٗا

Itindeg nengka su sambayang sa kapulid a senang taman sa kasedep na senang (dhuhur, as'r, maghrib, isha) endu (batya ka) su Qur’an kanu faj'r (sambayang a sub'h) ka su Qur’an sya kanu faj'r (kadsambayang sa sub'h) na pedsaksiyan nu manga malaikat.

வசனம்: 79

وَمِنَ ٱلَّيۡلِ فَتَهَجَّدۡ بِهِۦ نَافِلَةٗ لَّكَ عَسَىٰٓ أَن يَبۡعَثَكَ رَبُّكَ مَقَامٗا مَّحۡمُودٗا

Endu su ped kanu magabi na tahajjud ka ka sunnat sa leka, ka di ebplis na pambuwaten ka nu kadenan nengka sa mapulu a pangkatan (lu sa surga).

வசனம்: 80

وَقُل رَّبِّ أَدۡخِلۡنِي مُدۡخَلَ صِدۡقٖ وَأَخۡرِجۡنِي مُخۡرَجَ صِدۡقٖ وَٱجۡعَل لِّي مِن لَّدُنكَ سُلۡطَٰنٗا نَّصِيرٗا

Endu edtalu ka i kadenan ku paludep aku sa beludepan a benal (sa Madinah) endu palyu aku sa belyuwan a benal (Makkah) endu enggiya ko ebpun sa leka sa tindeg a bagel a makatabang sa laki.

வசனம்: 81

وَقُلۡ جَآءَ ٱلۡحَقُّ وَزَهَقَ ٱلۡبَٰطِلُۚ إِنَّ ٱلۡبَٰطِلَ كَانَ زَهُوقٗا

Endu edtalu ka i nakawma su bantang na mailang (mapunas) su baatil, ka su baatil na andang a mapunas.

வசனம்: 82

وَنُنَزِّلُ مِنَ ٱلۡقُرۡءَانِ مَا هُوَ شِفَآءٞ وَرَحۡمَةٞ لِّلۡمُؤۡمِنِينَ وَلَا يَزِيدُ ٱلظَّٰلِمِينَ إِلَّا خَسَارٗا

Endu ipedtulun nami ebpun kanu Qur’an i makauli (makagamut) sa dalu, endu limu kanu manga mu'min, endu dala maka-uman kanu manga tading a salakaw sa kalugyan.

வசனம்: 83

وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ كَانَ يَـُٔوسٗا

Endu amayka inikalimu nami su manusya (a di bangimbenal) na tumaligkud atawa tumangkili sa kadsukur sa Allah amayka dinumalu atawa nakamutu na tinebpekan.

வசனம்: 84

قُلۡ كُلّٞ يَعۡمَلُ عَلَىٰ شَاكِلَتِهِۦ فَرَبُّكُمۡ أَعۡلَمُ بِمَنۡ هُوَ أَهۡدَىٰ سَبِيلٗا

Edtalu ka i umani-isa na enggalebeken nin endaw i nalayamanin, na su Kadenan nu i mataw kanu naka-tuntul sa lalan.

வசனம்: 85

وَيَسۡـَٔلُونَكَ عَنِ ٱلرُّوحِۖ قُلِ ٱلرُّوحُ مِنۡ أَمۡرِ رَبِّي وَمَآ أُوتِيتُم مِّنَ ٱلۡعِلۡمِ إِلَّا قَلِيلٗا

Endu su ibagidsa nilan sa leka a ngyawa, edtaluka su ngyawa na su Allah i mataw lun, endu dakanu enggay sa kataw, ya tabiya na paydu gayd.

வசனம்: 86

وَلَئِن شِئۡنَا لَنَذۡهَبَنَّ بِٱلَّذِيٓ أَوۡحَيۡنَآ إِلَيۡكَ ثُمَّ لَا تَجِدُ لَكَ بِهِۦ عَلَيۡنَا وَكِيلًا

Endu amayka nagkahanda nami i iyawa nami su kataw a wahi nami sa leka (su Qur’an) na dala maparuli nengka a kasaligan nengka lun sa kambalinganin.