மொழிபெயர்ப்பு அத்தியாயம் ஸூரா அல்அஃலா - தமிழ் மொழிபெயர்ப்பு - உமர் ஷரீப் - அல்குர்ஆன் கலைக்களஞ்சியம்

ஸூரா அல்அஃலா

வசனம்: 1

سَبِّحِ اسْمَ رَبِّكَ الْاَعْلَی ۟ۙ

(நபியே!) மிக உயர்ந்தவனாகிய உம் இறைவனின் பெயரைத் துதித்து தூய்மைப்படுத்தி தொழுவீராக!

வசனம்: 2

الَّذِیْ خَلَقَ فَسَوّٰی ۟

அவன் படைத்தான்; இன்னும், (தனது படைப்புகளை) ஒழுங்கு படுத்தினான்.

வசனம்: 3

وَالَّذِیْ قَدَّرَ فَهَدٰی ۟

இன்னும், அவன் நிர்ணயம் செய்தான் (-அளவிட்டான், திட்டமிட்டான்); இன்னும், (படைப்புகள், தங்களுக்கு தேவையான எல்லாவற்றையும் அடைந்துகொள்ள தேவையான வழிகளை) வழிகாட்டினான்.

வசனம்: 4

وَالَّذِیْۤ اَخْرَجَ الْمَرْعٰی ۟

இன்னும், அவன் பசுமையான புல்லை (பூமியில்) வெளியாக்கினான் (உற்பத்தி செய்தான்).

வசனம்: 5

فَجَعَلَهٗ غُثَآءً اَحْوٰی ۟ؕ

பிறகு, அதைக் (காய்ந்து) கருத்துப்போன சருகாக ஆக்கினான்.

வசனம்: 6

سَنُقْرِئُكَ فَلَا تَنْسٰۤی ۟ۙ

(நபியே! அல் குர்ஆனை) உமக்குக் கற்பிப்போம். ஆக, (அதிலிருந்து எதையும்) நீர் மறக்க மாட்டீர்,

வசனம்: 7

اِلَّا مَا شَآءَ اللّٰهُ ؕ— اِنَّهٗ یَعْلَمُ الْجَهْرَ وَمَا یَخْفٰی ۟ؕ

அல்லாஹ் நாடியதைத் தவிர. நிச்சயமாக அவன் வெளிப்படையானதையும் மறைந்திருப்பதையும் நன்கறிவான்.

வசனம்: 8

وَنُیَسِّرُكَ لِلْیُسْرٰی ۟ۚۖ

இன்னும், சொர்க்கப் பாதையை உமக்கு இலகுவாக்குவோம்.

வசனம்: 9

فَذَكِّرْ اِنْ نَّفَعَتِ الذِّكْرٰی ۟ؕ

ஆகவே, (யாருக்காவது) அறிவுரை பலனளிக்கும் என்றால் (அவர்களுக்கு) அறிவுரை கூறுவீராக!

வசனம்: 10

سَیَذَّكَّرُ مَنْ یَّخْشٰی ۟ۙ

(அல்லாஹ்வை) பயப்படுகிறவர் (அதன் மூலம்) அறிவுரை பெறுவார்.

வசனம்: 11

وَیَتَجَنَّبُهَا الْاَشْقَی ۟ۙ

இன்னும், பெரும் துர்ப்பாக்கியவான் (கெட்ட மனிதன்) அதை தவிர்த்துவிடுவான்.

வசனம்: 12

الَّذِیْ یَصْلَی النَّارَ الْكُبْرٰی ۟ۚ

(அவன்) மாபெரும் நரக நெருப்பில் பற்றி எரிவான்.

வசனம்: 13

ثُمَّ لَا یَمُوْتُ فِیْهَا وَلَا یَحْیٰی ۟ؕ

பிறகு, அதில் மரணிக்கவும் மாட்டான்; இன்னும், வாழவும் மாட்டான்.

வசனம்: 14

قَدْ اَفْلَحَ مَنْ تَزَكّٰی ۟ۙ

(இஸ்லாமை ஏற்று பாவங்களை விட்டு) பரிசுத்தமடைந்தவர் திட்டமாக வெற்றி பெற்றார்.

வசனம்: 15

وَذَكَرَ اسْمَ رَبِّهٖ فَصَلّٰی ۟ؕ

இன்னும், அவர் தன் இறைவனின் பெயரை நினைவு கூர்வார்; இன்னும், (ஐவேளை தொழுகைகளை) தொழுவார்.

வசனம்: 16

بَلْ تُؤْثِرُوْنَ الْحَیٰوةَ الدُّنْیَا ۟ۚۖ

மாறாக, (அற்ப) உலக வாழ்வைத் தேர்ந்தெடுக்கிறீர்கள்.

வசனம்: 17

وَالْاٰخِرَةُ خَیْرٌ وَّاَبْقٰی ۟ؕ

மறுமையோ மிகச் சிறந்ததும் என்றும் நிலையானதுமாகும்.

வசனம்: 18

اِنَّ هٰذَا لَفِی الصُّحُفِ الْاُوْلٰی ۟ۙ

முந்திய வேதங்களில் நிச்சயமாக இது (கூறப்பட்டு) இருக்கிறது,

வசனம்: 19

صُحُفِ اِبْرٰهِیْمَ وَمُوْسٰی ۟۠

இப்ராஹீம் உடைய இன்னும் மூஸா உடைய வேதங்களில் (கூறப்பட்டிருக்கிறது).