భావార్ధాల అనువాదం సూరహ్ అన్-నబఅ - అజరీ అనువాదం - అల్ ఖుర్ఆన్ అల్ కరీమ్ యొక్క సంక్షిప్త తఫ్సీర్ వ్యాఖ్యానం - పేజీ నెంబరు 582 - పవిత్ర ఖుర్ఆన్ యొక్క ఎన్సైక్లోపీడియా

ən-Nəbə

ఈ సూరహ్ (అధ్యాయం) యొక్క ప్రయోజనాలు:

بيان أدلة القدرة على البعث والتخويف من العاقبة.

Allahın ölüləri diriltməyə qadir olması barədə dəlilləri bəyan etmək və pis aqibət ilə qorxutmaq.

---

వచనం: 1

عَمَّ يَتَسَآءَلُونَ

Allah o müşriklərə öz Rəsulunu (səllallahu aleyhi və səlləm) göndərdikdən sonra onlar bir-birindən nə haqqında soruşurlar?

వచనం: 2

عَنِ ٱلنَّبَإِ ٱلۡعَظِيمِ

Onların bəzisi digərlərindən böyük xəbər barədə soruşur. Bu,onlara göndərilən elçiyə nazil edilmiş, dirilmə barədə xəbərləri ehtiva edən bu Qurandır.

వచనం: 3

ٱلَّذِي هُمۡ فِيهِ مُخۡتَلِفُونَ

O Quran ki, onlar onun sehr, yaxud şeir, yaxud kahinlik, yaxud da keçmişdəkilərin əfsanələri olduğunu iddia etməklə onun vəsfi xüsusunda ixtilafa düşmüşlər.

వచనం: 4

كَلَّا سَيَعۡلَمُونَ

Bu iş heç də onların iddia etdikləri kimi deyildir. Quranı təkzib edən o müşriklər bu təkzibin pis aqibətini hökmən biləcəklər.

వచనం: 5

ثُمَّ كَلَّا سَيَعۡلَمُونَ

Bir daha xeyr, onlar bu təkzibin pis aqibətini hökmən biləcəklər.

వచనం: 6

أَلَمۡ نَجۡعَلِ ٱلۡأَرۡضَ مِهَٰدٗا

Onlar yer üzərində qərar tutsunlar deyə Biz onu yataq tək dümdüz etmədikmi?!

వచనం: 7

وَٱلۡجِبَالَ أَوۡتَادٗا

Yer tərpənməsin deyə Biz onun üzərində dirəklər tək dağlar yerləşdirdik.

వచనం: 8

وَخَلَقۡنَٰكُمۡ أَزۡوَٰجٗا

Ey insanlar! Biz sizi kişi və qadın olaraq cüt-cüt yaratdıq.

వచనం: 9

وَجَعَلۡنَا نَوۡمَكُمۡ سُبَاتٗا

İşlərinizi dayandırıb istirahət edəsiniz deyə sizin üçün yuxu yaratdıq.

వచనం: 10

وَجَعَلۡنَا ٱلَّيۡلَ لِبَاسٗا

Övrətinizi libasla örtrdüyünüz kimi gecəni də öz zülməti ilə bürüyən bir örtük etdik.

వచనం: 11

وَجَعَلۡنَا ٱلنَّهَارَ مَعَاشٗا

Gündüzü də, sizin ruzi əldə etməyiniz və onu axtarmağınız üçün meydan etdik.

వచనం: 12

وَبَنَيۡنَا فَوۡقَكُمۡ سَبۡعٗا شِدَادٗا

Üstünüzdə dayanıqlı və möhkəm bina edilmiş yeddi göy yaratdıq.

వచనం: 13

وَجَعَلۡنَا سِرَاجٗا وَهَّاجٗا

Günəşi də çox yanar və çox parlaq bir çıraq etdik.

వచనం: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Biz yağmurla dolmuş buludlardan şırıl-şırıl yağan yağmur endirdik.

వచనం: 15

لِّنُخۡرِجَ بِهِۦ حَبّٗا وَنَبَاتٗا

Yağmur yağdırdıq ki, onun sayəsində müxtəlif dənlər və növbənöv bitkilər çıxardaq.

వచనం: 16

وَجَنَّٰتٍ أَلۡفَافًا

Eləcə də, bu yağmur sayəsində, ağaclarının budaqları bir-birinə sarmaşan bağlar yetişdirək.

వచనం: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Həqiqətən, yaradılanlar arasında ayırd etmək günü əzəldən müəyyən edilmiş, dəyişilməz, bəlli bir vaxta təyin edilmişdir.

వచనం: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ey insanlar! Mələk sura ikinci kərə üfürəcəyi gün, siz məhşərə dəstə-dəstə gələcəksiniz.

వచనం: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

O gün göy açılacaq və orada açıq qapılara bənzər yarıqlar əmələ gələcək.

వచనం: 20

وَسُيِّرَتِ ٱلۡجِبَالُ فَكَانَتۡ سَرَابًا

Dağlar hərəkətə gətirilib səpələnən toz dənəciklərinə çevriləcək və ilğıma dönəcəkdir.

వచనం: 21

إِنَّ جَهَنَّمَ كَانَتۡ مِرۡصَادٗا

Həqiqətən, Cəhənnəm pusquda durub kafirləri gözləyir.

వచనం: 22

لِّلطَّٰغِينَ مَـَٔابٗا

Cəhənnəm zalımların qayıdacağı yerdir.

వచనం: 23

لَّٰبِثِينَ فِيهَآ أَحۡقَابٗا

Onlar orada sonu olmayan zaman və əsrlər boyu qalacaqlar.

వచనం: 24

لَّا يَذُوقُونَ فِيهَا بَرۡدٗا وَلَا شَرَابًا

Onlar orada nə atəşin istisini soyudan soyuq hava görəcək, nə də ləzzət verəcək bir içki dadacaqlar.

వచనం: 25

إِلَّا حَمِيمٗا وَغَسَّاقٗا

Daddıqları yalnız qaynar su və Cəhənnəm əhlinin bədənindən axan irin olacaqdır.

వచనం: 26

جَزَآءٗ وِفَاقًا

Dünyada ikən etdikləri küfrə və azğınlığa uyğun cəza olaraq.

వచనం: 27

إِنَّهُمۡ كَانُواْ لَا يَرۡجُونَ حِسَابٗا

Doğrusu, onlar dünyada ikən Allahın axirətdə onları haqq-hesaba çəkəcəyindən qorxmurdular. Çünki onlar öldükdən sonra qiyamət günü yenidən diriləcəklərinə inanmırdılar. Əgər yenidən diriləcəklərinə inansaydılar, Allaha iman gətirər və yaxşı işlər görərdilər.

వచనం: 28

وَكَذَّبُواْ بِـَٔايَٰتِنَا كِذَّابٗا

Onlar Rəsulumuza nazil etdiyimiz ayələrimizi də qətiyyətlə təkzib edirdilər.

వచనం: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Biz onların əməllərinin hamısını müəyyənləşdirib hesaba almışıq. Bunların hamısı onların əməl kitabında yazılmışdır.

వచనం: 30

فَذُوقُواْ فَلَن نَّزِيدَكُمۡ إِلَّا عَذَابًا

Ey azğınlar! Elə isə dadın əzabı. Bu, həmişəlik əzabdır. Biz sizə əzabınız üzərinə əzabdan başqa bir şey artırmayacağıq.

ఈ పేజీలోని వచనాల ద్వారా లభించే ప్రయోజనాలు:

• إحكام الله للخلق دلالة على قدرته على إعادته.

Allahın məxluqatı gözəl bir biçimdə yaratması, Allahın onları yenidən diriltməsinə qadir olduğuna dəlalət edir.

• الطغيان سبب دخول النار.

Azğınlıq etmək Cəhənnəm oduna düçar olmağa səbəbdir.

• مضاعفة العذاب على الكفار.

Kafirlərin əzabının qat-qat olması.