భావార్ధాల అనువాదం సూరహ్ సూరహ్ అన్-నాజిఆత్ - తెలుగు అనువాదం - పవిత్ర ఖుర్ఆన్ యొక్క ఎన్సైక్లోపీడియా

సూరహ్ అన్-నాజిఆత్

వచనం: 1

وَالنّٰزِعٰتِ غَرْقًا ۟ۙ

(అవిశ్వాసుల ప్రాణాలను) కఠినంగా లాగి తీసే వారి (దేవదూతల) సాక్షిగా!^[1]

[1] నా'జి'ఆత్: బలవంతంగా, కఠినంగా లాగి తీయటం. 'గర్ ఖన్: ఈ సూరహ్ లోని 1-5 ఆయతుల తాత్పర్యంలో వ్యాఖ్యాతల మధ్య భిన్నాభిప్రాయాలున్నాయి.

వచనం: 2

وَّالنّٰشِطٰتِ نَشْطًا ۟ۙ

(విశ్వాసుల ప్రాణాలను) నెమ్మదిగా తీసేవారి (దేవదూతల) సాక్షిగా!^[1]

[1] నష్'తన్: ముడివిప్పటం - అంటే నెమ్మదిగా తీయటం.

వచనం: 3

وَّالسّٰبِحٰتِ سَبْحًا ۟ۙ

(విశ్వంలో) తేలియాడుతూ పోయే వారి సాక్షిగా!^[1]

[1] సబ్'హన్: ఈదుట, తేలుతూ పోవుట.

వచనం: 4

فَالسّٰبِقٰتِ سَبْقًا ۟ۙ

మరియు పందెంలో వలే (ఒకరితో నొకరు) పోటీ పడే వారి సాక్షిగా!

వచనం: 5

فَالْمُدَبِّرٰتِ اَمْرًا ۟ۘ

మరియు (తమ ప్రభువు) ఆజ్ఞానుసారం వ్యవహారాలు నిర్వహించేవారి (దేవదూతల) సాక్షిగా!

వచనం: 6

یَوْمَ تَرْجُفُ الرَّاجِفَةُ ۟ۙ

ఆ రోజు (మొదటి) బాకా ధ్వని భూగోళాన్ని తీవ్రంగా కంపింపజేస్తుంది.^[1]

[1] ఇది మొదటి బాకా ధ్వని. దీనినే నఫ్ ఖయే ఫనా అంటారు. అప్పుడు ప్రతిదీ నశిస్తుంది.

వచనం: 7

تَتْبَعُهَا الرَّادِفَةُ ۟ؕ

దాని తర్వాత రెండవ సారి^[1] బాకా ఊదబడుతుంది. (అప్పుడు అందరూ పునరుత్థరింప బడతారు).

[1] ఈ రెండవ బాకా ధ్వనితో అందరూ బ్రతికి తమ గోరీల నుండి బయటికి లేచి వస్తారు.

వచనం: 8

قُلُوْبٌ یَّوْمَىِٕذٍ وَّاجِفَةٌ ۟ۙ

ఆ రోజు (కొన్ని) హృదయాలు (భయంతో) దడదడలాడుతూ ఉంటాయి.

వచనం: 9

اَبْصَارُهَا خَاشِعَةٌ ۟ۘ

వారి చూపులు క్రిందికి వాలి ఉంటాయి.

వచనం: 10

یَقُوْلُوْنَ ءَاِنَّا لَمَرْدُوْدُوْنَ فِی الْحَافِرَةِ ۟ؕ

వారు ఇలా అంటున్నారు: "ఏమీ? మనం మన పూర్వ స్థితిలోకి మళ్ళీ తీసుకు రాబడతామా?

వచనం: 11

ءَاِذَا كُنَّا عِظَامًا نَّخِرَةً ۟ؕ

మనం శిథిలమైన ఎముకలుగా మారి పోయిన తరువాత కూడానా?"

వచనం: 12

قَالُوْا تِلْكَ اِذًا كَرَّةٌ خَاسِرَةٌ ۟ۘ

వారు (ఇంకా ఇలా) అంటారు: "అయితే ఈ తిరిగి రావటమనేది చాల నష్టదాయకమైనదే!"

వచనం: 13

فَاِنَّمَا هِیَ زَجْرَةٌ وَّاحِدَةٌ ۟ۙ

కాని అది వాస్తవానికి, ఒకే ఒక (తీవ్రమైన) ధ్వని.

వచనం: 14

فَاِذَا هُمْ بِالسَّاهِرَةِ ۟ؕ

అప్పుడు వారందరూ, ఒకేసారి లేచి మైదానంలోకి వచ్చి ఉంటారు.

వచనం: 15

هَلْ اَتٰىكَ حَدِیْثُ مُوْسٰی ۟ۘ

ఏమీ? నీకు మూసా వృత్తాంతం అందిందా^[1]?

[1] మూసా వృత్తాంతానికి చూడండి, 20:9-98.

వచనం: 16

اِذْ نَادٰىهُ رَبُّهٗ بِالْوَادِ الْمُقَدَّسِ طُوًی ۟ۚ

అతని ప్రభువు పవిత్ర తువా లోయలో అతనిని పిలిచినప్పుడు,^[1]

[1] అల్లాహ్ (సు.తా.) మూసా ('అ.స.)తో మాట్లాడాడు. అతనిని సందేశహరునిగా ఎన్నుకున్నాడు.

వచనం: 17

اِذْهَبْ اِلٰی فِرْعَوْنَ اِنَّهٗ طَغٰی ۟ؗۖ

(ఇలా అన్నాడు): "ఫిర్ఔన్ వద్దకు వెళ్ళు, నిశ్చయంగా, అతడు ధిక్కారుడయ్యాడు.

వచనం: 18

فَقُلْ هَلْ لَّكَ اِلٰۤی اَنْ تَزَكّٰی ۟ۙ

"ఇక (అతనితో) ఇట్లను: 'ఏమీ? నీవు పాపరహితుడవు అవటానికి ఇష్టపడతావా?

వచనం: 19

وَاَهْدِیَكَ اِلٰی رَبِّكَ فَتَخْشٰی ۟ۚ

మరియు నేను నీకు నీ ప్రభువు వైపునకు మార్గదర్శకత్వం చేస్తాను, మరి నీవు ఆయన పట్ల భీతి కలిగి ఉంటావా?'"

వచనం: 20

فَاَرٰىهُ الْاٰیَةَ الْكُبْرٰی ۟ؗۖ

తరువాత అతను (మూసా) అతడికి (ఫిర్ఔన్ కు) గొప్ప అద్భుత నిదర్శనాన్ని చూపాడు.

వచనం: 21

فَكَذَّبَ وَعَصٰی ۟ؗۖ

కాని అతడు (ఫిర్ఔన్) దానిని అబద్ధమని తిరస్కరించాడు మరియు (అతని మాటను) ఉల్లంఘించాడు.

వచనం: 22

ثُمَّ اَدْبَرَ یَسْعٰی ۟ؗۖ

ఆ తర్వాత అతడు (ఫిర్ఔన్) వెనక్కి మరలి పోయి, (కుట్రలు) పన్నసాగాడు.

వచనం: 23

فَحَشَرَ ۫— فَنَادٰی ۟ؗۖ

పిదప (ప్రజలను) సమావేశపరచి, ఎలుగెత్తి చాటుతూ;

వచనం: 24

فَقَالَ اَنَا رَبُّكُمُ الْاَعْلٰی ۟ؗۖ

ఇలా అన్నాడు: "నేనే మీ యొక్క మహాన్నత ప్రభువును!"^[1]

[1] చూడండి, 28:38 ఫిర్'ఔన్ తనను తాను దేవుడని చెప్పుకున్నాడు మరియు హద్దులు మీరి ప్రవర్తించాడు మరియు సత్యాన్ని ధిక్కరించాడు.

వచనం: 25

فَاَخَذَهُ اللّٰهُ نَكَالَ الْاٰخِرَةِ وَالْاُوْلٰی ۟ؕ

కావున అల్లాహ్ అతనిని ఇహపరలోకాల శిక్షకు గురి చేశాడు.^[1]

[1] చూడండి, 7:137 అతని ఇహలోక శిక్షకు.

వచనం: 26

اِنَّ فِیْ ذٰلِكَ لَعِبْرَةً لِّمَنْ یَّخْشٰی ۟ؕ۠

నిశ్చయంగా, ఇందులో (అల్లాహ్ కు) భయపడే ప్రతి వ్యక్తి కొరకు గుణపాఠముంది.

వచనం: 27

ءَاَنْتُمْ اَشَدُّ خَلْقًا اَمِ السَّمَآءُ ؕ— بَنٰىهَا ۟۫

ఏమీ? మిమ్మల్ని సృష్టించడం కఠినమయిన పనా? లేక ఆకాశాన్నా? ఆయనే కదా దానిని నిర్మించింది!^[1]

[1] చూడండి, 2:29 మరియు 40:57.

వచనం: 28

رَفَعَ سَمْكَهَا فَسَوّٰىهَا ۟ۙ

ఆయన దాని కప్పు (ఎత్తు)ను చాలా పైకి లేపాడు. తరువాత దానిని క్రమపరిచాడు;

వచనం: 29

وَاَغْطَشَ لَیْلَهَا وَاَخْرَجَ ضُحٰىهَا ۪۟

మరియు ఆయన దాని రాత్రిని చీకటిగా చేశాడు. మరియు దాని పగటిని (వెలుగును) బహిర్గతం చేశాడు.

వచనం: 30

وَالْاَرْضَ بَعْدَ ذٰلِكَ دَحٰىهَا ۟ؕ

మరియు ఆ పిదప భూమిని పరచినట్లు చేశాడు^[1].

[1] ద'హాహున్: అంటే నిప్పుకోడి గ్రుడ్డు ఆకారం అని కొందరు వ్యాఖ్యానించారు. ఈ రోజు సైంటిష్టులు భూమి ఆకారం నిప్పుకోడి గ్రుడ్డు ఆకారంలో ఉందని నిరూపించారు.

వచనం: 31

اَخْرَجَ مِنْهَا مَآءَهَا وَمَرْعٰىهَا ۪۟

దాని నుండి దాని నీళ్ళను మరియు దాని పచ్చికను బయటికి తీశాడు;

వచనం: 32

وَالْجِبَالَ اَرْسٰىهَا ۟ۙ

మరియు పర్వతాలను (దానిలో) స్థిరంగా నాటాడు;

వచనం: 33

مَتَاعًا لَّكُمْ وَلِاَنْعَامِكُمْ ۟ؕ

మీకు మరియు మీ పశువులకు జీవన సామగ్రిగా^[1]!

[1] చూడండి, 80:24-32.

వచనం: 34

فَاِذَا جَآءَتِ الطَّآمَّةُ الْكُبْرٰی ۟ؗۖ

ఇక ఆ గొప్ప దుర్ఘటన (పునరుత్థాన దినం) వచ్చినప్పుడు;

వచనం: 35

یَوْمَ یَتَذَكَّرُ الْاِنْسَانُ مَا سَعٰی ۟ۙ

ఆ రోజు మానవుడు తాను చేసిందంతా జ్ఞాపకం చేసుకుంటాడు;

వచనం: 36

وَبُرِّزَتِ الْجَحِیْمُ لِمَنْ یَّرٰی ۟

మరియు చూసే వారి యెదుటకు, నరకాగ్ని స్పష్టంగా కనబడేటట్లు తేబడుతుంది. ^[1]

[1] చూడండి, 26:91.

వచనం: 37

فَاَمَّا مَنْ طَغٰی ۟ۙ

ఇక ధిక్కారంతో హద్దులు మీరి ప్రవర్తించిన వాడికి;

వచనం: 38

وَاٰثَرَ الْحَیٰوةَ الدُّنْیَا ۟ۙ

మరియు ఐహిక జీవితానికి ప్రాధాన్యత నిచ్చిన వాడికి;

వచనం: 39

فَاِنَّ الْجَحِیْمَ هِیَ الْمَاْوٰی ۟ؕ

నిశ్చయంగా, నరకాగ్నియే, వాని నివాస స్థానమవుతుంది!

వచనం: 40

وَاَمَّا مَنْ خَافَ مَقَامَ رَبِّهٖ وَنَهَی النَّفْسَ عَنِ الْهَوٰی ۟ۙ

మరియు తన ప్రభువు ముందు నిలబడ వలసి వుంటుందన్న భయంతో తన మనస్సును దుష్టవాంఛలకు దూరంగా ఉంచిన వ్యక్తికి;

వచనం: 41

فَاِنَّ الْجَنَّةَ هِیَ الْمَاْوٰی ۟ؕ

నిశ్చయంగా, స్వర్గమే, అతని నివాస స్థానమవుతుంది!

వచనం: 42

یَسْـَٔلُوْنَكَ عَنِ السَّاعَةِ اَیَّانَ مُرْسٰىهَا ۟ؕ

(ఓ ముహమ్మద్!) వీరు నిన్ను - ఆ ఘడియను గురించి: "అసలు అది ఎప్పుడొస్తుంది?" అని అడుగుతున్నారు.

వచనం: 43

فِیْمَ اَنْتَ مِنْ ذِكْرٰىهَا ۟ؕ

దాని గురించి చెప్పడానికి దాంతో నీకేమి సంబంధం?

వచనం: 44

اِلٰی رَبِّكَ مُنْتَهٰىهَا ۟ؕ

దాని వాస్తవ జ్ఞానం నీ ప్రభువుకే ఉంది!

వచనం: 45

اِنَّمَاۤ اَنْتَ مُنْذِرُ مَنْ یَّخْشٰىهَا ۟ؕ

(ఓ ముహమ్మద్!) నిశ్చయంగా, నీవు, దానికి భయపడే వారిని హెచ్చరించే వాడవు మాత్రమే!

వచనం: 46

كَاَنَّهُمْ یَوْمَ یَرَوْنَهَا لَمْ یَلْبَثُوْۤا اِلَّا عَشِیَّةً اَوْ ضُحٰىهَا ۟۠

వారు దానిని చూసిన రోజు (తాము ప్రపంచంలో) కేవలం ఒక సాయంత్రమో లేక ఒక ఉదయమో గడిపినట్లు భావిస్తారు^[1].

[1] మానవుడు చేసే భూమికి చెందిన కాల పరిమాణం పరలోకంలో ఉండదు. ఇంకా చూడండి, 2:259, 17:52, 18:19, 20:103-104, 23:112-113, 30:55. 'అషియ్యతున్: అంటే "జుహ్ర్ నుండి సూర్యాస్తమయం వరకు మరియు 'దుహా: అంటే సూర్యోదయం నుండి మధ్యాహ్నం వరకు.